ಹಾಸನ: 79ನೇ ವರ್ಷದ ಸ್ವಾತಂತ್ರ್ಯದ ದಿನಾಚರಣೆ ಅಂಗವಾಗಿ ನಗರದ ಕುವೆಂಪು ನಗರ ಫೀಲ್ಡ್ ಮಾರ್ಷಲ್ ಕರಿಯಪ್ಪ ಉದ್ಯಾನವನದ ಬಳಿ ಇರುವ ಜಿಲ್ಲಾ ಮಾಜಿ ಸೈನಿಕರ ಸಂಘದವತಿಯಿಂದ ಸೈನಿಕ ಹಾಗು ಮಾಜಿ ಸೈನಿಕರ ಮಕ್ಕಳಿಗೆ ಭವನದಲ್ಲಿ ಕ್ವಿಜ್, ಚಿತ್ರಕಲಾ ಸ್ಪರ್ಧೆ ಮತ್ತು ಭಾಷಣ ಸ್ಪರ್ದೆಯನ್ನು ಭಾನುವಾರ ಹಮ್ಮಿಕೊಳ್ಲಲಾಗಿತ್ತು.

ಈ ವೇಳೆ ಜಿಲ್ಲಾ ಮಾಜಿ ಸೈನಿಕರ ಸಂಘದ ಗೌರವಾಧ್ಯಕ್ಷ ದೊರೆರಾಜು ಮತ್ತು ಜಿಲ್ಲಾಧ್ಯಕ್ಷ ಎ.ಎಸ್. ಪ್ರದೀಪ್ ಸಾಗರ್ ಮಾಧ್ಯಮದೊಂದಿಗೆ ಮಾತನಾಡಿ, ಮಕ್ಕಳಲ್ಲಿ ದೇಶ ಭಕ್ತಿಯ ಭಾವನೆಯನ್ನು ಮೂಡಿಸಲು ಹಾಗೂ ಅವರಲ್ಲಿ ಸ್ಪರ್ದಾಮನೋಭಾವದಲ್ಲಿ ಪಾಲ್ಗೊಂಡು ಆತ್ಮವಿಶ್ವಾಸ ಹೆಚ್ಚಿಸುವಲ್ಲಿ ಈ ಕಾರ್ಯಕ್ರಮ ಸಹಕಾರಿಯಾಗಿದೆ ಎಂದರು. ಮಕ್ಕಳಲ್ಲಿ ದೇಶಭಕ್ತಿಯನ್ನು ಮೂಡಿಸಲು ಹಿರಿಯರಾದ ನಾವು ಅವರಿಗೆ ಸರಿಯಾದ ಮಾರ್ಗದರ್ಶನ ನೀಡಬೇಕಾಗಿದೆ. ಮಕ್ಕಳಲ್ಲಿ ಧೈರ್ಯ, ವಿಶ್ವಾಸ, ದೇಶದ ಮೇಲಿನ ಪ್ರೀತಿ ಗೌರವವನ್ನು ಬಿತ್ತಬೇಕಾಗಿದೆ ಎಂದು ಹೇಳಿದರು.

ಚಿತ್ರಕಲಾ ಸ್ಪರ್ದೆಯಲ್ಲಿ ಸೈನಿಕರ ಮಕ್ಕಳು ಭಗತ್ ಸಿಂಗ್, ಗಡಿ ಕಾಯುವ ಯೋಧ, ಸ್ವಾತಂತ್ರ್ಯ ಸಿಕ್ಕ ಮೇಲೆ ಪಂಜರದಿಂದ ಹಕ್ಕಿ ಹಾರುತ್ತಿರುವುದು ಹೆಚ್ಚು ಚಿತ್ರ ಬಿಡಿಸಿರುವುದು ಕಂಡು ಬಂದಿತು.

ಕಾರ್ಯಕ್ರಮದಲ್ಲಿ ಜಿಲ್ಲಾ ಮಾಜಿ ಸೈನಿಕರ ಪ್ರಧಾನ ಕಾರ್ಯದರ್ಶಿ ಡಿ.ಇ. ಸ್ವಾಮಿ, ಖಜಾಂಚಿ ಹೆಚ್.ಎ. ಲೋಕೇಶ್, ಸಹಕಾರ್ಯದರ್ಶಿ ಶ್ರಿಧರ್, ಸಂಘಟನಾ ಕಾರ್ಯದರ್ಶಿ ನಾರಾಯಣ ಸ್ವಾಮಿ, ನಿರ್ದೇಶಕರಾದ ಕೃಷ್ಣೇಗೌಡ, ಮೇಲೆಗೌಡ ಹಾಗೂ ಪೋಷಕರು, ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

ಹಾಸನ: ನಗರ ಬ್ರಾಹ್ಮಣ ಸಭಾದ ವತಿಯಿಂದ ಕಳೆದ ೩೫ ವರ್ಷದಿಂದ ಪ್ರತಿವರ್ಷ ಗಾಯಿತ್ರಿ ಹೋಮ, ಜಪಗಳ ಮಾಡುತ್ತಿದ್ದು, ಈ ವರ್ಷ ನಿರೀಕ್ಷೆಗೂ ಮೀರಿ ಎಲ್ಲಾರ ಸಹಕಾರದಲ್ಲಿ 42 ಲಕ್ಷಕ್ಕಿಂತ ಅಧಿಕವಾದ ಗಾಯಿತ್ರಿ ಜಪ ಹಾಗೂ ಒಟ್ಟು 1 ಲಕ್ಷ ಗಾಯಿತ್ರಿ ಹೋಮವನ್ನು ಮಾಡಲಾಗಿದೆ ಎಂದು ನಗರ ಬ್ರಾಹ್ಮಣ ಸಭಾದ ಸಹ ಸಂಚಾಲಕ ಡಾ. ಎಂ.ಎನ್. ಪಾಂಡುರಂಗ ತಿಳಿಸಿದರು.

ನಗರದ ಶ್ರೀ ಶೃಂಗೇರಿ ಮಠದ ಆವರಣದಲ್ಲಿ ೩೫ನೇ ವರ್ಷದ ಗಾಯಿತ್ರೀ ಪ್ರತಿಪತ್ ಕಾರ್ಯಮ್ರಮದ ಅಂಗವಾಗಿ ಭಾನುವಾರದಂದು ಬೆಳಿಗ್ಗೆ ಪ್ರಾರಂಭವಾದ ಜಪ ಮತ್ತು ಹೋಮದಲ್ಲಿ ನೂರಾರು ಜನರು ಪಾಲ್ಗೊಂಡಿದ್ದರು. ಇದೆ ವೇಳೆ ಎಂ.ಎನ್. ಪಾಂಡುರಂಗ ಮಾಧ್ಯಮದೊಂದಿಗೆ ಮಾತನಾಡಿದರು.

ಪ್ರತಿ ವರ್ಷವೂ ನಡೆಯುತ್ತಿರುವ ಗಾಯಿತ್ರಿ ಪತ್ತಿನ ಕಾರ್ಯಕ್ರಮದ ಅಂಗವಾಗಿ ಗಾಯಿತ್ರಿ ಹೋಮವನ್ನ ಮಾಡಲಾಗುತ್ತಿದ್ದು, ಪ್ರತಿ ವರ್ಷ 10 ಸಾವಿರ ಜಪ ಮತ್ತು 1 ಸಾವಿರ ಹೋಮವನ್ನ ಮಾಡಲಾಗುತಿತ್ತು. ಶೃಂಗೇರಿ ಗುರುಗಳ ಅಪ್ಪಣೆಯಂತೆ ಈ ವರ್ಷ 1 ಲಕ್ಷ ಹೋಮ ಹಾಗೂ 10 ಲಕ್ಷ ಗಾಯಿತ್ರಿ ಜಪ ಮಾಡುವ ಉದ್ದೇಶಗಳನ್ನಿಟ್ಟುಕೊಂಡು ಕಳೆದ ಒಂದು ತಿಂಗಳ ಹಿಂದೆ ಈ ಕಾರ್ಯವನ್ನ ಪ್ರಾರಂಭ ಮಾಡಿದ್ದು, ಎಲ್ಲಾರ ಸಹಕಾರದಲ್ಲಿ 42 ಲಕ್ಷಕ್ಕಿಂತ ಅಧಿಕವಾದ ಗಾಯಿತ್ರಿ ಜಪವನ್ನು ಮಾಡಲಾಗಿದೆ. ಅದರ ಅಂಗವಾಗಿ ಎಲ್ಲಾ ಜಪವನ್ನು ಸಮರ್ಪಿಸುವಂತಹ ಗಾಯಿತ್ರಿ ಹೋಮದಲ್ಲಿ 10 ಹೋಮ ಕುಂಡಗಳನ್ನು ಮಾಡಿ, ಪ್ರಧಾನ ಹೋಮ ಬಿಟ್ಟು 9 ಹೋಮದ ಕುಂಡಗಳ ಜೊತೆಗೆ ಪ್ರತಿ ಹೋಮ ಕುಂಡದಲ್ಲಿ 10 ಜನ ಪುರೊಹಿತರೂ ಸಹ ಹೋಮವನ್ನು ಮಾಡುತ್ತಿದ್ದಾರೆ ಎಂದರು.

ಒಟ್ಟು 1 ಲಕ್ಷ ಗಾಯಿತ್ರಿ ಹೋಮವನ್ನು ಮಾಡುತ್ತಿರುವ ವಿಶೇಷ ಕಾರ್ಯಕ್ರಮವನ್ನು ಶ್ರೀ ಶಂಕರ ಮಠದ ಆವರಣದಲ್ಲಿ ಆಯೋಜಿಸಿ ಯಶಸ್ವಿಗೊಳಿಸಲಾಗಿದೆ. ನಮ್ಮ ಸಂಘದ 35ನೇ ವರ್ಷದ ಹಿನ್ನಲೆಯಲ್ಲಿ ಲೋಕ ಕಲ್ಯಾಣದ ದೃಷ್ಠಿಯಲ್ಲಿ ಎಲ್ಲಾ ವಿಪ್ರ ಬಾಂಧವರು ಸೇರಿ ಕಾರ್ಯಕ್ರಮ ಮಾಡಲಾಗಿದೆ ಎಂದು ಹೇಳಿದರು.

ಇದೆ ಸಂದರ್ಭದಲ್ಲಿ ನಗರ ಬ್ರಾಹ್ಮಣ ಸಭಾದ ಅಧ್ಯಕ್ಷ ಪಿ.ಎಸ್. ವೆಂಕಟೇಶ್, ಕಾರ್ಯದರ್ಶಿ ಎಂವಿ. ಕುಮಾರಸ್ವಾಮಿ, ಖಜಾಂಚಿ ಜಿ. ಸುರೇಶ್, ಮುಖ್ಯ ಸಂಚಾಲಕ ಜಿ. ಅನಂತರಾಮು, ಸಹ ಸಂಚಾಲಕ ಹೆಚ್.ಕೆ. ಬದರಿನಾರಾಯಣ, ಡಿ.ವಿ. ಸಂಪತ್ತು ಕುಮಾರ್, ಕೆ. ನಂಜುಂಡಸ್ವಾಮಿ, ಕೆ.ಸಿ. ಸುರೇಶ್, ಸುಜಾತ ಸುರೇಶ್, ಕವಿತ ಗಿರೀಶ್ ಮುಖಂಡರಾದ ಎ.ಎಸ್.ಎನ್. ಮೂರ್ತಿ ಇತರರು ಉಪಸ್ಥಿತರಿದ್ದರು.

ಹಾಸನ: ನಗರದ ಅರಸೀಕೆರೆ ರಸ್ತೆ ಬಳಿ ಇರುವ ಎಸ್.ಎಂ. ಕೃಷ್ಣ ನಗರದಲ್ಲಿ ಮಹಾನಗರ ಪಾಲಿಕೆ ಮತ್ತು ನಗರಾಭಿವೃದ್ಧಿ ಪ್ರಾಧಿಕಾರಕ್ಕೆ ಸೇರಿದ ಉದ್ಯಾನವನವನ್ನು ಮಾದರಿ ನೆನಪಿನ ಉದ್ಯಾನವನ್ನಾಗಿ ಅಭಿವೃದ್ಧಿಪಡಿಸಲು ಪರಿಸರಕ್ಕಾಗಿ ನಾವು ಸಂಘಟನೆಯ ರಾಜ್ಯಾಧ್ಯಕ್ಷ ಹಾಗೂ ಮಾಜಿ ಶಾಸಕ.ಟಿ. ರಾಮಸ್ವಾಮಿ ಮತ್ತು ಮೇಯರ್ ಎಂ. ಚಂದ್ರೇಗೌಡ ಅವರು ಶ್ರಮದಾನಕ್ಕೆ ಚಾಲನೆ ನೀಡಿದರು.

ನಂತರ ಮಾಜಿ ಶಾಸಕ ಎ.ಟಿ. ರಾಮಸ್ವಾಮಿ ಮಾಧ್ಯಮದೊಂದಿಗೆ ಮಾತನಾಡಿ, ಕೃಷ್ಣ ನಗರದಲ್ಲಿರುವ ನಾಲ್ಕುವರೆ ಎಕರೆ ಪ್ರದೇಶವನ್ನು ಉದ್ಯಾನವನಕ್ಕಾಗಿ ಜಾಗವನ್ನು ಬಿಡಲಾಗಿದೆ. ನಗರ ಪ್ರದೇಶದಲ್ಲಿ ವಾಯು ವಿಹಾರಗಳಿಗೆ ಅವಕಾಶ ಸಿಗಲಿ ಎಂದು ಸ್ಥಳ ಕಾಯ್ದು ಇರಿಸಲಾಗಿದೆ. ಕೃಷ್ಣ ನಗರದಲ್ಲಿರುವ ಜಾಗ ನಿರ್ವಹಣೆ ಆಗದೆ ಬಹಳ ಕೆಟ್ಟದಾಗಿದೆ. ಇದನ್ನೆಲ್ಲಾ ಮನಗೊಂಡು ಪರಿಸರಕ್ಕಾಗಿ ನಾವು ರಾಜ್ಯ ಸಂಘಟನೆವತಿಯಿಂದ ಮಹಾನಗರ ಪಾಲಿಕೆ ಮೇಯರ್ ಗೆ ಒಂದು ಮನವಿ ಕೊಟ್ಟಿದ್ದು, ಸುಮಾರು 15 ದಿನದಲ್ಲೇ ನಿರ್ಣಯ ಮಾಡಿ ನಿರ್ವಹಣೆ ಮಾಡಲು ವಹಿಸಿಕೊಟ್ಟಿದ್ದಾರೆ ಎಂದರು.

ಮಹಾನಗರ ಪಾಲಿಕೆಯ ಮತ್ತು ಹುಡಾ ಹಾಗೂ ಸಂಘ ಸಂಸ್ಥೆಯ ಸಹಕಾರಬೇಕು. ಅಧಿಕಾರಿ ನೌಕರರ ವರ್ಗದವತಿಯಿಂದ ಒಂದು ಮಾಧರಿಯಾಗಿ ಇಲ್ಲೊಂದು ಉದ್ಯಾನವನ ಮಾಡಬೇಕು ಎಂದು ತೀರ್ಮಾನಿಸಿ ಇಲ್ಲಿ ಸ್ವಚ್ಛತಾ ಕಾರ್ಯಕ್ರಮ ನಡೆಯುತ್ತಿದೆ. ನೆನಪಿನ ಉದ್ಯಾನವನದ ಉದ್ದೇಶ ಎಂದರೇ ಒಂದು ಕಡೆ ಜಪಾನ್ ಮಾದರಿ ಉದ್ಯಾನವನ ಮಾಡಬೇಕು. ಎಲ್ಲಾ ಮಾದರಿಯ ಹಣ್ಣಿನ ಗಿಡಗಳನ್ನ ನೆಡಬೇಕು, ಔಷಧಿಯ ಸಸಿಗಳ ಗುಣ ಉಳ್ಳವಂತಹ ವನ ನಿರ್ಮಾಣ ಮಾಡಬೇಕು. ಕುಳಿತುಕೊಂಡು ವಿಶ್ರಾಂತಿ ತೆಗೆದುಕೊಳ್ಳಲು ಧಾಮ ಮಾಡಬೇಕು. ಮಹಿಳೆಯರ ಮತ್ತು ಪುರುಷರ ಶೌಚಾಲಯ ಮಾಡಬೇಕು. ಯಾವುದಾದರೂ ಮದುವೆ, ಮಗು ನಾಮಕರಣ ಇತರೆ ಸಮಾರಂಭದ ವೇಳೆ ನೆನಪಿಗಾಗಿ ಒಂದು ಗಿಡ ನೆಡಬೇಕು ಎಂದು ಕಿವಿಮಾತು ಹೇಳಿದರು.

ನೆನಪಿನ ಮಾಧರಿ ಉದ್ಯಾನವನ ದಾಗ ಇಡೀ ರಾಜ್ಯದ ಜನ ಇಲ್ಲಿಗೆ ಬಂದು ನೋಡಿಕೊಂಡು ಬರಬೇಕೆಂದು ಹೇಳಿ ಜನ ಬರಬೇಕು ಎಂಬುವ ರೀತಿ ನಿರ್ಮಾಣವಾಗಬೇಕು. ನಿವೃತ್ತ ನೌಕರರ ವರ್ಗ, ಹುಡಾ ಸಹಕಾರ, ಮಹಾನಗರ ಪಾಲಿಕೆ, ಲಯನ್ಸ್ ಕ್ಲಬ್, ರೋಟರಿ ಕ್ಲಬ್ ಹಾಗೂ ವಿವಿಧ ಸಂಘ ಸಂಸ್ಥೆ ಸೇರಿ ಇಲ್ಲೊಂದು ಮಾಧರಿ ಉದ್ಯಾನವನ ಮಾಡೋಣ, ಎಲ್ಲಾರೂ ಸಹಕಾರ ಮಾಡುವಂತೆ ಮನವಿ ಮಾಡಿದರು.

ಮಹಾನಗರ ಪಾಲಿಕೆ ಮೇಯರ್ ಎಂ. ಚಂದ್ರೇಗೌಡ ಮಾಧ್ಯಮದೊಂದಿಗೆ ಮಾತನಾಡಿ, ಪರಿಸರಕ್ಕಾಗಿ ಎನ್ನುವ ಒಂದು ಸಂಘಟನೆಯ ರಾಜ್ಯಧ್ಯಾಕ್ಷರಾದ ಮಾಜಿ ಶಾಸಕ ಎ.ಟಿ. ರಾಮಸ್ವಾಮಿ ಅವರ ನೇತೃತ್ವದಲ್ಲಿ ಈ ಉದ್ಯಾನವನವನ್ನು ಅಭಿವೃದ್ಧಿ ಪಡಿಸುವ ಕಾರ್ಯಕ್ರಮ ಬಹಳ ಕಡೆ ನಡೆಯುತ್ತಿದೆ. ನಗರದ ಕೃಷ್ಣ ಲೇಔಟ್ ನಲ್ಲಿ ಸುಮಾರು ನಾಲ್ಕು ಎಕರೆ ಪ್ರದೇಶ ಇರುವ ದೊಡ್ಡ ಪ್ರದೇಶದಲ್ಲಿ ಪಾರ್ಕ್ ಆಯ್ಕೆ ಮಾಡಿಕೊಂಡು ನೆನಪಿನ ಉದ್ಯಾನವನ್ನಾಗಿ ಮಾಡಲು ತೀರ್ಮಾನಿಸಿದ್ದು, ಅವರೊಂದಿಗೆ ಮಹಾ ನಗರ ಪಾಲಿಕೆ ಹಾಗೂ ಇತರೆ ಸಂಘ ಸಂಸ್ಥೆಯವರು ಹಾಗೂ ಅರಕಲಗೂಡು ಮಾಜಿ ಶಾಸಕರ ಅಭಿಮಾನಿಗಳು, ಇಲ್ಲಿನ ಸುತ್ತಮುತ್ತಲ ನಿವಾಸಿಗಳು, ನೌಕರರ ಸಂಘದ ಎಲ್ಲಾರೂ ಪರಿಸರಕ್ಕಾಗಿ ಸಂಘಟನೆಯಡಿ ಎಲ್ಲಾರೂ ಸ್ವಚ್ಛ ಕೆಲಸ ಕೆಲಸ ಮಾಡುತ್ತಿದ್ದು, ಇಲ್ಲಿ ಒಂದು ರಾಷ್ಟ್ರಿಯ ಮಟ್ಟದ ಗಣಮಟ್ಟದ ಪಾರ್ಕ್‌ವನ್ನಾಗಿ ನಿರ್ಮಾಣ ಮಾಡುವುದಕ್ಕಾಗಿ ಎ.ಟಿ. ರಾಮಸ್ವಾಮಿ ಅವರು ಮುಂದಾಗಿದ್ದು, ಅವರೊಂದಿಗೆ ಮಹಾನಗರ ಪಾಲಿಕೆ ಸನ್ನದವಾಗಿದೆ ಎಂದರು.

ಎಲ್ಲಾ ಸಂಘಟನೆ ಕೈಜೋಡಿಸುತ್ತಿದೆ. ಪ್ರತಿ ಭಾನುವಾರ ಈ ಉದ್ಯಾನವನ ಸ್ವಚ್ಛತೆ ಮಾಡಿ ಅಭಿವೃದ್ಧಿಗೊಳಿಸಬಹುದು ಎಂದು ಹೇಳಿದರು.ಇಲ್ಲಿನ ನಿವಾಸಿಗಳು ಕೂಡ ಅಭಿವೃದ್ಧಿ ಕೆಲಸಕ್ಕೆ ಕೈಜೋಡಿಸುವಂತೆ ಮನವಿ ಮಾಡಿದರು.

ಇದೆ ವೇಳೆ ಪರಿಸರಕ್ಕಾಗಿ ನಾವು ಸಂಘಟನೆಯ ಜಿಲ್ಲಾಧ್ಯಕ್ಷ ಡಾ. ಬಿ.ಈ. ಯೋಗೇಂದ್ರ, ಹಾಸನ ಲಯನ್ಸ್ ಕ್ಲಬ್ ಸದಸ್ಯ ವೆಂಕಟೇಗೌಡ, ಸ್ಕೌಟ್ ಅಂಡ್ ಗೈಡ್ಸ್ ಮುಖಂಡರಾದ ಕಾಂಚನಾ ಮಾಲಾ, ಗಿರೀಶ್, ಜಿಲ್ಲಾ ಸರಕಾರಿ ನೌಕರರ ಸಂಘದ ಗೌರವಾಧ್ಯಕ್ಷ ಈ. ಕೃಷ್ಣೇಗೌಡ, ಆಕಾಶವಾಣಿಯ ವಿಜಯ ಅಂಗಡಿ, ಜಿಲ್ಲಾ ಪತ್ರಕರ್ತರ ಸಂಘದ ಮಾಜಿ ಅಧ್ಯಕ್ಷ ಎಸ್.ಆರ್. ಪ್ರಸನ್ನಕುಮಾರ್, ಬಿ.ಶಿವರಾಂ, ಕಸಾಪ ಗೌರವ ಕಾರ್ಯದರ್ಶಿ ಬಿ.ಆರ್. ಬೊಮ್ಮೇಗೌಡ ಇತರರು ಉಪಸ್ಥಿತರಿದ್ದರು.