Connect with us

Mysore

ಮೈಸೂರಿನ KSRTC ಬಸ್ ನಿಲ್ದಾಣ ಸ್ಥಳಾಂತರ !! ಯಾವ ಜಾಗಕ್ಕೆ, ಯಾವಾಗ?

Published

on

ಮೈಸೂರು ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣದಲ್ಲಿ ಪ್ರತೀ ದಿನ 1400ಕ್ಕೂ ಅಧಿಕ ಬಸ್‌ಗಳು ಸಂಚಾರ ನಡೆಸುತ್ತವೆ. ನಗರ ಬೆಳೆದಂತೆ ಹೆಚ್ಚಿದ ಜನಸಂಖ್ಯೆಗೆ ಅನುಗುಣವಾಗಿ ಕೆಎಸ್‌ಆರ್‌ಟಿಸಿ ತನ್ನ ಸೇವೆ ವಿಸ್ತರಿಸಬೇಕಿದೆ. ಸದ್ಯ ಹೆಚ್ಚಾಗಿರುವ ಬಸ್‌ಗಳ ಸಂಖ್ಯೆಯಿಂದಾಗಿ ನಿಲ್ದಾಣದಲ್ಲಿ ವಾಹನ ದಟ್ಟಣೆ ಸೃಷ್ಟಿಯಾಗಿದೆ. ಶುಕ್ರವಾರ, ಶನಿವಾರ, ಭಾನುವಾರ, ಹಬ್ಬ ಸೇರಿದಂತೆ ಇನ್ನಿತರ ರಜೆ ಸಂದರ್ಭಗಳಲ್ಲಿ ಸಮಸ್ಯೆ ಮತ್ತಷ್ಟು ಗಂಭೀರವಾಗುತ್ತಿದೆ. ಜನರನ್ನು ಹತ್ತಿಸಿಕೊಳ್ಳಲು ಸ್ವಲ್ಪ ಹೊತ್ತು ಬಸ್‌ ನಿಲ್ಲಿಸಲು ಸಾಧ್ಯವಾಗದ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಹಿನ್ನೆಲೆ ಬಸ್‌ ನಿಲ್ದಾಣ ಸ್ಥಳಾಂತರ (Mysore KSRTC New Bus Station) ಮಾಡಬೇಕು ಎಂಬ ಒತ್ತಾಯ ಕೇಳಿ ಬಂದಿದೆ.

ಹೌದು, ಮೈಸೂರು ಕೇಂದ್ರೀಯ ಬಸ್‌ ನಿಲ್ದಾಣವನ್ನು ಕೆಎಸ್‌ಆರ್‌ಟಿಸಿಗೆ ಸೇರಿದ ಬನ್ನಿಮಂಟಪ ಡಿಪೋ ಖಾಲಿ ಜಾಗಕ್ಕೆ ಸ್ಥಳಾಂತರ ಮಾಡಬೇಕು ಎನ್ನುವ ಬೇಡಿಕೆ ಹೆಚ್ಚಿದೆ. ಪ್ರಸ್ತಾವನೆಯನ್ನು ಸರಕಾರದ ಗಮನಕ್ಕೆ ತರಲು ಕೆಎಸ್‌ಆರ್‌ಟಿಸಿ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

ಮುಖ್ಯವಾಗಿ ಕೊಳ್ಳೇಗಾಲ, ಮಳವಳ್ಳಿ, ತುಮಕೂರು ಭಾಗಕ್ಕೆ ತೆರಳುವ ಬಸ್‌ ನಿಲ್ಲಿಸಲು ಫ್ಲಾಟ್‌ ಫಾರಂಗಳೇ ಇಲ್ಲದೇ ಗೋಡೆಯ ಪಕ್ಕದಲ್ಲಿರುವ ಜಾಗದಲ್ಲಿಯೇ ಬಸ್‌ಗಳನ್ನು ನಿಲ್ಲಿಸಿಕೊಂಡು ಜನರನ್ನು ಹತ್ತಿಸಿಕೊಳ್ಳಬೇಕು. ಇಲ್ಲಿ ಬಸ್‌ಗೆ ಕಾಯುವ ಜನರು ಕುಳಿತುಕೊಳ್ಳಲು ಜಾಗವಿಲ್ಲ. ಚಾಮರಾಜ ನಗರ ಹಾಗೂ ಅಕ್ಕ ಪಕ್ಕದ ಕೆಲ ಪ್ಲಾಟ್‌ ಫಾರಂಗಳಲ್ಲಿ ಕೇವಲ ಎರಡು ಇಲ್ಲವೇ ಮೂರು ಬಸ್‌ ಮಾತ್ರ ನಿಲ್ಲಿಸಬಹುದು. 4ನೇ ಬಸ್‌ ಬಂದರೆ ಅದು ನಿಲ್ದಾಣದ ಪ್ರವೇಶ ದ್ವಾರದ ಬಳಿಯ ರಸ್ತೆಯಲ್ಲಿಯೇ ನಿಲ್ಲಬೇಕಾದ ಸನ್ನಿವೇಶ ಸೃಷ್ಟಿಯಾಗಿದೆ. ಈ ಎಲ್ಲ ಕಾರಣಕ್ಕೆ ಹಾಲಿ ಇರುವ ಗ್ರಾಮಾಂತರ ಬಸ್‌ ನಿಲ್ದಾಣವನ್ನು ಬನ್ನಿಮಂಟಪ ಬಳಿಯ ಕೆಎಸ್‌ಆರ್‌ಟಿಸಿಗೆ ಸೇರಿದ 56 ಎಕರೆ ಜಾಗಕ್ಕೆ ವರ್ಗಾವಣೆ ಮಾಡಬೇಕೆಂಬ ಒತ್ತಾಯ ನಾಗರಿಕರಿಂದ ಕೇಳಿಬಂದಿದೆ.

ಇನ್ನು ಬನ್ನಿ ಮಂಟಪ ಬಳಿಯ ಕೆಎಸ್‌ಆರ್‌ಟಿಸಿ ಜಾಗದಲ್ಲಿಸದ್ಯ ಇರುವ ನಾಲ್ಕು ಡಿಪೊ, ವರ್ಕ್‌ಶಾಪ್‌ ಹಿಂದಕ್ಕೆ ಸ್ಥಳಾಂತರಿಸಿ ರಸ್ತೆ ಬಳಿಯ ಮುಂಭಾಗದ ಜಾಗವನ್ನು ನಿಲ್ದಾಣದ ಬಳಕೆಗೆ ಉಪಯೋಗಿಸಬೇಕು. ನಗರ ಹಾಗೂ ಕೇಂದ್ರೀಯ ಬಸ್‌ ನಿಲ್ದಾಣಗಧಿಳನ್ನು ಒಂದೇ ಕಡೆ ಮಾಡಬೇಕು ಎಂಬುದು ಸಾರ್ವಜನಿಕರ ಬೇಡಿಕೆ ಆಗಿದೆ.

ಈಗಾಗಲೇ ನಗರಕ್ಕೂ ಪರ್ಯಾಯ ನಿಲ್ದಾಣ
ನಗರ ಬಸ್‌ ನಿಲ್ದಾಣಕ್ಕಾಗಿ ಸದ್ಯ ಬಳಕೆ ಮಾಡುತ್ತಿರುವ ಖಾಸಗಿ ಜಾಗಕ್ಕೆ ವರ್ಷಕ್ಕೆ ಅಂದಾಜು 60,000 ರೂ. ಪಾವತಿಸಲಾಗುತ್ತಿದೆ. ನಗರ ಪ್ರದೇಶಕ್ಕೆ ಸಾರಿಗೆ ಸೇವೆ ಒದಗಿಸಲು ಈ ಜಾಗವೂ ಸಾಕಾಗುತ್ತಿಲ್ಲ. ಒಂದು ವೇಳೆ ಕೇಂದ್ರೀಯ ಬಸ್‌ ನಿಲ್ದಾಣ ಬನ್ನಿಮಂಟಪ ಡಿಪೊ ಜಾಗಕ್ಕೆ ವರ್ಗಾಯಿಸಿದರೆ ಆ ಜಾಗದಲ್ಲಿ ನಗರ ಬಸ್‌ ನಿಲ್ದಾಣವನ್ನು ಆರಂಭಿಸಬೇಕು ಎಂಬ ಸಲಹೆಯೂ ಕೇಳಿಬಂದಿದೆ.

ಸದ್ಯ ಜನರ ಅಭಿಪ್ರಾಯ ಆಲಿಸಿ ಅದನ್ನು ಸರಕಾರದ ಗಮನಕ್ಕೆ ತರುವುದು ನಮ್ಮ ಕರ್ತವ್ಯ. ಇದೊಂದು ಉಪಯುಕ್ತ ಸಲಹೆಯೂ ಆಗಿರುವುದರಿಂದ ಕೂಡಲೇ ಈ ವಿಷಯಕ್ಕೆ ಸಂಬಂಧಿಸಿದ ಯೋಜನೆಯನ್ನು ಸಿದ್ಧಪಡಿಸಿ ಸರಕಾರಕ್ಕೆ ಸಲ್ಲಿಸುತ್ತೇವೆ ಎಂದು ಶ್ರೀನಿವಾಸ್‌, ಕೆಎಸ್‌ಆರ್‌ಟಿಸಿ ಮೈಸೂರು ವಿಭಾಗೀಯ ನಿಯಂತ್ರಣಾಧಿಕಾರಿ ಅವರು ತಿಳಿಸಿದ್ದಾರೆ.

Continue Reading
Click to comment

Leave a Reply

Your email address will not be published. Required fields are marked *

Mysore

ಹೆದ್ದಾರಿ ಸಚಿವರಾದ ನಿತಿನ್ ಗಡ್ಕರಿಯವರನ್ನು ಭೇಟಿ ಮಾಡಿದ ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್*

Published

on

ದೆಹಲಿಯ ಕಚೇರಿಯಲ್ಲಿ ನಿತಿನ್ ಗಡ್ಕರಿ ಅವರೊ೦ದಿಗೆ ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಸಭೆ ನಡೆಸಿ, ಮೈಸೂರಿನ ಬೆಳವಣಿಗೆಗೆ ಪ್ರಮುಖ ಮೂಲಸೌಕರ್ಯ ಯೋಜನೆಗಳ ಕುರಿತು ಕೆಲಕಾಲ ಚರ್ಚೆ ನಡೆಸಿದರು.

ಸಭೆಯಲ್ಲಿ ಮುಖ್ಯವಾಗಿ ಬೆಂಗಳೂರು-ಮೈಸೂರು ಎಕ್ಸ್‌ಪ್ರೆಸ್‌-ವೇ ಯಲ್ಲಿ ರಸ್ತೆ ಸುರಕ್ಷತೆಗಾಗಿ ಹೆಚ್ಚುವರಿ ಮಂಜೂರಾತಿ, ಮೈಸೂರು-ಕುಶಾಲನಗರ ಭಾಗಕ್ಕೆ ಭೂಸ್ವಾಧೀನ ಮತ್ತು ಅನುಮತಿ ಹಾಗೂ ಕೇರಳದಿಂದ ಕೊಳ್ಳೆಗಾಲದವರೆಗೆ 6 ಪಥಗಳ ಹೆದ್ದಾರಿಯನ್ನು ಮೇಲ್ದರ್ಜೆಗೇರಿಸಲು ಮನವಿ ಮಾಡಲಾಯಿತು.

ಯದುವೀರ್ ಅವರು ಮೈಸೂರಿನ ಬೆಳವಣಿಗೆಗೆ ಏನೆಲ್ಲಾ ಪ್ರಮುಖ ಮೂಲಸೌಕರ್ಯ ಗಳ ಬಗ್ಗೆ ಕೇಂದ್ರ ಸಚಿವರ ಗಮನಕ್ಕೆ ತಂದಿದ್ದಾರೆ ಎಂಬುದನ್ನು ನೋಡುವುದಾದರೆ

*NH-275 ರ ಬೆಂಗಳೂರಿನಿಂದ ಮೈಸೂರು ವಿಭಾಗದಲ್ಲಿ ರಸ್ತೆ ಬಳಕೆದಾರರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಹೆಚ್ಚುವರಿ ಕಾಮಗಾರಿಗಳ ಮಂಜೂರಾತಿ*

ಮೈಸೂರು ರಿಂಗ್ ರಸ್ತೆ ಮತ್ತು ಬೆಂಗಳೂರು – ಮೈಸೂರು ಹೆದ್ದಾರಿಯೊಂದಿಗೆ ಸಂಚಾರವನ್ನು ವಿಲೀನಗೊಳಿಸಲು ಮಣಿಪಾಲ್ ಆಸ್ಪತ್ರೆ ಜಂಕ್ಷನ್‌ನಲ್ಲಿ ಫ್ಲೈಓವರ್ ನಿರ್ಮಿಸುವ ಮೂಲಕ ಜಂಕ್ಷನ್ ಅಭಿವೃದ್ಧಿ.

ಟೋಲ್ ಬೂತ್‌ಗಳ ಸ್ಥಾಪನೆಯೊಂದಿಗೆ ಪ್ರಯಾಣಿಕರ ಪ್ರವೇಶ ಮತ್ತು ನಿರ್ಗಮನ ನಿಬಂಧನೆಗಳ ಅಭಿವೃದ್ಧಿ ಇದು ವಿವಿಧ ಸ್ಥಳಗಳಿಗೆ ಪ್ರಯಾಣಿಸುವ ದಟ್ಟಣೆಯನ್ನು ನಿಯಂತ್ರಿಸುತ್ತದೆ. ಇದಲ್ಲದೆ, ರಚನೆಗಳು/ ( ROB) Railways over bridge ಗಳ ಮೂಲಕ ಸೇವಾ ರಸ್ತೆಗಳ ನಿರಂತರತೆಯನ್ನು ಟ್ರಾಫಿಕ್‌ನ ಸ್ಥಳೀಯ ಚಲನೆಗೆ ಅನುಕೂಲವಾಗುವಂತೆ ಖಚಿತಪಡಿಸಿಕೊಳ್ಳಬಹುದು.

*ಮೈಸೂರು – ಕುಶಾಲನಗರ ವಿಭಾಗ NH – 275 ರ ಕೆಲಸವನ್ನು ಪ್ರಾರಂಭಿಸಲು ಭೂಸ್ವಾಧೀನ ಮತ್ತು ಶಾಸನಬದ್ಧ ಅನುಮತಿಗಳನ್ನು ತ್ವರಿತಗೊಳಿಸುವುದು*

Land acquisition ( LA)
ಪರಿಹಾರದ ವಿತರಣೆಯನ್ನು ತ್ವರಿತಗೊಳಿಸಬಹುದು, ಆದ್ದರಿಂದ ಸಂಬಂಧಪಟ್ಟ NHAl ಅಧಿಕಾರಿಗಳಿಗೆ ಅಗತ್ಯ ಸೂಚನೆಗಳನ್ನು ನೀಡಬಹುದು.

NH-766 (ಹಳೆಯ NH-212) ನ ಕೇರಳದಿಂದ ಕೊಳ್ಳೇಗಾಲ ವಿಭಾಗವು ಕೊಳ್ಳೇಗಾಲ- ಟಿ.ನರಸೀಪುರ – ಮೈಸೂರು – ನಂಜನಗೂಡು – ಗುಂಡ್ಲುಪೇಟೆ – ಕೋಜಿ಼ಕೋಡ್ ಮೂಲಕ ಹಾದುಹೋಗುತ್ತದೆ.

ಗಣಪತಿ ಸಚ್ಚಿದಾನಂದ ಆಶ್ರಮ (ಅಸ್ತಿತ್ವದಲ್ಲಿರುವ 4L) ಮತ್ತು ಕಡಕೋಳ ಇಂಡಸ್ಟ್ರಿಯಲ್ ಕ್ರಾಸ್ Vehicle under pass ( VUP) ಯೊಂದಿಗೆ ಎರಡು ಲೇನ್ ಟ್ರಾಫಿಕ್ ಮತ್ತು ಉಳಿದ ಎರಡು ಲೇನ್ ರಸ್ತೆಯನ್ನು ಜಂಕ್ಷನ್ ಸುಧಾರಣೆ ಕ್ರಮಗಳೊಂದಿಗೆ ಮಾತ್ರ ಪ್ರಸ್ತಾಪಿಸಲಾಗಿದೆ. ರಸ್ತೆ ಸುರಕ್ಷತೆಗಾಗಿ ಇದು ಕಾರ್ಯಸಾಧ್ಯವಾದ ದೀರ್ಘಕಾಲೀನ ಪರಿಹಾರವಲ್ಲ. ಆದ್ದರಿಂದ, ಈ ಎರಡನ್ನೂ ಮತ್ತೊಮ್ಮೆ ಪರಿಶೀಲಿಸಲು ಎನ್‌ಎಚ್‌ಎಎಲ್‌ಗೆ ವಿನಂತಿಸಲಾಗಿದೆ.

ಮೈಸೂರಿನಿಂದ ನಂಜನಗೂಡಿಗೆ 20ಕಿಮೀ ಉದ್ದದ ಸಂಚಾರದ ತೀವ್ರತೆ 40,000 ಪಿಸಿಯುಗಳಿಗಿಂತ ಹೆಚ್ಚಿದೆ ಮತ್ತು ಮುಖ್ಯ ಟ್ರಾಫಿಕ್ ಉತ್ಪಾದನಾ ಕೇಂದ್ರಗಳು ರೈಲ್ವೆಯ ಕಂಟೈನರ್ ಡಿಪೋ, ಕಡಕೋಳ, ತಾಂಡವಪುರ ಮತ್ತು ನಂಜನಗೂಡು ಮುಂತಾದ ಕೈಗಾರಿಕಾ ಪ್ರದೇಶಗಳು ದಕ್ಷಿಣ ಕಾಶಿ – ದೇವಸ್ಥಾನ ಮತ್ತು ಚಾಮರಾಜನಗರದ ಕಡೆಗೆ NH-150A ಅನ್ನು ವಿಭಜಿಸುವುದು. ಊಟಿಗೆ ಹೋಗುವ ವಿಮಾನ ನಿಲ್ದಾಣ ಮತ್ತು ಟ್ರಾಫಿಕ್ ಜೊತೆಗೆ. ಆದ್ದರಿಂದ, ಹೆದ್ದಾರಿಯ ಈ ಭಾಗವನ್ನು 6-ಲೇನ್‌ಗೆ ನವೀಕರಿಸುವ ಅಗತ್ಯವಿದೆ. ಆದ್ದರಿಂದ, 6 ಲೇನ್ ಉನ್ನತೀಕರಣಕ್ಕಾಗಿ ಹೆಚ್ಚಿನ ಅಧ್ಯಯನಕ್ಕಾಗಿ ಡಿಪಿಆರ್ ಸೇವೆಗಳನ್ನು ತೊಡಗಿಸಿಕೊಳ್ಳಲು ಸಂಬಂಧಿಸಿದ ಅಧಿಕಾರಿಗಳಿಗೆ ಅಗತ್ಯ ಸೂಚನೆ ನೀಡಲು ವಿನಂತಿಸಲಾಗಿದೆ.

ಮೈಸೂರು ವಿಮಾನ ನಿಲ್ದಾಣದಲ್ಲಿ ರನ್‌ವೇ ವಿಸ್ತರಣೆಗಾಗಿ ಮೈಸೂರು ವಿಮಾನ ನಿಲ್ದಾಣದಲ್ಲಿ ಅಸ್ತಿತ್ವದಲ್ಲಿರುವ NH-766 ರಸ್ತೆಯ ಡೈವರ್ಶನ್‌ಗಾಗಿ DPR ಅನ್ನು ತ್ವರಿತಗೊಳಿಸಬೇಕೆಂಬ ಮನವಿ ಮಾಡಲಾಗಿದೆ.

ಸಚಿವರ ಬೆಂಬಲ ಮತ್ತು ಮಾರ್ಗದರ್ಶನವು ಮೈಸೂರು-ಕೊಡಗಿನ ಮೂಲಸೌಕರ್ಯಗಳನ್ನು ಪರಿವರ್ತಿಸಲು, ಸಂಪರ್ಕವನ್ನು ಹೆಚ್ಚಿಸಲು ಸಹಕಾರಿಯಾಗುವ ಜೊತೆಗೆ ಮೈಸೂರಿನ ಬೆಳವಣಿಗೆಗೆ ಅನುಕೂಲವಾಗಲಿದೆ ಎಂದು ಕೇಂದ್ರ ಸಚಿವರಿಗೆ ಗೌರವ ಪೂರ್ವಕವಾಗಿ ಮನವಿ ಮಾಡಿರುವ ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್
ಯದುವೀರ್ ಅವರ ಕೋರಿಕೆಯನ್ನು ಸ್ವೀಕರಿಸಿದ ನಿತಿನ್ ಗಡ್ಕರಿಯವರು ಸಹಕಾರ ನೀಡುವುದಾಗಿ ಭರವಸೆ ನೀಡಿದ್ದಾರೆ.

Continue Reading

Mysore

ಕಸದ ತ್ಯಾಜ್ಯ ಮತ್ತು ಎಣ್ಣೆ ಕಾಲಿ ಬಾಟಲ್ ಗಳು ರೋಡಿನಲ್ಲಿ ಬಿದ್ದಿರುವುದು ಇದನ್ನು ಕೇಳದ ಪುರಸಭೆ

Published

on

ಎಚ್ ಡಿ ಕೋಟೆ ಹಾಗೂ ಹ್ಯಾಂಡ್ ಪೋಸ್ಟ್ ಗೆ ಓಡಾಡುವ ರಸ್ತೆ ತುಂಬಾ ಕಸದ ರಾಶಿ ಮತ್ತು ಎಣ್ಣೆ ಬಾಟಲಿಗಳು ಬಿದ್ದಿರುವುದನ್ನು ಯಾರು ಕೇಳುತ್ತಿಲ್ಲ 100 ಮೀಟರ್ ಅಂತರದಲ್ಲಿ ಗಣಪತಿ ದೇವಸ್ಥಾನ ವಿದ್ದು ಸಾರ್ವಜನಿಕರು ಓಡಾಡಲು ತುಂಬಾ ಕಷ್ಟವಾಗುತ್ತಿದೆ ದಯವಿಟ್ಟು ಇದನ್ನು ಗುರು. ವೈನ್ಸ್ ಬಾರ್ ಬಾರ್ ನಿಂದ ಬಂದ ಕಸ ಇದು ಮೊಟ್ಟೆ * ಮತ್ತು ಎಣ್ಣೆ ಖಾಲಿ ಬಾಟಲಿಗಳು ಬಾಟಲೂಗಳು

ಬಿದ್ದಿರುವುದನ್ನು ನೋಡಿ ಎಚ್ ಡಿ ಕೋಟೆ ಶಾಲಾ ಕಾಲೇಜುಗಳು ವಿದ್ಯಾರ್ಥಿಗಳು ಇದನ್ನು ನೋಡಿ ತುಂಬಾ ಮುಜುಗರವಾಗುತ್ತಿದೆ & ಮತ್ತು ವಿದ್ಯಾರ್ಥಿಗಳಿಗೆ ಕೆಟ್ಟ ಪರಿಣಾಮ ವಿರುತ್ತದೆ ದೇವಸ್ಥಾನದ ಅಕ್ಕ ಪಕ್ಕ ಸ್ವಚ್ಛತೆಯನ್ನು ಕಾಪಾಡಬೇಕೆಂದು ಪುರಸಭೆ ವ್ಯಾಪ್ತಿಯಿಂದ ಅವರಿಗೆ ತಿಳಿಸಬೇಕಾಗಿ ಮನವಿ.

Continue Reading

Mysore

ದಿವಾಳಿಯ ಅಂಚಿನಲ್ಲಿರುವ ವಿಶ್ವವಿದ್ಯಾನಿಲಯಗಳು. ಸರ್ಕಾರ ಮತ್ತು ಉನ್ನತ ಶಿಕ್ಷಣ ಸಚಿವರು ವಿಶ್ವವಿದ್ಯಾನಿಲಯಗಳತ್ತ ಕಣ್ತೆರೆವರೇ!

Published

on

ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಯ ಮೈಸೂರು ಮತ್ತು ಕೊಡಗು ಜಿಲ್ಲಾ ಸಂಚಾಲಕ. ಡಾ. ಅರುಣ್ ಕುಮಾರ್ H R ಬೇಸರ.

ವಿಶ್ವವಿದ್ಯಾನಿಲಯಗಳು ವಿದ್ಯಾರ್ಥಿಗಳಿಗೆ ಉತ್ಕೃಷ್ಟವಾದ ಶಿಕ್ಷಣ ಜ್ಞಾನವನ್ನ ಕೊಟ್ಟು . ಸಾಮಾಜಿಕವಾಗಿ ಮೌಡ್ಯ ದಿಂದ ಮುಖ್ಯವಾಹಿನಿಗೆ ತರುವಲ್ಲಿ ವಿಶ್ವವಿದ್ಯಾನಿಲಯ ಗಳು ಉನ್ನತವಾದ. ಸ್ಥಾನವನ್ನ ಪಡೆದಿವೆ.

ಅದರಂತೆ ಪ್ರಾಚೀನ ನಳಂದ ವಿಶ್ವವಿದ್ಯಾನಿಲಯ ತನ್ನದೇ ಆದ ಚರಿತ್ರೆ ಮತ್ತು ಸಂಸ್ಕೃತಿಯನ್ನು ಹೊಂದಿದೆ.
ಭಾರತದಲ್ಲಿ ಬ್ರಿಟಿಷ್ ಆಳ್ವಿಕೆಯ ಕಾಲಘಟ್ಟದಲ್ಲಿ ಶಿಕ್ಷಣಕ್ಕೆ ಪ್ರಮುಖ ಪಾತ್ರವನ್ನು ಕೊಟ್ಟರು. ಅದರಂತೆ 1945 ರಲ್ಲಿ UGC. ಯನ್ನು ರಚಿಸಲಾಯಿತು. ಮೂರು ಕೇಂದ್ರೀಯ ವಿಶ್ವವಿದ್ಯಾನಿಲಯಗಳಾದ. ಆಲಿಘರ್. ಬನಾರಸ್. ದೆಹಲಿ. ಮೇಲ್ವಿಚಾರಣೆ ಕೆಲಸವನ್ನು ಮಾಡಿದವು.

1947ರಲ್ಲಿ ಎಲ್ಲಾ ಭಾರತೀಯ ವಿಶ್ವವಿದ್ಯಾಲಯಗಳು ಒಳಗೊಳಲು ವಿಸ್ತರಿಸಲಾಯಿತು.1952 ರಲ್ಲಿ ಸರ್ಕಾರವು ವಿಶ್ವವಿದ್ಯಾನಿಲಯಗಳು ಮತ್ತು ಉನ್ನತ ಶಿಕ್ಷಣ ಸಂಸ್ಥೆಗಳಿಗೆ ಎಲ್ಲಾ ಅನುದಾನಗಳನ್ನು UGC ಮೂಲಕ ವಹಿಸಬೇಕೆಂದು ನಿರ್ಧರಿಸಿತು. ನಂತರ ಶಿಕ್ಷಣ ಮತ್ತು ನೈಸರ್ಗಿಕ ಸಂಪನ್ಮೂಲಗಳು ವೈಜ್ಞಾನಿಕ ಸಂಶೋಧನಾ ಸಚಿವರಾದ ಮೌಲಾನಾ ಅಬುಲ್ ಕಲಾಂ ಅಜಾದ್ ರವರು 28 ಡಿಸೆಂಬರ್ 1953 ರಂದು ಉದ್ಘಾಟನೆ ಮಾಡಿದರು.

UGC ಭಾರತ ಸರ್ಕಾರದ ಶಿಕ್ಷಣ ಸಚಿವಾಲಯದ ಉನ್ನತ ಶಿಕ್ಷಣ ಇಲಾಖೆ ಅಡಿಯಲ್ಲಿ ಒಂದು ಶಾಸನಬದ್ಧ ಸಂಸ್ಥೆಯಾಗಿದೆ ಇದನ್ನ UGC ಇದೆ 1956 ರಲ್ಲಿ ಅನುಗುಣವಾಗಿ ಸ್ಥಾಪಿಸಲಾಗಿದೆ. UGC ಯು JRF ಉತ್ತೀರ್ಣರಾದ ಎಲ್ಲರಿಗೂ ಡಾಕ್ಟರೇಟ್ ಮತ್ತು ಡಾಕ್ಟರ್ ಫೆಲೋಶಿಪ್ ಗಳಿಗೆ ಪ್ರೋತ್ಸಾಹವನ್ನು ನೀಡುತ್ತಾಬಂದಿದೆ.

ಕರ್ನಾಟಕದಲ್ಲಿ 20 ವಿಶ್ವವಿದ್ಯಾನಿಲಯಗಳು ಇವೆ. ಅದರಲ್ಲೂ ಕರ್ನಾಟಕದ ಮೊದಲ ವಿಶ್ವವಿದ್ಯಾನಿಲಯ 1916 ಸ್ಥಾಪನೆ ಆದ ಮೈಸೂರು ವಿಶ್ವವಿದ್ಯಾನಿಲಯ. ಮತ್ತು.ಅನೇಕ ಡಿಮ್ಡ್ ಯೂನಿವರ್ಸಿಟಿ. ಪ್ರತ್ಯೇಕ ವಿಷಯಗಳಿಗೆ ಆಧರಿತವಾಗಿ ಯೂನಿವರ್ಸಿಟಿ ಗಳು ಇವೆ.

ಇನ್ನು 2022-2023 BJP ಸರ್ಕಾರದ ಅವಧಿಯಲ್ಲಿ ಜಿಲ್ಲೆಗೆ ಒಂದೊಂದು ವಿಶ್ವವಿದ್ಯಾಲಯ ಪರಿಕಲ್ಪನೆಯಂತೆ ಹೊಸದಾಗಿ 7ವಿಶ್ವವಿದ್ಯಾನಿಲಯಗಳು ಸ್ಥಾಪನೆಗೊಂಡಿವೆ.

ಆದರೆ ವಿಶ್ವವಿದ್ಯಾನಿಲಯಗಳು ಆರ್ಥಿಕ ಸಂಕಷ್ಟದಿಂದ ಕೂಡಿದ್ದು ದಿನದಿಂದ ದಿನಕ್ಕೆ ನಿವೃತ್ತ ಪ್ರಾಧ್ಯಾಪಕರ ಸಂಖ್ಯೆ ಹೆಚ್ಚುತ್ತಿದೆ . ಇನ್ನು ಹೊಟ್ಟೆಗೆ ತಣ್ಣೀರು ಬಟ್ಟೆ ಹಾಕಿ ಕೆಲಸ ಮಾಡುವ ಅತಿಥಿ ಉಪನ್ಯಾಸಕರು. ಮತ್ತು ಅರೆ ನೌಕರಿ ಸಿಬ್ಬಂದಿಗಳ ಪಾಡು ಹೇಳತಿರದು. ಸರಿಯಾಗಿ ಒಂದು ತಿಂಗಳಿಗೆ ಸಂಬಳವೂ ಆಗುವುದಿಲ್ಲ. ಇನ್ನು ನಿವೃತ್ತಿಯಾದ ಪ್ರಾಧ್ಯಾಪಕರಿಗೆ ನಿವೃತ್ತಿ ಬತ್ತೆಗಳು ಕೊಟ್ಟಿಲ್ಲ.

ಹೊಸ ವಿಶ್ವವಿದ್ಯಾಲಯ ಗಳ ಕಥೆ ಹೇಳುತ್ತಿರದು. ಯಾವ ಪುರುಷಾರ್ಥಕ್ಕಾಗಿ ಜಿಲ್ಲೆಗೊಂದು ವಿಶ್ವವಿದ್ಯಾಲಯ ಸ್ಥಾಪನೆ ಆಯಿತು. ಅವಲೋಕನ ಮಾಡಬೇಕಾಗಿದೆ ಇದರಿಂದ ವಿಶ್ವ ವಿದ್ಯಾಲಯದ ಘನತೆ ಕುಗ್ಗಿದೆ.

ಸರ್ಕಾರದಿಂದ ಹಣ ಬಿಡುಗಡೆ ಮಾಡಿಲ್ಲ ಎಂದರೆ ಮಾತೃ ಸಂಸ್ಥೆಗೆ ವರ್ಗಾಯಿಸಿ ಬಿಡುವುದು ಒಳ್ಳೆಯದು.

ವಿಶ್ವವಿದ್ಯಾಲಯಗಳಲ್ಲಿ ದುಡಿಯುವ ಪ್ರಾಮಾಣಿ ಪ್ರಾಮಾಣಿಕ ಅತಿಥಿ ಉಪನ್ಯಾಸಕರ ಸ್ಥಿತಿ ಯಾರು ಕೇಳಲಾರರು ಸರಿಯಾಗಿ ಸಂಬಳ ಬರುವುದಿಲ್ಲ ಎಂದರೆ ಜೀವನ ನಿರ್ವಹಣೆ ಮಾಡುವುದು ಹೇಗೆ ಸರ್ಕಾರವೇ ಯೋಚನೆ ಮಾಡಬೇಕಾಗಿದೆ.

ಹಾಗಾಗಿ ವಿಶ್ವವಿದ್ಯಾನಿಲಯಗಳು ದೇಶದ ವಿದ್ಯಾರ್ಥಿಗಳ ಭವಿಷ್ಯ ಕಟ್ಟುವ ಕೆಲಸವನ್ನು ಮಾಡುತ್ತವೆ ಆದರೆ ಉಪನ್ಯಾಸಕ ನೀಡುವ ಅತಿಥಿ ಉಪನ್ಯಾಸಕರಿಗೆ ಹೊಟ್ಟೆಗೆ ತಣ್ಣೀರು ಬಟ್ಟೆ ಹಾಕಿ ವಿದ್ಯಾರ್ಥಿಗಳ ಭವಿಷ್ಯ ಕಟ್ಟಿ ಎಂದರೆ ಎಷ್ಟು ಸಮಂಜಸ!!!

ಇನ್ನು ವಿಶ್ವವಿದ್ಯಾಲಯದ ಕುಲಪತಿಗಳ ಆಯ್ಕೆಯಲ್ಲಿ ಕೋಟಿ ಕೋಟಿ ದುಡ್ಡಿರುವವರನ್ನ ಆಯ್ಕೆ ಮಾಡುತ್ತಿರುವುದು ಸುದ್ದಿ ಕೇಳುತ್ತಿದೆ.

ಇನ್ನು ವಿಶ್ವವಿದ್ಯಾನಿಲಯಗಳಲ್ಲಿ ಮಾನವಿಕ ವಿಭಾಗದ ಕೋರ್ಸ್ಗಳನ್ನ ಮುಚ್ಚುವುದು ಎಷ್ಟು ಸಮಂಜಸ! ಇದರ ಬಗ್ಗೆ ಸರ್ಕಾರ ಅವಲೋಕನ ಮಾಡಬೇಕಾಗಿದೆ.

ಹೀಗೆ ನಿರಂತರವಾಗಿ ವಿಶ್ವವಿದ್ಯಾನಿಲಯಗಳನ್ನು ಸುಸ್ಥಿತಿಗೆ ತರದೆ ಅಥವಾ ಬಲಪಡಿಸದೆ ಹೋದಲ್ಲಿ
ಮುಚ್ಚುತ್ತದೆ ಇಲ್ಲವೆಂದರೆ private university ಗೆ ಮಾರಬೇಕಾಗುತ್ತದೆ.

ಬೇಡವಾದ ಯೋಜನೆಗಳಿಗೆ ಸರ್ಕಾರ ಸಾವಿರಾರು ಕೋಟಿ ಹಣವನ್ನು ವ್ಯಯ ಮಾಡುತ್ತಿದೆ ಅಂತ ಕೋಟಿ ಹಣವನ್ನು ವಿಶ್ವವಿದ್ಯಾನಿಲಯಗೆ ಉಪಯೋಗ ಮಾಡಿದರೆ ವಿಶ್ವವಿದ್ಯಾನಿಲಯಗಳು ಖಾಸಗಿ ವಿಶ್ವವಿದ್ಯಾನಿಲಯಗಳಿಗಿಂತ ಹೆಚ್ಚಾಗಿ ಬೆಳೆಯುತ್ತದೆ.

ವಿಶ್ವವಿದ್ಯಾನಿಲಯಗಳು . ಆ ಭಾಗದ ಸಂಸ್ಕೃತಿ. ಕಲೆ. ಭಾಷೆ. ಜ್ಞಾನ ವನ್ನ ಎತ್ತಿ ಹಿಡಿಯುತ್ತವೆ. ಮುಂದಿನ 10. 20 ವರ್ಷಗಳಲ್ಲಿ ಈ ರೀತಿ ಆದರೆ ವಿಶ್ವವಿದ್ಯಾಲಯಗಳು ತನ್ನಷ್ಟಕ್ಕೆ ತಾನೇ ಬಾಗಿಲು ಹಾಕಿಕೊಳ್ಳಬೇಕಾಗುತ್ತದೆ. ಆದರಿಂದ ಉನ್ನತ ಸಚಿವರು ಮತ್ತು ಸರ್ಕಾರಗಳು ಇದರ
ವಿಶ್ವವಿದ್ಯಾನಿಲಯಗಳನ್ನು ಕಟ್ಟುವ ಬಗ್ಗೆ ಆಸಕ್ತಿ ತೆಗೆದುಕೊಂಡು ಈ ದೇಶ ಕಟ್ಟುವ ವಿಶ್ವವಿದ್ಯಾನಿಲಯಗಳ ಕಾಯಕವನ್ನು ಮಾಡಬೇಕಾಗುತ್ತದೆ .

ಡಾ. ಅರುಣ್ ಕುಮಾರ್ HR
MA. Mphil. PhD.
ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ.ವಾಸುದೇವ ಮೇಟಿ ಬಣ
ಮೈಸೂರು ಮತ್ತು ಕೊಡಗು ಜಿಲ್ಲಾ ಸಂಚಾಲಕರು. ಹಾಗೂ ಮಾಜಿ ಗ್ರಾಮ ಪಂಚಾಯತಿ ಸದಸ್ಯರು.

Continue Reading

Trending

error: Content is protected !!