ಹಾಸನ: ಕೊಪ್ಪಳ ಜಿಲ್ಲೆ ಮರುಕುಂಡಿ ಗ್ರಾಮದ ದಲಿತರ ಮೇಲಿನ ದೌರ್ಜನ್ಯ ಪ್ರಕರಣದಲ್ಲಿ ೯೮ ಜನರಿಗೆ ಜೀವವಾಧಿ ಶಿಕ್ಷೆ ವಿಧಿಸಿದ ನ್ಯಾಯಾಲಯದ ತೀರ್ಪುನ್ನು ಸ್ವಾಗತಿಸಿ ಮಾನವ ಬಂಧುತ್ವ ವೇದಿಕೆ ಹಾಗೂ ದಲಿತ ಸಂಘಟನೆಗಳ ಒಕ್ಕೂಟದಿಂದ ನಗರದ ಜಿಲ್ಲಾಧಿಕಾರಿ ಕಛೇರಿ ಆವರಣದಲ್ಲಿರುವ ಡಾ. ಬಿ.ಆರ್. ಅಂಬೇಡ್ಕರ್ ಪ್ರತಿಮೆಗೆ ಮಾಲಾರ್ಪಣೆಯನ್ನು ಮಾಡಿ ಪಟಾಕಿ ಸಿಡಿಸ ಸಂಭ್ರಮಿಸಿದಲ್ಲದೇ ಘೋಷಣೆ ಕೂಗಿದರು.

ಇದೆ ವೇಳೆ ದಲಿತ ಮುಖಂಡರಾದ ಕೃಷ್ಣದಾಸ್ ಮಾತನಾಡಿ, ಕೊಪ್ಪಳ ಜಿಲ್ಲೆ ಮರುಕುಂಡಿ ಗ್ರಾಮದ ದಲಿತರ ಮೇಲಿನ ದೌರ್ಜನ್ಯದ ವಿರುದ್ಧ ನ್ಯಾಯಾಲಯ ತೀರ್ಪು ನೀಡಿರುವುದನ್ನು ನಾವುಗಳು ಸ್ವಾಗತ ಮಾಡುತ್ತೇವೆ. ದಲಿತರಿಗೆ ನ್ಯಾಯ ಒದಗಿಸಿದಂತಹ ನ್ಯಾಯಾಲಯ ಸಂವಿಧಾನವನ್ನ ಎತ್ತಿ ಹಿಡಿದಿದೆ. ಡಾ. ಬಿ.ಆರ್. ಅಂಬೇಡ್ಕರ್ ಪ್ರತಿಮೆಗೆ ಮಾಲಾರ್ಪಣೆ ಮಾಡಲಾಗಿದೆ ಎಂದರು.

ಹಿರಿಯ ದಲಿತ ಮುಖಂಡರು ಹೆಚ್.ಕೆ. ಸಂದೇಶ್ ಮಾಧ್ಯಮದೊಂದಿಗೆ ಮಾತನಾಡಿ, ಗಂಗಾವತಿ ತಾಲೂಕಿನ ಮರುಕುಂಡಿ ಗ್ರಾಮದಲ್ಲಿ ೨೦೨೪ ಏಪ್ರಿಲ್ ೨೮ ರಂದು ಪುನಿತ್ ರಾಜಕುಮಾರ್ ಅವರ ಪವರ್ ಸಿನಿಮಾ ಟಕೆಟ್ ತೆಗೆದುಕೊಳ್ಳುವ ಕಾರಣಕ್ಕೆ ಅಲ್ಲಿನ ದಲಿತರ ಮಧ್ಯೆ ಜಗಳವಾಗಿ ನಂತರದಲ್ಲಿ ಸವರ್ಣಿಯರನ್ನು ಪ್ರಶ್ನೆ ಮಾಡಿದ ಕಾರಣಕ್ಕೆ ಅಂದು ಇಡೀ ದಿನ ಮಾದಿಗ, ದಲಿತರ ೬೦ ಗುಡಿಸಲನ್ನು ಸುಟ್ಟು ಹಾಕಲಾಗಿತ್ತು. ನಂತರ ಪೊಲೀಸ್ ಠಾಣೆಗೆ ದಲಿತರು ದೂರು ನೀಡಲಾಗಿದ್ದು, ನ್ಯಾಯಾಲಯದಲ್ಲಿ ವಿಚಾರಣೆ ನಡೆದು ಸುಮಾರು ೧೧೭ ಜನರ ಮೇಲೆ ದೂರು ದಾಖಲಾಗುತ್ತದೆ ಎಂದರು. ಇವರಲ್ಲಿ ೧೭ ಜನರು ಈಗಾಗಲೇ ಸಾವನಪ್ಪಿದ್ದಾರೆ. ಉಳಿಕೆ ೯೮ ಜನರ ಮೇಲೆ ಜೀವವಾದಿ ಶಿಕ್ಷೆ ನೀಡಲಾಯಿತು. ಇಂತಹ ಕ್ರಾಂತಿಕಾರಿ ತೀರ್ಪು ಎಲ್ಲಿ ಕೂಡ ಬಂದಿರುವುದಿಲ್ಲ ಎಂದು ಶ್ಲಾಘನೆವ್ಯಕ್ತಪಡಿಸಿದರು.

ಸಿ.ಜಿ.ಎಂ. ಒಕ್ಕೂಟ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಹರೀಶ್ ಉಳುವಾರೆ, ಕೆ. ಈರಪ್ಪ, ರಂಗಸ್ವಾಮಿ ದಲಿತ ಮುಖಂಡರು ಗೋವಿಂದ್ ರಾಜ್ ಸಿಜಿಎಂ ಒಕ್ಕೂಟ ಅಂಬುಗ ಮಲ್ಲೇಶ್, ದಲಿತ ಮುಖಂಡರು ಈರೇಶ್ ಈರಳ್ಳಿ, ಗೋವಿಂದರಾಜು, ದಲಿತ ಮುಖಂಡರು ಕ್ರಾಂತಿ ಪ್ರಸಾದ್ ತ್ಯಾಗಿ ನಗರಸಭಾ ಸದಸ್ಯರು ಮತ್ತು ವಕೀಲರು, ವಕೀಲ ಯೋಗೀಶ್, ಕೆ ಪ್ರಕಾಶ್ ದಲಿತ ಮುಖಂಡರು ಜಗದೀಶ್ ಚೌಡಳ್ಳಿ, ಹರೀಶ್ ಕಟ್ಟೆಬೆಳಗೊಳಿ, ಸಾಹಿತಿ ಜಯರಾಮ್, ಬಿಒ ಇಲಾಖೆ ಕೆವೈಸಿ ಜಗದೀಶ್, ಸತೀಶ್ ಕಬ್ಬಳ್ಳಿ ಚಂದ್ರು ಶಾಣೆನಹಳ್ಳಿ ಮತ್ತು ಎಲ್ಲಾ ಹಿರಿಯ ಕಿರಿಯ ದಲಿತ ಮುಖಂಡರುಗಳು ಉಪಸ್ಥಿತರಿದ್ದರು.

ಹಾಸನ : ನನ್ನ ಮಗನನ್ನು ಮುಗಿಸಲು ಕಾಂಗ್ರೆಸ್ ನಾಯಕರು ಏನು ಕುತಂತ್ರ ಮಾಡಿದ್ರೂ ಅದು ಸಾದ್ಯವಿಲ್ಲ. ಜನ ಚುನಾವಣೆಯಲ್ಲಿ ತೋರಿಸುತ್ತಾರೆ. ಚನ್ನಪಟ್ಟಣದಿಂದ ಕಾಂಗ್ರೆಸ್ ಅವನತಿ ಆರಂಭವಾಗುತ್ತದೆ ಎಂದು ಹಾಸನಾಂಬೆ ದರ್ಶನ ಮಾಡಿ ಹೇಳ್ತಾ ಇದೀನಿ ಬರೆದಿಟ್ಟುಕೊಳ್ಳಿ ಎಂದು ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಸವಾಲು ಎಸೆದ ಪ್ರಸಂಗ ನಡೆಯಿತು.

ನಗರದ ರಿಂಗ್ ರಸ್ತೆ ಬಳಿ ಇರುವ ಶಾಸಕ ಹೆಚ್.ಪಿ. ಸ್ವರೂಪ್ ಮನೆಯಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿ, ರಾಜ್ಯದಲ್ಲಿ ವಾಯುಭಾರ ಕುಸಿತದಿಂದ ಮಳೆಯ ಅನಾಹುತವಾಗಿದ್ದು, ರಾಜ್ಯದಲ್ಲಿ ರೈತರ ಬದುಕು ಧಾರುಣವಾಗಿದೆ. ನೆನ್ನೆ ಸಿಎಂ ಅವರು ಡಿಸಿ ಸಿಎಸ್ ಗಳ ಜೊತೆ ಸಭೆ ನಡೆಸಿದ್ದಾರೆ. ಸಭೆ ಬಳಿಕ ಸುಮಾರು ೮೦ ಸಾವಿರ ಹೆಕ್ಟೇರ್ ಭೂಮಿ ಬೆಳೆ ನಷ್ಟದ ಬಗ್ಗೆ ಮಾಹಿತಿ ನೀಡಿದ್ದಾರೆ. ಕಳೆದ ವರ್ಷದ ಅನಾಹುತಗಳೆ ರೈತರ ಬದುಕಿನ ಜೊತೆ ಚಲ್ಲಾಟ ಆಡಿದೆ. ಮುಂಗಾರಿನಲ್ಲಿ ಈ ಬಾರಿ ಉತ್ತಮ ಮಳೆಯಾಗಿ ಜಲಾಶಯ ಭರ್ತಿಯಾದವು ನಮ್ಮ ಕೆರೆ ತುಂಬಿಸದೆ ಹೊದರು ತಮಿಳುನಾಡಿಗೆ ನೀರು ಬಿಟ್ಟರು. ಈಗಲೂ ನೀರಿದ್ದು, ಕುಡಿಯೊ ನೀರಿಗೆ ಸಮಸ್ಯೆ ಆಗೋದಿಲ್ಲ. ಸರ್ಕಾರದ ಅಂದಾಜಿನ ಪ್ರಕಾರವೇ ರೈತರ ಆತ್ಮಹತ್ಯೆ ಪ್ರಕರಣ ಶುರುವಾಗಿದೆ. ಯುವಕರು ಕೂಡ ಆನ್ಲೈನ್

ಲಾಟರಿಯಿಂದ ಕರ್ನಾಟಕ ಮಾದಕ ವಸ್ತುಗಳ ರಾಜ್ಯವಾಗಿ ಬದಲಾಗುತ್ತಿರೊ ಬಗ್ಗೆ ಓದಿದೆ. ಎಲ್ಲದಕ್ಕು ಫುಲ್ ಪ್ರೀಡಂ ಕೊಟ್ಟಿದ್ದಾರೆ. ಜನ ಸಾಮಾನ್ಯರ ಬದುಕಿನ ಜೊತೆ ಚಲ್ಲಾಟ ಆಡುತ್ತಿದ್ದಾರೆ. ಎಲ್ಲಾ ಬೆಳೆ ನಷ್ಟ ಆದರು ಸರ್ಕಾರ ಪರಿಹಾರ ಕೊಡೊದಾಗಿ ಹೇಳುತ್ತಿದ್ದಾರೆ ಆದರೆ ಕೊಟ್ಟಿಲ್ಲ. ಇನ್ನು ಹದಿನೈದು ದಿನದಲ್ಲಿ ಉಪ ಚುನಾವಣೆ ನಡೆಯಲಿದ್ದು, ಹಾನಿ ಬಗ್ಗೆ ಸಚಿವರ ಉಸ್ತುವಾರಿ ಹಾಕಲಿಲ್ಲ. ಆದರೆ ಚುನಾವಣೆ ಉಸ್ತುವಾರಿ ಆಗಿ ಹಾಕುತ್ತಿದ್ದಾರೆ. ಸರ್ಕಾರ ಜನರಿಗೆ ಆತ್ಮಸ್ಥೈರ್ಯ ತುಂಬುವ ಕೆಲಸ ಮಾಡಲು ಮುಂದಾಗದೇ ಬರೀ ಸಭೆ ಮಾಡಿದರೆ ಆಗಲ್ಲ. ಉಸ್ತುವಾರಿ ಸಚಿವರಿಗೆ ಜವಾಬ್ದಾರಿ ನೀಡಿ ಮಾಹಿತಿ ಪಡೆದು ರೈತರಿಗೆ ವಿಶ್ವಾಸ ತುಂಬ ಬೇಕು. ಚುನಾವಣೆ ಘೋಷಣೆ ಆಗಿ ನಾಮಪತ್ರ ಸಲ್ಲಿಕೆ ಆಗಿದೆ. ಚನ್ನಪಟ್ಟಣ ರಾಜ್ಯ ಅಷ್ಟೆ ಅಲ್ಲ ದೇಶದ ಗಮನ ಸೆಳೆಯೊದನ್ನ ಕಂಡಿದ್ದೇನೆ. ಚನ್ನಪಟ್ಟಣದ ವಿಷಯದಲ್ಲಿ ವಿರೋದಿಗಳು ಕೊಡ್ತಿರೊ ಹೇಳಿಕೆ ಗಮನಿಸಿದ್ದು, ಅವರಿಗೆ ಜನರೇ ಉತ್ತರ ಕೊಡುತ್ತಾರೆ ಎಂದು ವಿಶ್ವಾಸವ್ಯಕ್ತಪಡಿಸಿದರು. ಜನರು ಅಭಿಮನ್ಯು ಮಾಡುವುದಿಲ್ಲ. ಅರ್ಜುನನ ಪಾತ್ರ ಕೊಡ್ತಾರೆ. ಖಂಡಿತಾ ಏನೇ ಕುತಂತ್ರ ಮಾಡಿದರು ಕೂಡ ಜನರು ನಿಖಿಲ್ ಗೆಲ್ಲಿಸುತ್ತಾರೆ. ಸಹೋದರರು ಎನು ನಿಲ್ಲಿಸಿಕೊಂಡಿದ್ದಾರೆ ಅವರು ಪರಸ್ಪರ ಏನು ಚರ್ಚೆ ಮಾಡಿಕೊಂಡಿದ್ದರು ಎಂದು ಗಮನಿಸಿದರೆ ಸಾಕು. ಆಗ ಜನರೇ ತೀರ್ಮಾನ ಮಾಡ್ತಾರೆ.

ಜಿಎಸ್ ಟಿ ಹಂಚಿಕೆ ವಿಚಾರದಲ್ಲಿ ಗೊಂದಲ ವಿಚಾರವಾಗಿ ಮಾಧ್ಯಮದವರ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅವರು, ಇದು ನೀವೇ ಮಾಡಿದ್ದು, ಆಗ ಇದು ಅರ್ಥ ಆಗಿರಲಿಲ್ಲವೇ. ಮನಮೋಹನ್ ಸಿಂಗ್, ಚಿದಂಬರಂ ಅವರೆಲ್ಲಾ ಕೂತೆ ಮಾಡಿದ್ದು ಅಲ್ಲವಾ. ಆಗ ಈ ಸಮಸ್ಯೆ ಆಗುತ್ತೆ ಎಂದು ಗೊತ್ತಿರಲಿಲ್ಲವೇ. ಕೊಟ್ಟ ಅನುದಾನವನ್ನು ಬಳಸಿಕೊಳ್ಳದೆ ಏನೇನೊ ಹೇಳಿದ್ರೆ ಆಗುವುದಿಲ್ಲ. ಬರೀ ಮಾತಾಡಿಕೊಂಡು ಕೂತರೆ ಆಗುತ್ತಾ! ಸಮಸ್ಯೆ ಅರ್ಥ ಮಾಡಿಸಬೇಕಲ್ಲ. ಕೊಟ್ಟ ಕುದುರೆ ಏರದವನು ವೀರನು ಅಲ್ಲ ಶೂರನು ಅಲ್ಲ ಅಂತಾ ಹೇಳ್ತೀರಲ್ಲ. ಆ ಮಾತು ನಿಮಗೇ ಅನ್ವಯ ಆಗುತ್ತೆ ಎಂದು ಕುಮಾರಸ್ವಾಮಿ ಲೇವಡಿ ಮಾಡಿದರು.

ಕುಮಾರಸ್ವಾಮಿ ಕೇಂದ್ರ ಸಚಿವರಾಗಿ ರಾಜಕೀಯ ಮಾಡ್ತಾರೆ ಎಂದು ಟೀಕೆ ವಿಚಾರವಾಗಿ ಮಾತನಾಡಿ, ನಾನು ಮಾಡೊ ಕೆಲಸ ಲೆಕ್ಕ ಕೇಳೋದು ಪ್ರದಾನಿ ಅವರು. ಕಾಂಗ್ರೆಸ್ ನಾಯಕರಿಗೆ ನಾನು ಉತ್ತರ ಕೊಡಬೇಕಿಲ್ಲ ಎಂದು ಗುಡುಗಿದರು. ಅಖಾಡ ಸಿದ್ದ ಆಗಿದೆ. ಅಭ್ಯರ್ಥಿ ಘೋಷಣೆ ಆಗಿದೆ ಅದರ ಬಗ್ಗೆ ಈಗ ಮಾತಾಡೊದು ಬೇಡ. ಮೈತ್ರಿ ಮಾಡಿಸಿದ್ದು ನಾನೆ, ಕುಮಾರಸ್ವಾಮಿ ಗೆಲ್ಲಿಸಿದ್ದು ನಾನೆ ಮಂಜುನಾಥ ಗೆಲ್ಲಿಸಿದ್ದು ನಾನೇ ಅಂತಾರೆ. ಹಾಗಿದ್ದರೆ ಅವರ ಹೈ ಕಮಾಂಡ್ ಜೊತೆ ಬಿ ಫಾರಂ ಪಡೆದು ಯಾಕೆ ಚುನಾವಣೆಗೆ ನಿಲ್ಲಲಿಲ್ಲ.. ಚನ್ನಪಟ್ಟಣದಲ್ಲಿ ನನ್ನ ನಿಲ್ತಿನಿ ಅಂತಾ ಬಂದಿರಲಿಲ್ಲ. ಅನಿವಾರ್ಯವಾಗಿ ಅವರಿಗೆ ಕಟ್ಟಿದ್ದಾರೆ ಅಷ್ಟೇ.

ಅವರು ಚುನಾವಣೆ ಮುಗಿದೇ ಹೋಗಿದೆ ಅಂದುಕೊಂಡಿದ್ದಾರೆ. ಆದರೆ ಚನ್ನಪಟ್ಟಣದಲ್ಲಿ ಜನರು ತೀರ್ಮಾನ ಮಾಡ್ತಾರೆ. ಚನ್ನಪಟ್ಟಣ ಮೊದಲಿಂದಲೂ ಜೆಡಿಎಸ್ ಕೋಟೆ ಅದು. ನಮ್ಮಲ್ಲಿನ ಕೆಲ ತಪ್ಪಿನಿಂದ ಹಿನ್ನಡೆ ಆಗಿತ್ತು ಅಷ್ಟೆ. ಅದನ್ನ ಸರಿಮಾಡಲು ನನ್ನನ್ನ ರಾಮನಗರ ದಿಂದ ಚನ್ನಪಟ್ಟಣಕ್ಕೆ ಕರೆದೊಯ್ದರು. ಈಗ ಎಲ್ಲವು ಕೂಡ ಸರಿಯಾಗಿದೆ. ಕುಮಾರಸ್ವಾಮಿ ಮಗನನ್ನು ಮುಗಿಸಲು ಕಾಂಗ್ರೆಸ್ ನಾಯಕರು ಏನು ಕುತಂತ್ರ ಮಾಡಿದರು. ಅದು ಸಾದ್ಯವಿಲ್ಲ ಎಂದು ಜನ ತೋರಿಸುತ್ತಾರೆ. ಚನ್ನಪಟ್ಟಣದಿಂದ ಅವರ ಅವನತಿ ಆರಂಭವಾಗುತ್ತದೆ ಎಂದು ಕಾಂಗ್ರೆಸ್ ಪಕ್ಷಕ್ಕೆ ಎಚ್ಚರಿಸಿದ ಅವರು, ಹಾಸನಾಂಬೆ ದರ್ಶನ ಮಾಡಿ ಹೇಳ್ತಾ ಇದೀನಿ ಬರೆದಿಟ್ಟುಕೊಳ್ಳಿ ಎಂದು ಕುಮಾರಸ್ವಾಮಿ ಅವರ ಸವಾಲು ಹಾಕಿದರು. ನಮ್ಮಲ್ಲಿ ಯಾವುದೇ ಸಮನ್ವಯದ ಕೊರತೆ ಇಲ್ಲ. ಸಮನ್ವಯದ ಕೊರತೆ ಇರೋರು ಕಾಂಗ್ರೆಸ್ ನಲ್ಲಿ ಎಂದು ಟಾಂಗ್ ನೀಡಿದರು.

ಇದೆ ವೇಳೆ ಶಾಸಕ ಹೆಚ್.ಪಿ. ಸ್ವರೂಪ್, ಸಿ.ಎನ್. ಬಾಲಕೃಷ್ಣ, ಮಾಜಿ ಶಾಸಕ ಕೆ.ಎಸ್. ಲಿಂಗೇಶ್, ಜೆಡಿಎಸ್ ತಾಲೂಕು ಅಧ್ಯಕ್ಷ ಎಸ್. ದ್ಯಾವೇಗೌಡ, ಪರಮೇಶ್ವರಪ್ಪ, ಬೈಲಹಳ್ಳಿ ಸತ್ಯನಾರಾಯಣ್, ಸುಮುಖ ರಘು, ಹೊಂಗೆರೆ ರಘು ಇತರರು ಉಪಸ್ಥಿತರಿದ್ದರು.

ಹಾಸನ: ಎಲ್ಲಾ ಮಾಲಿನ್ಯಕ್ಕಿಂತ ಮಾರಕವಾದುದ್ದು ಮನುಷ್ಯನ ಮನಸ್ಸಿನ ಮಾಲಿನ್ಯ. ಒಂದು ಕಾಲೇಜು ತೆರೆದರೆ ಜೊತೆಯಲ್ಲಿ ಒಂದು ಜೈಲು ತೆರೆಯಬೇಕಾಗಿದ್ದು, ಹೆಚ್ಚು ಅಪರಾಧ ನಡೆಯುತ್ತಿರುವುದು ವಿದ್ಯಾವಂತರಿಂದಲೇ ಎಂದು ವಿಚಾರವಾದಿ ಮಂಗಳೂರಿನ ಹಾಜಿ ಮಹಮ್ಮದ್ ಕುನಿ ಬೇಸರವ್ಯಕ್ತಪಡಿಸಿದರು.

ನಗರದ ಚನ್ನಪಟ್ಟಣ ವೃತ್ತದ ಬಳಿ ಇರುವ ಗೋಮತಿ ಕಲ್ಯಾಣ ಮಂಟಪದ ಸಭಾಂಗಣದಲ್ಲಿ ಲಯನ್ಸ್ ಇಂಟರ್ ನ್ಯಾಷನಲ್ ಜಿಲ್ಲಾವತಿಯಿಂದ ಹಮ್ಮಿಕೊಳ್ಳಲಾಗಿದ್ದ ಮೆಹ್ಫಿಲ್-ಎ-ಈದ್ ಕಾರ್ಯಕ್ರಮದಲ್ಲಿ ದಿಕ್ಸೂಜಿ ಭಾಷಣದಲ್ಲಿ ಮಾತನಾಡಿದ ಅವರು, ನಮಗೆಲ್ಲಾ ಒಂದಲ್ಲ ಒಂದು ಧರ್ಮದ ಬಗ್ಗೆ ನಂಬಿಕೆ ಇದೆ. ಭಾರತ ದೇಶ ಸನಾತನ ಧಾರ್ಮಿಕ ಮೌಲ್ಯಗಳು ಇರುವ ದೇಶ. ಈ ದೇಶದ ಹೆಗ್ಗಳಿಕೆ. ಈ ದೇಶ ಧರ್ಮವನ್ನು ಪ್ರೀತಿಸುವ ಧರ್ಮ ನಿಷ್ಠೆ ಇರುವ ದೇಶವಾಗಿದೆ. ಇದರಿಂದಲೇ ಒಂದಲ್ಲ ಒಂದು ಧರ್ಮವನ್ನು ಪಾಲಿಸುತ್ತಿದ್ದೇವೆ. ಇವತ್ತು ಸಮಾಜದಲ್ಲಿ ಧರ್ಮದ ಹೆಸರಿನೊಳಗೆ ಏನೆಲ್ಲ ಘಟನೆಗಳು ನಡೆಯುತ್ತಿರುವ ಬಗ್ಗೆ ನೋಡುತ್ತಿದ್ದೇವೆ. ಧರ್ಮ ಎಂದರೇ ಹಗೆತನ ಮತ್ತು ಧ್ವೇಷವನ್ನು ಉತ್ಪಾಧಿಸುವ ಕಚ್ಛಾವಸ್ತುವಾಗಿ ಸಮಾಜದಲ್ಲಿ ಮಾರ್ಪಡುತ್ತಿದೆ ಎಂದು ಬೇಸರವ್ಯಕ್ತಪಡಿಸಿದರು. ಧರ್ಮಗಳೆಲ್ಲಾ ಚಿಹ್ನೆಗಳಿಗೆ, ಘೋಷಣೆಗಳಿಗೆ ಸೀಮಿತವಾಗುತ್ತಿದೆ.

ಎಲ್ಲಾ ಧರ್ಮಗಳು ಬಣ್ಣಗಳಲ್ಲಿ ಮಾರ್ಪಡುತ್ತಿದೆ. ಇಸ್ಲಾಂನ ಬಣ್ಣ ಯಾವುದು ಎಂದರೇ ಹಸಿರು ಬಣ್ಣ ಎನ್ನುತ್ತಾರೆ. ಇಸ್ಲಾಂಗೂ ಹಸಿರು ಬಣ್ಣಕ್ಕೂ ಯಾವ ಸಂಬಂಧವಿಲ್ಲ. ಇನ್ನು ಹಸಿರು ಬಣ್ಣವನ್ನು ಧ್ವಜಕ್ಕೂ ಬಳಸಲಾಗುತ್ತಿದ್ದ ಇಸ್ಲಾಂಗೆ ಸಂಬಂಧವಿಲ್ಲ. ಅದು ಪ್ರವಾದಿ ಮಹಮ್ಮದ್ ಅವರು ಪರಿಚಯ ಮಾಡಿರುವುದಿಲ್ಲ. ರಾಜ ಮಹಾರಾಜರ ಆಡಳಿತ ಕಾಲದಲ್ಲಿ ರಾಜ್ಯದ ಚಿಹ್ನೆಯಾಗಿ ಬಳಸಿರಬಹುದು. ಇಸ್ಲಾಮ್ ಗೂ ಹಸಿರು ಬಣ್ಣಕ್ಕೂ ಯಾವ ಸಂಬಂಧವಿಲ್ಲ. ಪ್ರವಾದಿ ಮಹಮ್ಮದ್ ಇಷ್ಟಪಟ್ಟಿದ್ದ ಬಣ್ಣ ಎಂದರೇ ಬಿಳಿ ಬಣ್ಣ. ಕೊಳಕು ಬೇಗ ಕಾಣಿಸಲಿ ಸರಿಸಪಡಿಸಿಕೊಳ್ಳಲು ಎಂದು ಇಷ್ಟಪಟ್ಟಿದ್ದರು. ಎಂದರು. ಧರ್ಮಗಳೆಲ್ಲಾ ಬಣ್ಣಗಳಿಗೆ ಘೋಷಣೆಗಳಿಗೆ ಸೀಮಿತವಾಗಿರುವ ಒಂದು ಕಾಲದಲ್ಲಿ ಏನೆಲ್ಲಾ ನಡೆಯುತ್ತಿದೆ. ಸಮಾಜದಲ್ಲಿ ಮಂದಿರಗಳು, ಮಸೀದಿಗಳು ಹೆಚ್ಚಾಗುತ್ತಿದೆ. ಇವುಗಳು ಹೆಚ್ಚಾಗುವುದರಿಂದ ಯಾವ ಪ್ರಯೋಜನಗಳಿಲ್ಲ. ಜಗತ್ತಿನಲ್ಲಿ ಎಲ್ಲಾ ಧರ್ಮಗಳಲ್ಲಿ ಮಾತನಾಡಿರುವುದು ಮನುಷ್ಯರ ಬಗ್ಗೆ. ನೀವು ಹೇಗೆ ಮನುಷ್ಯರಾಗಿ ಬದುಕಬೇಕು ಎನ್ನುವುದರ ಬಗ್ಗೆ ಋಷಿಮುನಿಗಳು, ಸಾದುಸಂತರು ಪ್ರವಾದಿಗಳು ಬರೆದಿದ್ದಾರೆ.

ದೇವ ಧರ್ಮಮಯಿ ಎಂದು ಜಗತ್ತಿಗೆ ಪರಿಚಯ ಮಾಡಿಕೊಟ್ಟಿದ್ದಾರೆ ಎಂದು ಹೇಳಿದರು. ಮನುಷ್ಯರು ಕೆಟ್ಟುಹೋಗಿರುವ ಕಾಲ. ವಿದ್ಯಾವಂತರು, ಅವಿಧ್ಯವಂತರು ಎಂಬುದು ವ್ಯತ್ಯಾಸವಿಲ್ಲ, ಶ್ರೀಮಂತರು ಮತ್ತು ಬಡವರು ಎನ್ನುವ ವ್ಯತ್ಯಾಸವಿಲ್ಲ. ಪುರುಷರು ಮತ್ತು ಮಹಿಳೆಯರು ಎನ್ನುವ ವ್ಯತ್ಯಾಸವಿಲ್ಲ. ಅತೀ ದೊಡ್ಡ ಸವಾಲು ಎಂದರೇ ಮಾಲಿನ್ಯ. ಈ ಬಗ್ಗೆ ದೊಡ್ಡ ದೊಡ್ಡ ಸಭೆ ನಡೆಯುತ್ತಿದೆ. ಎಲ್ಲಾ ಮಾಲಿನ್ಯಗಳಿಗಿಂತ ಮಾರಕವಾದುದ್ದು ಮನುಷ್ಯ ಮನಸ್ಸಿನ ಮಾಲಿನ್ಯ ಎಂದು ಎಚ್ಚರಿಸಿದರು. ಜಗತ್ತಿನಲ್ಲಿ ಎಲ್ಲಾ ಮಾಲಿನ್ಯಕ್ಕೆ ಕಾರಣ ಮನುಷ್ಯನಾಗಿದ್ದಾನೆ. ಅದು ಶಿಕ್ಷಣದ ಕೊರತೆ ಅಲ್ಲ. ಒಂದು ಕಾಲೇಜು ತೆರೆದರೇ ಒಂದು ಜೈಲು ತೆರೆಯಬೇಕು ಏಕೆಂದರೇ ಎಲ್ಲಾ ಅಪರಾಧ ಮಾಡುತ್ತಿರುವುದು ವಿದ್ಯಾವಂತರು ಎಂದು ಬೇಸರವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಲಯನ್ಸ್ ಕ್ಲಬ್ ರಾಜ್ಯಪಾಲರಾದ ಬಿ.ಎಂ. ಭಾರತಿ, ಮುಖ್ಯ ಸಂಯೋಜಕಿ ರಹತ್ ಉನ್ನಿಸ್, ಡಾ. ಪೆಲ್ವಿನ್ ಡಿಸೋಜ, ಅರವಿಂದ್ ಶೈಣ್ಯೆ, ತಾರನಾಥ್, ಮುಖ್ಯ ಅತಿಥಿಯಾಗಿ ಹಫೀಜ್ ಮುಕ್ತಾರ್ ಅಹಮದ್ ಸಾಹೇಬ್ ಮಜಾರಿ, ಆರ್. ಗೀತಾ, ಮುಖ್ಯ ಸಲಹೆಗಾರರು ಸಂಜಿತ್ ಶೆಟ್ಟಿ, ಡಾ. ಮಂಜುನಾಥ್, ತಿಮ್ಮರಾಯಶೆಟ್ಟಿ, ಅಶೋಕ್ ಕುಮಾರ್, ಮಾಜಿ ಗೌರ‍್ನರ್ ಹೆಚ್.ಎಸ್. ಮಂಜುನಾಥ್ ಮೂರ್ತಿ, ಪ್ರಾಂತಿಯ ಆಧ್ಯಕ್ಷ ಕೆ.ಜೆ. ನಾಗರಾಜು, ಲಯನ್ಸ್ ಕ್ಲಬ್ ಅಧ್ಯಕ್ಷ ಐ.ಜಿ. ರಮೇಶ್, ಹೆಚ್.ಆರ್. ಚಂದ್ರೇಗೌಡ, ಹಗರೆ ಕ್ಲಬ್ ಅಧ್ಯಕ್ಷ ಪ್ರಕಾಶ್ ಗೌಡಗೆರೆ, ರಘು ಪಾಳ್ಯ, ರೂಮ ಆನಂದ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.