ಬಿ.ಎನ್. ಹೇಮಂತ್ ಕುಮಾರ್ ಅಭಿನಂದನೆ

ಹಾಸನ: ರಾಧಮ್ಮ ಜನಸ್ಪಂದನ ಸಂಸ್ಥೆಯಿಂದ ಆಲೂರು ರೈಲ್ವೆ ನಿಲ್ದಾಣಕ್ಕೆ ರೈಲು ನಿಲುಗಡೆ ಆದೇಶ ಬಂದಿದ್ದು, ಇದಕ್ಕೆ ಕಾರಣರಾದವರಿಗೆಲ್ಲಾ ಅಭಿನಂದನೆ ಸಲ್ಲಿಸುವುದಾಗಿ ರಾಧಮ್ಮ ಜನಸ್ಪಂದನ ಸಂಸ್ಥೆಯ ಸಂಸ್ಥಾಪಕ ಬಿ.ಎನ್. ಹೇಮಂತ್ ಕುಮಾರ್ ಹೇಳಿದರು.

ಪತ್ರಿಕಾಗೋಷ್ಠಿಯಲ್ಲಿ ಮಂಗಳವಾರ ಮಾತನಾಡಿ, ಕಳೆದ ೧೭ ತಿಂಗಳಿಂದ ನಿರಂತರವಾಗಿ ಹಂತ ಹಂತವಾಗಿ ಸಂಬಂಧಪಟ್ಟ ಎಲ್ಲಾ ರೈಲ್ವೆ ವಿಭಾಗಗಳನ್ನು ಸಂಪರ್ಕಿಸಿ ಮನವಿಯನ್ನು ಕೊಡುವುದರ ಮುಖಾಂತರ ಆಲೂರು ತಾಲೂಕು ರೈಲ್ವೆ ನಿಲ್ದಾಣಕ್ಕೆ ರೈಲು ನಿಲುಗಡೆ ಆದೇಶವನ್ನು ತರುವುದರಲ್ಲಿ ಯಶಸ್ವಿಯಾಗಿದ್ದೇವೆ. ಯಶಸ್ವಿಗೆ ಮತ್ತು ನಮ್ಮ ಹೋರಾಟಕ್ಕೆ ಸಹಕರಿಸಿದಂತವರಿಗೆ ಅಭಿನಂದನೆಗಳನ್ನು ತಿಳಿಸುತ್ತೇನೆ. ಕೇಂದ್ರ ಮಂತ್ರಿಗಳಾದ ಅಶ್ವಿನಿ ವೈಷ್ಣವ್ ಹಿಂದೆ ಇದ್ದಂತಹ ಬಿಜೆಪಿ ಜಿಲ್ಲಾಧ್ಯಕ್ಷರಾದಂತಹ ಹಾಗೂ ಈಗಿನ ಶಾಸಕರು ಬೇಲೂರು ಕ್ಷೇತ್ರದ ಹೆಚ್.ಕೆ. ಸುರೇಶ್ ಮತ್ತು ಆಲೂರು ಸಕಲೇಶಪುರ ಕ್ಷೇತ್ರದ ಶಾಸಕಾಗಿರುವ ಸಿಮೆಂಟ್ ಮಂಜುನಾಥ್, ರೈಲ್ವೆ ಜಿಎಂ ಸೆಕ್ರೆಟರಿ ಆಗಿರುವ ಸುನಿಲ್, ಹುಬ್ಬಳ್ಳಿ ಮತ್ತು ಮೈಸೂರಿನ ಡಿ ಆರ್ ಎಂ ಶಿಲ್ಪಿ ಅಗರ್ವಾಲ್ ಎಲ್ಲಾ ರೈಲ್ವೆ ಅಧಿಕಾರಿಗಳು ಸಹ ಅಭಿನಂದನೆ ಸಲ್ಲಿಸುತ್ತೇವೆ ಎಂದರು. ನಾನು ಮೊದಲನೇದಾಗಿ ರಾಧಮ್ಮ ಜನಸ್ಪಂದನ ಸಂಸ್ಥೆಯಿಂದ ಹೋರಾಟ ಮಾಡಿದ ರೀತಿಯನ್ನ ಪತ್ರಕರ್ತರ ಮುಖಾಂತರ ನಮ್ಮ ಸಮಾಜಕ್ಕೆ ಬೆಳಕಿಗೆ ದಾಖಲಾತಿ ನೀಡುವುದರ ಮುಖಾಂತರ ನಮ್ಮದೇ ಕೊಡುಗೆ ಎಂದು ತಿಳಿಸುತ್ತಿದ್ದೇವೆ.

೨೦೨೨ ರಿಂದ ಹೋರಾಟಕ್ಕಿಳಿದು ಮನವಿ ಸಲ್ಲಿಸಿದ ತಕ್ಷಣ ಅಂಚೆ ಕಚೇರಿಯ ಮುಖಾಂತರ ಬಂದಿರುವ ಸ್ವೀಕೃತಿ ಪತ್ರವನ್ನು ನೈರುತ್ಯ ರೈಲ್ವೆ ಇವರಿಂದ ತದನಂತರ ೨೦೨೩ ಜುಲೈ ದೆಹಲಿಗೆ ಹೋಗಿ ೨೦ನೇ ತಾರೀಕು ಬೇಲೂರು ಶಾಸಕರಾದ ಎಚ್.ಕೆ. ಸುರೇಶ್ ಅವರೊಂದಿಗೆ ಕೇಂದ್ರದ ರೈಲ್ವೆ ಬೋರ್ಡ್‌ಗೆ ಮನವಿ ಸಲ್ಲಿಸಿ ರೈಲ್ವೆ ಮಂತ್ರಿಗೆ ಖುದ್ದಾಗಿ ಮನವಿ ಪತ್ರ ಕೊಡಲಾಗಿತ್ತು. ಸ್ಥಳೀಯ ಶಾಸಕರ ಸಿಮೆಂಟ್ ಮಂಜುನಾಥ್ ಕಾಗದಪತ್ರವನ್ನ ಸಂಬಂಧಪಟ್ಟಂತಹ ರೈಲ್ವೆ ವಲಯ ಅಧಿಕಾರಿಗಳಿಗೆ ತಲುಪಿಸಿದ್ದೇವೆ ಮೈಸೂರು ವಿಭಾಗದ ಡಿ.ಆರ್.ಎಂ. ಮತ್ತು ಹುಬ್ಬಳ್ಳಿಯ ಜಿಎಂ ಮತ್ತೊಮ್ಮೆ ನಾನು ದೆಹಲಿಯ ರೈಲ್ವೆ ಬೋರ್ಡ್ ಬಳಿ ಹೋಗಿ ವಿಶೇಷವಾಗಿ ನವೆಂಬರ್ ೧೭ ರಂದು ಮನವಿ ಸಲ್ಲಿಸಿ ರೈಲ್ವೆ ಮಂತ್ರಿಗಳ ಬಳಿ ಸ್ವೀಕೃತಿ ಪತ್ರ ವನ್ನು ಪಡೆದು ಆಲೂರ್ ಗೆ ತಕ್ಷಣ ರೈಲು ನಿಲುಗಡೆ ಆಗಬೇಕೆಂದು ದೆಹಲಿ ಅಧಿಕಾರಿಗಳು ದೂರವಾಣಿ ಮುಖಾಂತರ ಹುಬ್ಬಳ್ಳಿಯ ಜಿಎಂ ಕಚೇರಿಗೆ ಆದೇಶಿಸಿದರು. ನಂತರ ನಾನು ದೆಹಲಿಯಿಂದ ನೇರವಾಗಿ ಹುಬ್ಬಳಿಯ ಕಚೇರಿಗೆ ಹೋಗಿ ಡಿಜಿಎಂ ಆಗಿರುವ ಕುಲದೀಪ್ ಅವರಿಗೆ ಭೇಟಿ ಮಾಡಿ ದೆಹಲಿಯ ಮನವಿ ಪತ್ರವನ್ನು ಕೊಟ್ಟಾಗ ಸ್ವೀಕರಿಸಿ ಒಂದೇ ದಿನದಲ್ಲಿ ಆಲೂರಿಗೆ ರೈಲ್ವೆ ಅಧಿಕಾರಿಗಳನ್ನು ಕಳಿಸಿಕೊಟ್ಟು ನಿಲ್ದಾಣದ ಸ್ಥಳ ಪರಿಶೀಲನೆ ಮಾಡಿ ವರದಿಯನ್ನು ಸಲ್ಲಿಸುವಂತೆ ಮಾಡಿದರು. ಇದು ಕೂಡ ನನ್ನ ಹೋರಾಟದ ಪ್ರಥಮ ಗೆಲುವು ಎಂದು ಎಲ್ಲಾ ಮಾಧ್ಯಮಗಳು ಕಳೆದ ಎರಡು ತಿಂಗಳಿಂದ ಸುದ್ದಿಯನ್ನು ಮಾಡಲಾಗಿತ್ತು ಎಂದರು. ತದನಂತರ ವರದಿಯ ಪ್ರಕಾರ ಮತ್ತೊಮ್ಮೆ ರೈಲ್ವೆ ಇಲಾಖೆಯನ್ನು ಮೈಸೂರಿನಲ್ಲಿ ಸಂಪರ್ಕಿಸಿದಾಗ ಡಿ.ಆರ್.ಎಂ. ಶಿಲ್ಪಿ ಅಗರ್ವಾಲ್ ಅವರು ಪ್ರೋಸೆಸ್ ಮಾಡಿ ಆರು ತಿಂಗಳು ಪ್ರಾಯೋಗಿಕವಾಗಿ ರೈಲ್ ನಿಲುಗಡೆಗೆ ಹುಬ್ಬಳ್ಳಿಯಿಂದ ಆದೇಶ ಬರುತ್ತದೆ ಎಂದು ನಮ್ಮ ಕಚೇರಿಗೆ ನಮ್ಮ ಮನವಿ ಪತ್ರದ ಸಂಖ್ಯೆಯನ್ನು ನಮೂದಿಸಿ ಕಾಗದಪತ್ರವನ್ನು ಕಳಿಸಿಕೊಟ್ಟರು. ಎಲ್ಲಾ ದಾಖಲಾತಿಗಳನ್ನ ಮಾಧ್ಯಮದ ಸ್ನೇಹಿತರ ಮುಂದೆ ಕೊಡುತ್ತಿದ್ದು ಈ ಹೋರಾಟವನ್ನು ತಾವುಗಳು ಗಮನಿಸಿ ಮತ್ತೊಮ್ಮೆ ಸಹಕರಿಸಬೇಕೆಂದು ಮನವಿ ಮಾಡಿದರು.

ಪತ್ರಿಕಾಗೋಷ್ಠಿಯಲ್ಲಿ ಬಿಜೆಪಿ ಉಪಾಧ್ಯಕ್ಷ ಹೂವಯ್ಯ, ಸಂಸ್ಥೆ ನಿರ್ದೇಶಕ ಲೋಹಿತ್ ಹಾಗೂ ಬಿಜೆಪಿ ವಕ್ತರಾರರು ಐನೆಟ್ ವಿಜಯಕುಮಾರ್ ಇತರರು ಉಪಸ್ಥಿತರಿದ್ದರು.