ಅಧ್ಯಕ್ಷ ಲಿಂಗರಾಜು

ಹಾಸನ: ನಗರದ ಅಂಬೇಡ್ಕರ್ ಭವನದಲ್ಲಿ ಜುಲೈ ೨೯ರ ಸೋಮವಾರದಂದು ಹಾಸನ ಜಿಲ್ಲಾ ಕ್ರೈಸ್ತ ಅಪೋಸ್ತಲರ ಒಕ್ಕೂಟ ಉದ್ಘಾಟನೆಯ ಸಮಾರಂಭವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಅಧ್ಯಕ್ಷ ಲಿಂಗರಾಜು ಮತ್ತು ಕಾನೂನು ಸಲಹೆಗಾರರಾದ ವಿ.ಸಿ. ಧರ್ಮರಾಜು ತಿಳಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಶುಕ್ರವಾರ ಮಾತನಾಡಿ, ಜುಲೈ ೨೩ ರಂದು ಕಾನೂನಾತ್ಮಕವಾಗಿ ನಮ್ಮ ಜಿಲ್ಲಾ ಕ್ರೈಸ್ತ ಅಪೋಸ್ತಲರ ಒಕ್ಕೂಟ ನೋಂದಾವಣಿ ಆಗಿದ್ದು, ಬರುವ ಸೋಮವಾರ ನಮ್ಮ ಒಕ್ಕೂಟದ ಉದ್ಘಾಟನೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಈ ಸಮಾರಂಭಕ್ಕೆ ಸಮಸ್ತ ಜಿಲ್ಲೆಯ ಕ್ರೈಸ್ತ ಬಾಂಧವರು, ಫಾಸ್ಟರ್ ಗಳು, ಕ್ರೈಸ್ತ ನಾಯಕರು ಸೇರಿ ಎಲ್ಲಾರನ್ನು ಆಹ್ವಾನಿಸುತ್ತಿದ್ದೇವೆ. ಇದರ ಉದ್ದೇಶ ಏನೆಂದರೇ ಕ್ರೈಸ್ತರ ಸಂರಕ್ಷಣೆ, ಸಮುದಾಯದ ಹೇಳಿಗೆಗೆ ಹಾಗೂ ಸಮಾಜದ ಹಿತಾದೃಷ್ಠಿ ಕಾಪಾಡುವುದು ಮತ್ತು ರಾಜ್ಯದ ರಕ್ಷಣೆ ಕುರಿತು ಅಧ್ಯಾಯನ ಇಟ್ಟುಕೊಂಡು ಈ ಸಂಘಟನೆ ಆರಂಭ ಮಾಡಲಾಗಿದೆ ಎಂದರು. ಈ ಕಾರ್ಯಕ್ರಮಕ್ಕೆ ಜಿಲ್ಲಾಧಿಕಾರಿ ಸಿ. ಸತ್ಯಭಾಮ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಮಹಮ್ಮದ್ ಸುಜೀತಾ, ಸ್ಥಳೀಯ ಶಾಸಕರಾದ ಹೆಚ್.ಪಿ. ಸ್ವರೂಪ್, ಲೋಕಸಭಾ ಸದಸ್ಯ ಶ್ರೇಯಸ್ ಎಂ. ಪಟೇಲ್ ಸೇರಿದಂತೆ ಹವಾರು ಗಣ್ಯರಿಗೆ ಆಹ್ವಾನ ಮಾಡಲಾಗುತ್ತಿದೆ ಎಂದು ಹೇಳಿದರು. ನಮ್ಮ ಸಮುದಾಯದಲ್ಲಿ ಏನಾದರೂ ಸಮಸ್ಯೆ ಆದರೇ ಅವರೊಂದಿಗೆ ನಾವು ಇದ್ದು, ಬಗೆಹರಿಸಲು ಸೂಕ್ತ ಸಲಹೆ ಕೊಡಲಾಗುವುದು ಎಂದು ತಿಳಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಜಿಲ್ಲಾ ಕ್ರೈಸ್ತ ಅಪೋಸ್ತಲರ ಒಕ್ಕೂಟದ ಕಾರ್ಯದರ್ಶಿ ರಜಿನಿಕಾಂತ್, ಸಹ ಕಾರ್ಯದರ್ಶಿ ಜೋಶುವಾ ಜೈ ಪಾಲ್, ಉಪಾಧ್ಯಕ್ಷ ಆನಂದ್, ವಿಜಯರಾಜು ಸೇರಿದಂತೆ ಇತರರು ಉಪಸ್ಥಿತರಿದ್ದರು.

ವರದಿ ಸತೀಶ್ ಚಿಕ್ಕಕಣಗಾಲು
ಆಲೂರು: ಆಲೂರು ತಾಲೂಕಿನ ವಾಟೆಹೊಳೆ ಜಲಾಶಯ ವ್ಯಾಪ್ತಿಯಲ್ಲಿ ಮಳೆ ಅಬ್ಬರ ಜೋರಾಗಿದ್ದು ಸುಮಾರು 600 ಕ್ಯೂಸೆಕ್ ನೀರನ್ನ ಒಳಗೆ ಹೊರಬಿಡಲಾಯಿತು.

ಆಲೂರು ತಾಲೂಕಿನ ವಾಟೆಹೊಳೆ ಜಲಾಶಯವು 966.5 ಕ್ಯೂಸೆಕ್ ನೀರಿನ ಸಾಮರ್ಥ್ಯವನ್ನು ಹೊಂದಿದೆ. ಕಳೆದ ಒಂದು ತಿಂಗಳಿನಿಂದ ಸುರಿಯುತ್ತಿರುವ ನಿರಂತರ ಮಳೆಯಿಂದ 965.7 ಕ್ಯೂಸೆಕ್ ನೀರು ಭರ್ತಿಯಾಗಿದ್ದು. ನಿತ್ಯ ಸುಮಾರು 600 ಕ್ಯೂಸೆಕ್ ನಷ್ಟು

 

ಒಳ ಹರಿವು ಏರಿಕೆ ಕಂಡಿದೆ. ಇದೇ ರೀತಿ ಮುಂದುವರೆದ್ರೆ ತಿಂಗಳಾಂತ್ಯಕ್ಕೆ ಡ್ಯಾಂ ಭರ್ತಿಯಾಗುವುದು ಖಚಿತವಾದ ಹಿನ್ನೆಲೆಯಲ್ಲಿ ಶಾಲಾಶಯದಿಂದ 600ಕ್ಯೂಸೆಕ್ ನೀರನ್ನು ನದಿಗೆ ಹೊರಿಸಲಾಗಿದೆ.

ಭಾರಿ ಮಳೆಗೆ ಮುಳುಗಿದ ಸಕಲೇಶಪುರದ ಅಜಾದ್ ರಸ್ತೆ

ನಿರಾಶ್ರಿತರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಗೊಳಿಸುತ್ತಿರುವ ತಹಸೀಲ್ದಾರ್ ಮೇಘನಾ.

ಸಕಲೇಶಪುರ : ಕಳೆದ ಒಂದು ವಾರದಿಂದ ಎಡಬಿಡದೆ ಸುರಿಯುತ್ತಿರುವ ಮಳೆಗೆ ಸಕಲೇಶಪುರ ತಾಲೂಕಿನಲ್ಲಿ ಹಲವಾರು ಅವಾಂತರಗಳು ಸೃಷ್ಟಿಯಾಗಿದೆ.
ಭಾರಿ ಮಳೆ ಹೇಮಾವತಿ ನದಿಯ ನೀರಿನ ಮಟ್ಟ ಏರಿಕೆಯಾದ ತೊಡಗಿದ್ದು ಇದೀಗ ಪಟ್ಟಣದ ಆಜಾದ್ ರಸ್ತೆ ಸಂಪೂರ್ಣವಾಗಿ ಮುಳುಗಿ ಹೋಗಿದೆ.

ಕಳೆದ ಎರಡು ವರ್ಷಗಳಿಂದ ಹೆಚ್ಚಿನ ಪ್ರಮಾಣದಲ್ಲಿ ಮಳೆ ಯಾಗದ ಹಿನ್ನೆಲೆಯಲ್ಲಿ ಅಜಾದ್ ರಸ್ತೆಯಲ್ಲಿ ನೀರು ಆವರಿಸಿಕೊಂಡಿರಲಿಲ್ಲ. ಇದೀಗ ಕಳೆದ ಒಂದು ವಾರದಿಂದ ಸುರಿಯುತ್ತಿರುವ ಮಳೆಗೆ ಅಜಾದ್ ರಸ್ತೆಯ ಮನೆಗಳು, ಗ್ಯಾರೇಜ್ ಸೇರಿದಂತೆ ಅಂಗಡಿ ಮುಂಗಟ್ಟುಗಳು ವಾಹನಗಳು ನೀರಿನಲ್ಲಿ ಮುಳುಗಿ ಹೋಗಿದೆ. ಈ ಪ್ರದೇಶದಲ್ಲಿ ಜನರು ಓಡಾಡಲು ನೀರಿನ ಬೋಟ್ ಬಳಸಿ ತಿರುಗಾಡಬೇಕಾದ ಅನಿವಾರ್ಯ ಪರಿಸ್ಥಿತಿ ಎದುರಾಗಿದೆ. ನೀರಿನಲ್ಲಿ ಸಿಲುಕಿರುವ ನಿರಾಕರನ್ನು ಕಾಳಜಿ ಕೇಂದ್ರಕ್ಕೆ ಸ್ಥಳಾಂತರಿಸುವ ಕೆಲಸವನ್ನು ತಹಶೀಲ್ದಾರ್ ಮೇಘನ ಮಾಡುತ್ತಿದ್ದಾರೆ. ನೀರಿನ ಪ್ರಭಾವ ತಾಗುವವರೆಗೂ ನಿರಾಶಿಕರನ್ನು ಕಾಳಜಿ ಕೇಂದ್ರದಲ್ಲಿ ಆರೈಕೆ ಮಾಡಲು ತಾಲೂಕು ಆಡಳಿತ ಸಿದ್ದವಾಗಿದೆ.