ಪಾಂಡವಪುರ: ನಾನು ನಿಮ್ಮ ಮನೆಯ ಮಗ ನಾನು. ನನ್ನ ಸ್ಪರ್ದೆ ಅನಿವಾರ್ಯ ಜೊತೆಗೆ ದೈವ ಸಂಕಲ್ಪ ಎಂದು ಮಾಜಿ ಮುಖ್ಯಮಂತ್ರಿ ಹಾಗೂ ಮಂಡ್ಯ ಲೋಕಸಭಾ ಎನ್ ಡಿಎ ಅಭ್ಯರ್ಥಿ ಹೆಚ್.ಡಿ.ಕುಮಾರಸ್ವಾಮಿ ತಿಳಿಸಿದರು.

ಪಾಂಡವಪುರದಲ್ಲಿ ಶನಿವಾರ ರಾತ್ರಿ‌ ನಡೆದ ಬಿಜೆಪಿ, ಜೆಡಿಎಸ್ ಕಾರ್ಯಕರ್ತರ ಬೃಹತ್ ಸಭೆಯನ್ನುದ್ದೇಶಿಸಿ ಅವರು ಮಾತನಾಡಿದರು.

ನಿಮ್ಮೆಲ್ಲರ ಆಶೀರ್ವಾದ ಪಡೆಯೋಕೆ ಈ ಐತಿಹಾಸಿಕ ಸಭೆಗೆ ಬಂದಿದ್ದೇನೆ.
ಈ ಚುನಾವಣೆಯಲ್ಲಿ ನಿಲ್ಲಬೇಕು ಅಂತಾ ಅಂದುಕೊಂಡಿರಲಿಲ್ಲ.
ನನ್ನ , ನಿಖಿಲ್ ಮತ್ತು ದೇವೇಗೌಡರ ತೀರ್ಮಾನ ಇದ್ದದ್ದು ಸಿ.ಎಸ್.ಪುಟ್ಟರಾಜು ಅಭ್ಯರ್ಥಿ ಆಗಬೇಕು ಅನ್ನೋದು.
ಅಂಬೇಡ್ಕರ್ ಭವನದಲ್ಲಿ ನಡೆದ ಸಭೆಯಲ್ಲಿ ಪುಟ್ಟರಾಜು ಹೆಸರು ಘೋಷಣೆ ಮಾಡಲು ಬಂದಿದ್ದೆ.
ಅಂದಿನ ಸಭೆಯಲ್ಲಿ ಕೆಲವು ಗೊಂದಲ ಬಂತು.
ಕೆಟ್ಟ ಸಂದೇಶ ಹೋಗಬಾರದು ಅಂತಾ ಸಭೆ ಮೊಟಕುಗೊಳಿಸಿದೆ.
ಇವತ್ತು ನಾನಲ್ಲ, ಪುಟ್ಟರಾಜಣ್ಣ ಅಭ್ಯರ್ಥಿಯಾಗಬೇಕಿತ್ತು.
ಆದ್ರೆ ನಾನು ಅಭ್ಯರ್ಥಿ ಆಗಿರೋದು ದೈವ ಇಚ್ಛೆ. ನನಗೆ ತುಮಕೂರು, ಚಿಕ್ಕಬಳ್ಳಾಪುರದಲ್ಲಿ ನಿಲ್ಲಲು ಒತ್ತಡ ಇತ್ತು.
ನಿಖಿಲ್ ಸ್ಪರ್ಧೆಗೂ ಒತ್ತಡ ಇತ್ತು.
ನಿಖಿಲ್ ಕೂಡ ಪುಟ್ಟರಾಜಣ್ಣ ಸ್ಪರ್ಧೆ ಮಾಡಲಿ ಅಂದಿದ್ರು. ಕಳೆದ ಚುನಾವಣೆಯಲ್ಲಿ ಕೆಲವು ಕಾರಣ ನಿಖಿಲ್ ಸೋಲಾಯ್ತು.
ದೇವೇಗೌಡರು ನಿಮ್ಮ ಪರ ಧನಿಯಾಗಿ ಜೀವನ ಮುಡಿಪಾಗಿ ಇಟ್ಟಿದ್ದಾರೆ.
ನಿಖಿಲ್ ಮತಗಳಿಂದ ಸೋತಿರಬಹುದು, ನೈತಿಕವಾಗಿ ಸೋತಿರಲಿಲ್ಲ. ಕುರುಕ್ಷೇತ್ರದ ಯುದ್ಧದಲ್ಲಿ ಅಭಿಮನ್ಯು ಚಕ್ರವ್ಯೂಹದಲ್ಲಿ ಸಿಲುಕಿ ಹತನಾದಂತೆ ನಿಖಿಲ್ ನ ಮಾಡಿದ್ರು.
ಕುತಂತ್ರದಿಂದ ನಿಖಿಲ್ ಸೋಲಾಯ್ತು ವಿನಃ ಮಂಡ್ಯ ಜನ ಸೋಲಿಸಿಲ್ಲ.

ನೀವು ನನ್ನನ್ನ ಎಳೆದು ಚುನಾವಣೆಗೆ ನಿಲ್ಲಿಸಿದ್ದೀರಿ. ಈ ಚುನಾವಣೆಯಲ್ಲೂ ಅಂದಿನ ಕುತಂತ್ರ ನಡೆಯುತ್ತಿದೆ.
ಕಾಂಗ್ರೆಸ್‌ ಅಭ್ಯರ್ಥಿಯಂತೆ ನಾವು ಹಣಕ್ಕೆ ಸಮನಲ್ಲ. ಹಣದಲ್ಲಿ ಚುನಾವಣೆ ಗೆಲ್ಲೋಕೆ ಎದುರಾಳಿ ನಿಂತಿದ್ದಾರೆ. ಮಂಡ್ಯ ಜನ ಹಣಕ್ಕೆ ಯಾವತ್ತೂ ಮಾರು ಹೋಗಿಲ್ಲ.
ಅದನ್ನ ಎದುರಿಸಲು ನನ್ನನ್ನ ದೈವ ಇಚ್ಛೆಯಂತೆ ಅಭ್ಯರ್ಥಿ ಆಗಿದ್ದೇನೆ.
ನನ್ನ ಬಗ್ಗೆ ಕಾಂಗ್ರೆಸ್‌ನವರು ಅವಹೇಳನ ಮಾಡಿ ಮಾತಾಡಿದ್ದಾರೆ.
ಅವರ ರೀತಿ ನಾನು ಮಾತಾಡಲ್ಲ.
ಹೆಚ್ಡಿಕೆ ಏನು ಕಿತ್ತು ಗುಡ್ಡೆ ಹಾಕಿದ್ದಾನೆ ಅಂತಾ ಏಕವಚನದಲ್ಲಿ ಪ್ರಶ್ನಿಸಿದ್ದಾರೆ.
ನನಗೆ ಅವರ ಸರ್ಟಿಫಿಕೇಟ್ ಬೇಕಿಲ್ಲ.

ಈ ಜಿಲ್ಲೆಯ ಜನ ನನ್ನ ಕೆಲಸವನ್ನ ನಿಮ್ಮ ಹೃದಯದಲ್ಲಿ ಸ್ಮರಿಸಿಕೊಂಡರೆ ಸಾಕು.
ಅದಕ್ಕಿಂತ ದೊಡ್ಡ ಉಪಕಾರ ಇನ್ನೊಂದು ಬೇಕಿಲ್ಲ.
ದೇವೇಗೌಡರ ಕಾವೇರಿ ಹೋರಾಟಕ್ಕೆ ಆರ್ಥಿಕ ನೆರವು ಕೊಟ್ಟಿದ್ದು ನಾನು.
ಸಕ್ಕರೆನಾಡು, ಹಸಿರುನಾಡಲ್ಲಿ 200ಕ್ಕೂ ಹೆಚ್ಚು ರೈತರ ಆತ್ಮಹತ್ಯೆ ಆಗಿತ್ತು. ಆಗ ಈ ಮಹಾನುಭಾವರು ಯಾರು ಹೋಗಿ ಭೇಟಿ ಮಾಡಲಿಲ್ಲ.
ನಾನು ಆ ರೈತ ಕುಟುಂಬಗಳಿಗೆ ಭೇಟಿ ಕೊಟ್ಟು, ಸಣ್ಣ ಸಹಾಯ ಮಾಡಿದ್ದೆ. ಅಂದೇ ಭರವಸೆ ಕೊಟ್ಟಿದ್ದೆ ರೈತರ ಸಾಲಮನ್ನಾ ಮಾಡುವುದಾಗಿ.
ಅದರಂತೆ ಅಧಿಕಾರಕ್ಕೆ ಬಂದಾಗ ರೈತರ ಸಾಲಮನ್ನಾ ಮಾಡಿದೆ.
ಹಿಂದಿನ ಚುನಾವಣೆಯಲ್ಲಿ ಕನಕಪುರದ ಸ್ನೇಹಿತ ಪೆನ್ನು, ಪೇಪರ್ ಕೊಡಿ ಅಂದ್ರು. ನಮ್ಮ ನೀರು ನಮ್ಮ ಹಕ್ಕು ಹೋರಾಟ ಮಾಡಿದ್ರು.
ಈಗ ನಮ್ಮ ನೀರು, ತಮಿಳುನಾಡಿನ ಹಕ್ಕು ಅಂತಾರೆ. ಈ ಜಿಲ್ಲೆಯ ಉಸ್ತುವಾರಿ ಸಚಿವ ನನ್ನ ಬಗ್ಗೆ ಮಾತಾಡ್ತಾರೆ.

ಆತನನ್ನ ಮೊದಲು ಮಂತ್ರಿ ಮಾಡಿಸಿದ್ದು ಪುಟ್ಟರಾಜು.
ಇವತ್ತು ರೈತರು ಭತ್ತ, ಬೆಳೆ ಬೆಳೆಯಬೇಡಿ ಅಂತಾರೆ.
75 ವರ್ಷದಲ್ಲಿ ಒಬ್ಬ ಕೃಷಿ ಮಂತ್ರಿ ಈ ರೀತಿ ಹೇಳಿದ್ದು ಇದೇ ಮೊದಲು.
ಇವತ್ತು ಕಬ್ಬು ಬೆಳೆ ಒಣಗಿ, ಬೆಂಕಿಯಲ್ಲಿ ಬೇಯುತ್ತಿದೆ.
ಮಂಡ್ಯ ಜಿಲ್ಲೆಯ ಈ ಪರಿಸ್ಥಿತಿಗೆ ದರಿದ್ರ ಕಾಂಗ್ರೆಸ್‌ ಸರ್ಕಾರ ಕಾರಣ.
ಈ ಜಿಲ್ಲೆಯ ಜನ ಪುಣ್ಯ ಕೋಟಿ ಕಥೆ ಕೇಳಿ ಬಂದ ಜನ.
ಪ್ರೀತಿಯಿಂದ ಕಂಡರೆ ಪ್ರೀತಿಸುತ್ತೀರಿ.
ತಾಯಂದಿರಲ್ಲಿ ಕೈ ಮುಗಿದು ಮನವಿ ಮಾಡ್ತೀನಿ 2 ಸಾವಿರಕ್ಕೆ ಮರುಳಾಗಬೇಡಿ.
ಜಾತಿ ಗಣತಿಯಲ್ಲಿ ಹಲವು ಸಮುದಾಯಗಳಿಗೆ ದೋಖಾ ಮಾಡಲು ಹೋಗ್ತಿದ್ದಾರೆ ಸಿದ್ದರಾಮಯ್ಯ. ದೇಶದ ಆರ್ಥಿಕತೆ ಖಾಲಿ ಚೊಂಬು ಮಾಡಿದ್ದು ಮೋದಿಯಲ್ಲ. ರಾಜ್ಯದ ಖಜಾನೆಯನ್ನ ಖಾಲಿ ಚೊಂಬು ಮಾಡಿದ್ದು ಕಾಂಗ್ರೆಸ್‌.

ಎಐಸಿಸಿ ನೂತನ ಗ್ಯಾರಂಟಿಗಳ ಬಗ್ಗೆಯೂ ವ್ಯಂಗ್ಯ.

ಹಿಂದೆ ಒಂದು ಟಿಸಿಗೆ 25 ಇತ್ತು ಇವತ್ತು ಲಕ್ಷ ಕೊಡ ಬೇಕು.

ಮಹಿಳೆಯರಿಗೆ ಕೊಡುತ್ತಿರುವ 2 ಸಾವಿರ ನಿಮ್ಮದೇ ದುಡ್ಡು.
ಸಾಲದ ಮೇಲೆ ಸಾಲ ಮಾಡಿ ಹಣ ಕೊಡ್ತಿದ್ದಾರೆ. ಈ ಸಾಲವನ್ನ ಮುಂದೆ ತೀರಿಸಬೇಕಾಗುತ್ತೆ.
ಮಹಿಳೆಯರಿಗೆ 2 ಸಾವಿರ ಕೊಡ್ತೀವಿ ಅಂತಾರೆ. ಸಂಜೆ ಆಯ್ತು ಅಂದ್ರೆ ಯಜಮಾನರ ಜೇಬಿಗೆ ಕತ್ತರಿ ಹಾಕ್ತಾರೆ. ಇದು ಪಿಕ್ ಪಾಕೆಟ್ ಸರ್ಕಾರ. ಇವತ್ತು ಅಭಿವೃದ್ಧಿ ಸಂಪೂರ್ಣ ನಿಂತೋಗಿದೆ.
750 ತೆಗೆದುಕೊಳ್ಳುವುದಕ್ಕೆ ರೈತರೇನು ಭಿಕ್ಷುಕರ?
ರಾಜ್ಯದಲ್ಲಿ ಸಾರಾಯಿ, ಲಾಟರಿ ನಿಷೇಧ ಮಾಡಿದ್ದು ಈ ಕುಮಾರಸ್ವಾಮಿ. ಇವತ್ತು ಮಂಡ್ಯ ಜಿಲ್ಲೆಯಲ್ಲಿ ಬೆಟ್ಟಿಂಗ್, ಪ್ಲೇವಿನ್ ಆಟ ರಾಜಾರೋಷವಾಗಿ ನಡೆಯುತ್ತಿದೆ.
ನೀವೇ ಬೆಳೆಸಿದ ಮಕ್ಕಳು ನಾವು.
ಅಧಿಕಾರ ಇರಲಿ, ಇಲ್ಲದಿರಲಿ ನಿಮ್ಮ ಬಿಟ್ಟು ಹೋಗಲಿಲ್ಲ.

ಸದಾ ನಿಮ್ಮ ಜೊತೆ ಇರುವವರು ನಾವು. ಖಾಲಿ ಚೊಂಬು ತುಂಬಿಸಿ ಅಂತಾ ಕೇಂದ್ರದ ಮುಂದೆ ಅರ್ಜಿ ಹಾಕಿಕೊಂಡು ನಿಂತಿದ್ದಾರೆ.
ಮಹಿಳೆಯರಿಗೆ ಒಂದು ಲಕ್ಷ ಕೊಡ್ತೀವಿ ಅಂತಾರೆ. ಹಣವೇ ಇಲ್ಲವಲ್ಲ, ಎಲ್ಲಿಂದ ತರ್ತಾರೆ.
ಕೇಂದ್ರದಲ್ಲಿ ಯಾವ ಕಾರಣಕ್ಕೂ ಕಾಂಗ್ರೆಸ್‌ ಅಧಿಕಾರಕ್ಕೆ ಬರಲ್ಲ.
ಕಾಂಗ್ರೆಸ್‌ನ ಗ್ಯಾರಂಟಿಗಳನ್ನ ನಂಬಬೇಡಿ.

ನಿಮ್ಮ ಮನೆಯ ಮಕ್ಕಳು, ಯಜಮಾನರೇ ನಿಮ್ಮ ಶಾಶ್ವತ ಗ್ಯಾರಂಟಿ. ಮೇಕೆದಾಟು, ಕಾವೇರಿ ವಿಚಾರವಾಗಿ ಈಗಾಗಲೇ ದೇವೇಗೌಡರು ಮೋದಿ ಜೊತೆ ಮಾತಾಡಿದ್ದಾರೆ. ಇದಕ್ಕೆ ಐದು ವರ್ಷದೊಳಗೆ ಶಾಶ್ವತ ಪರಿಹಾರ ದೇವೇಗೌಡರು ಕೊಡಿಸ್ತಾರೆ.
ಕುಮಾರಸ್ವಾಮಿಯ ಹೊರಗಿನವರು, ಈ ಕಾಂಗ್ರೆಸ್‌ ಅಭ್ಯರ್ಥಿ ಒಳಗಿನವರಂತೆ. ಈ ಕಾಂಗ್ರೆಸ್‌ ಅಭ್ಯರ್ಥಿ ಎಲ್ಲಿದ್ದ ರೈತರು ಅತ್ಮಹತ್ಯೆ ಮಾಡಿಕೊಂಡಾಗ.
ಎಷ್ಟು ದಿನ ಮಂಡ್ಯಕ್ಕೆ ಬಂದು ಹೋಗಿದ್ದಾರೆ. ನಿತ್ಯವೂ ಹಣದ ಸಮಾರಾಧನೆ ನಡೀತ್ತಿದೆ.
ನಾವು ನಮ್ಮ ಮನೆಗೆ ಶ್ರೀಮಂತರನ್ನ ಎಂದೂ ಬಿಟ್ಟುಕೊಂಡಿಲ್ಲ.
ಬೆಳಿಗ್ಗೆ ಆದ ತಕ್ಷಣ ನಾನು ಮುಖ ನೋಡೋದು ಬಡವರನ್ನ.
ಹಣದ ಮದದಿಂದ ಈ ಕುಮಾರಸ್ವಾಮಿ ಮುಗಿಸಲು ಪ್ರಯತ್ನ ಮಾಡ್ತಿದ್ದಾರೆ. ಈ ಮಂಡ್ಯ ಜನ ಹಣಕ್ಕೆ ಯಾವತ್ತೂ ಬೆಲೆ ಕೊಟ್ಟಿಲ್ಲ. ನನ್ನ ಆಸ್ತಿ ರೈತರು ಮತ್ತು ನೀವು. ನಾನು ಹೆಸರಿಗೆ ಮಾತ್ರ ಅಭ್ಯರ್ಥಿ. ಇವತ್ತು ಪುಟ್ಟರಾಜಣ್ಣನ ನೇತೃತ್ವದಲ್ಲೇ ಈ ಚುನಾವಣೆ ನಡೆಯಲಿದೆ. ನನ್ನ ಸೋಲು ಗೆಲುವು ಈ ಜಿಲ್ಲೆಯ ಪುಣ್ಯಾತ್ಮ ತಂದೆ ತಾಯಿಯಂದಿರ ಕೈಲಿದೆ. ಸಿದ್ದರಾಮಯ್ಯ, ಶಿವಕುಮಾರ್ ನಂತಹ ಹತ್ತು ಜನ ಬಂದ್ರು ಅದು ಸಾಧ್ಯವಿಲ್ಲ. ನನಗೆ ಮೂರನೇ ಬಾರಿ ಶಸ್ತ್ರ ಚಿಕಿತ್ಸೆ ಆಗಿದೆ. ನಾನು ಇವತ್ತು ಉಳಿದಿರೋದು ನಿಮ್ಮೆಲ್ಲರ ಹಾರೈಕೆಯಿಂದ. ನನ್ನ ಶಸ್ತ್ರ ಚಿಕಿತ್ಸೆ ಬಗ್ಗೆ ಹಳೇ ಸ್ನೇಹಿತ ಮಾತಾಡ್ತಾನೆ.
25 ಲಕ್ಷ ವೆಚ್ಚ ಮಾಡಿ, ಹೊಸ ಟೆಕ್ನಾಲಜಿಯಡಿ ಶಸ್ತ್ರ ಚಿಕಿತ್ಸೆ ಮಾಡಿಸಿದ್ದೇನೆ.

ನನ್ನ ಸ್ವಾರ್ಥ, ಗೆಲುವಿಗಾಗಿ ಬಿಜೆಪಿ ಜೊತೆ ಮೈತ್ರಿ ಮಾಡಿಕೊಳ್ಳಲಿಲ್ಲ.
ಸ್ವತಂತ್ರವಾಗಿ ಜೆಡಿಎಸ್‌ನ ಅಧಿಕಾರಕ್ಕೆ ತರಲು ಪ್ರಯತ್ನ ಮಾಡಿದೆ. ದೇವೇಗೌಡರ ಬಗ್ಗೆ ಮೋದಿಗೆ ಗೌರವ ಇದೆ.
ಅಂತಹ ಗೌರವ ಕೊಡುವ ವ್ಯಕ್ತಿಯ ಕೈಬಲಪಡಿಸಲು ಮೈತ್ರಿ.
ಕಾಂಗ್ರೆಸ್‌ನವರನ್ನ ನಂಬಿದಕ್ಕೆ ನನ್ನನ್ನ ಹೆಂಗೆ ನಡೆಸಿಕೊಂಡರು.
ನನಗಲ್ಲ ಅವರು ಮಾಡಿದ ಅವಮಾನ, ಇಡೀ ನಾಡಿನ ಜನರಿಗೆ ಮಾಡಿದ ಅವಮಾನ. ಇಂತಹ ಸಭೆ ಆಯೋಜಿಸಿದ ಪುಟ್ಟಣ್ಣಂಗೆ ಹ್ಯಾಟ್ಸ್ ಆಫ್ ಹೇಳ್ತೀನಿ. ನಿಮ್ಮ ಬದುಕನ್ನ ಒಳ್ಳೆಯ ರೀತಿ ತೆಗೆದುಕೊಂಡು ಹೋಗಲಿಕ್ಕೆ ಇಲ್ಲಿಂದಲೇ ಒಂದು ಸಂದೇಶ ಕೊಡಿ. ನಿಮ್ಮ ದುಡಿಮೆ, ಶ್ರಮದಿಂದ 5 ಲಕ್ಷಕ್ಕೂ ಹೆಚ್ಚು ಮತಗಳಿಂದ ಆಶೀರ್ವಾದ ಮಾಡಿ.
ಮಲ್ಲಿಕಾರ್ಜುನ್ ಖರ್ಗೆ, ರಾಹುಲ್ ಗಾಂಧಿ ಫೋಟೋ ನೋಡಿ ಯಾರೂ ಓಟ್ ಮಾಡಬೇಡಿ ದಯವಿಟ್ಟು.
ನಾವು, ದೇವೇಗೌಡರು ಮುಸ್ಲಿಮರ ಬಗ್ಗೆ ಗೌರವ ಇಟ್ಟುಕೊಂಡಿದ್ದೇವೆ.
ಮುಸ್ಲಿಮರನ್ನ ನಾವು ಯಾವತ್ತೂ ಅಗೌರವದಿಂದ ನೋಡಲ್ಲ, ನಡೆಸಿಕೊಳ್ಳಲ್ಲ ಎಂದರು.

ಮಾಜಿ ಶಾಸಕ ಸಿಎಸ್ ಪುಟ್ಟರಾಜು ಸೇರಿದಂತೆ ಶಾಸಕ ಮಂಜು, ಜಿಲ್ಲೆಯ ಮಾಜಿ ಶಾಸಕರು, ಜೆಡಿಎಸ್ ಹಾಗೂ ಬಿಜೆಪಿ ಮುಖಂಡರುಗಳು ಉಪಸ್ಥಿತರಿದ್ದರು.