ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ ಲಿಮಿಟೆಡ್ (BESCOM) 2025-26ನೇ ಸಾಲಿನ ಅಪ್ರೆಂಟಿಸ್‌ಶಿಪ್ (Apprenticeship Training) ನೇಮಕಾತಿ ಪ್ರಕಟಿಸಿದ್ದು, ಒಟ್ಟು 520 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಆಯ್ಕೆಯಾದ ಅಭ್ಯರ್ಥಿಗಳು ಒಂದು ವರ್ಷ ಪೂರ್ಣ ಉದ್ಯೋಗ-ತರಬೇತಿ ಪಡೆಯುತ್ತಾರೆ.

ಅರ್ಹತಾ ಮಾನದಂಡಗಳು:
1. ತಾಂತ್ರಿಕ ಪದವೀಧರರು (Technical Graduates):
Electrical & Electronics Engineering (BE/B.Tech – EEE) ಪದವಿ ಹೊಂದಿರಬೇಕು.
2. ಸಾಮಾನ್ಯ ಪದವೀಧರರು (Non-Technical Graduates):
BA, B.Sc, B.Com, BBA, BCA, BBM ಹಾಗೂ ಇತರ BE/B.Tech (E&E ಹೊರತುಪಡಿಸಿ) ಗಳನ್ನು ಪಾಸಾಗಿರಬೇಕು.
3. ಡಿಪ್ಲೊಮಾ ಅಭ್ಯರ್ಥಿಗಳು:
ಎಂಜಿನಿಯರಿಂಗ್‌ನ ಎಲ್ಲಾ ಬ್ರಾಂಚುಗಳಲ್ಲಿ ಡಿಪ್ಲೊಮಾ ಪೂರ್ಣಗೊಳಿಸಿದವರು ಅರ್ಜಿ ಹಾಕಬಹುದು.
2021 ರ ನಂತರ ಪಾಸಾದರೆ ಮಾತ್ರ ಅರ್ಜಿ ಸಲ್ಲಿಸಲು ಅರ್ಹ.

ಹುದ್ದೆಗಳ ವಿಭಾಗ ಮತ್ತು ಸಂಖ್ಯೆ:
ವಿಭಾಗ ಹುದ್ದೆಗಳ ಸಂಖ್ಯೆ
ತಾಂತ್ರಿಕ ಪದವೀಧರರು 130
ಸಾಮಾನ್ಯ ಪದವೀಧರರು 315
ಡಿಪ್ಲೊಮಾ 75
ಒಟ್ಟು ಹುದ್ದೆಗಳು 520

ಆಯ್ಕೆ ಪ್ರಕ್ರಿಯೆ:
ಆಯ್ಕೆ Merit Based ಆಗಿದ್ದು, ಅಭ್ಯರ್ಥಿಗಳ ಆಸಕ್ತಿಯ ವಿದ್ಯಾರ್ಹತಾ ಅಂಕಗಳನ್ನು ಪರಿಗಣಿಸಿ ಪಟ್ಟಿಯನ್ನು ತಯಾರಿಸಲಾಗುತ್ತದೆ.
ಯಾವುದೇ ಲಿಖಿತ ಪರೀಕ್ಷೆ ಅಥವಾ ಸಂದರ್ಶನ ಇರುವುದಿಲ್ಲ.
ಆಯ್ಕೆಯಾದ ಅಭ್ಯರ್ಥಿಗಳು ದಾಖಲೆ ಪರಿಶೀಲನೆಗಾಗಿ BESCOM-ನ ಬೆಂಗಳೂರು ಪ್ರಧಾನ ಕಚೇರಿಗೆ ಹಾಜರಾಗಬೇಕು.

ಅಭ್ಯರ್ಥಿ ಅರ್ಜಿ ಸಲ್ಲಿಕೆ ಹೇಗೆ?
ಮೊದಲು NATS (National Apprenticeship Training Scheme) ಪೋರ್ಟಲ್‌ಗೆ Student Registration ಮಾಡಿಕೊಳ್ಳಿ.
ಲಾಗಿನ್ ಆಗಿ BESCOM-ನ Apprenticeship ಅಧಿಸೂಚನೆಯನ್ನು ಆಯ್ದು ಅರ್ಜಿ ಭರ್ತಿಸಿರಿ.
ಅಗತ್ಯ ದಾಖಲೆಗಳು ಮತ್ತು ವಿವರಗಳನ್ನು ಅಪ್‌ಲೋಡ್ ಮಾಡಿ ಅರ್ಜಿ ಸಲ್ಲಿಸಿ.

ಸ್ಟೈಪೆಂಡ್ ವಿವರ:ಮಾಸಿಕ ಸ್ಟೈಪೆಂಡ್
ತಾಂತ್ರಿಕ/ಸಾಮಾನ್ಯ ಪದವೀಧರರು : ₹9,008
ಡಿಪ್ಲೊಮಾ : ₹8,000
ಪ್ರಮುಖ ದಿನಾಂಕಗಳು
* ಅರ್ಜಿ ಪ್ರಾರಂಭ: 12-02-2026
* ಕೊನೆಯ ದಿನಾಂಕ: 02-03-2026

BESCOM‌ನಲ್ಲಿ ಅರ್ಹ ಅಭ್ಯರ್ಥಿಗಳಿಗೆ ಸರ್ಕಾರಿ ಕ್ಷೇತ್ರದಲ್ಲಿ ಪೂರಕ ತರಬೇತಿಯನ್ನು ಪಡೆಯುವ ಮತ್ತು ಉದ್ಯೋಗದ ಅನುಭವ ಗಳಿಸುವ ಅಮೂಲ್ಯ ಅವಕಾಶ ಇದೆ. ಆಸಕ್ತರು ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕು

ಪೊಲೀಸ್ ಸಬ್‌ಇನ್‌ಸ್ಪೆಕ್ಟರ್ (PSI) ಹುದ್ದೆ ಎಂದರೆ ಅನೇಕ ಯುವಕರ ಕನಸಿನ ಉದ್ಯೋಗವಾಗಿದ್ದು, ಸಮಾಜದಲ್ಲಿ ಗೌರವ, ಭದ್ರವಾದ ಸರ್ಕಾರಿ ಸೇವೆ ಮತ್ತು ದೇಶಸೇವೆಯ ಅವಕಾಶ ನೀಡುವ ಈ ಹುದ್ದೆಯನ್ನು ಪಡೆಯಲು ಸಾಕಷ್ಟು ಶ್ರಮ ಹಾಗೂ ಉತ್ತಮ ತರಬೇತಿ ಅಗತ್ಯ. ಆದರೆ ಆರ್ಥಿಕ ಸಮಸ್ಯೆಗಳಿಂದಾಗಿ ದುಬಾರಿ ಕೋಚಿಂಗ್ ಪಡೆಯಲು ಸಾಧ್ಯವಾಗದ ಅಭ್ಯರ್ಥಿಗಳಿಗೆ ಇದೀಗ ಕರ್ನಾಟಕ ಸರ್ಕಾರ ಒಂದು ಅದ್ಭುತ ಅವಕಾಶವನ್ನು ಕಲ್ಪಿಸಿದೆ.

ಯೋಜನೆಯ ಬಗ್ಗೆ ಮಾಹಿತಿ:
•ಈ ಯೋಜನೆಯಲ್ಲಿ ಕರ್ನಾಟಕ ಸರ್ಕಾರದ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ವತಿಯಿಂದ C-1, 2A, 3A ಮತ್ತು 3B ಪ್ರವರ್ಗದ ಅರ್ಹ ಅಭ್ಯರ್ಥಿಗಳಿಗೆ PSI ಪರೀಕ್ಷೆಗೆ ಸಂಪೂರ್ಣ ಉಚಿತ ಕೋಚಿಂಗ್.
* ಈ ಯೋಜನೆಯಡಿ ಅಭ್ಯರ್ಥಿಗಳಿಗೆ 75 ದಿನಗಳ ಕಾಲ ಪ್ರತಿಷ್ಠಿತ ತರಬೇತಿ ಸಂಸ್ಥೆಗಳಲ್ಲಿ ತರಬೇತಿ ನೀಡಲಾಗುತ್ತದೆ.
•ಈ ಕೋಚಿಂಗ್‌ನಲ್ಲಿ ತರಬೇತಿಯ ಜೊತೆಗೆ ಉಚಿತ ಊಟ ಮತ್ತು ವಸತಿ ಸೌಲಭ್ಯ ಕೂಡ ಒದಗಿಸಲಾಗುತ್ತದೆ.

ಇದರಿಂದ ಅಭ್ಯರ್ಥಿಗಳು ಯಾವುದೇ ಆರ್ಥಿಕ ಒತ್ತಡವಿಲ್ಲದೆ ಸಂಪೂರ್ಣವಾಗಿ ತಮ್ಮ ಅಧ್ಯಯನದ ಮೇಲೆ ಗಮನ ಕೇಂದ್ರೀಕರಿಸಬಹುದು. ಸರ್ಕಾರವೇ ಸಂಪೂರ್ಣ ವೆಚ್ಚವನ್ನು ಭರಿಸುವುದು ಈ ಯೋಜನೆಯ ವಿಶೇಷತೆ.

ಆಯ್ಕೆ ಪ್ರಕ್ರಿಯೆ:
ಈ ಯೋಜನೆಗೆ ಆಯ್ಕೆ ಪ್ರಕ್ರಿಯೆ ತುಂಬಾ ಸರಳವಾಗಿದೆ. ಯಾವುದೇ ಲಿಖಿತ ಪರೀಕ್ಷೆ ಇಲ್ಲದೆ, ಅಭ್ಯರ್ಥಿಗಳು ತಮ್ಮ ಪದವಿ ಅಂಕಗಳ ಮೆರಿಟ್ ಆಧಾರದಲ್ಲಿ ನೇರವಾಗಿ ಆಯ್ಕೆಯಾಗುತ್ತಾರೆ. ಇದರಿಂದ ಅರ್ಹ ಅಭ್ಯರ್ಥಿಗಳಿಗೆ ಸುಲಭವಾಗಿ ಅವಕಾಶ ದೊರೆಯುತ್ತದೆ.

ಅರ್ಜಿ ಸಲ್ಲಿಸುವ ವಿಧಾನ:
ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ಕೆಳಗಿನ ಲಿಂಕ್ ಮೂಲಕ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು:
http://164.100.133.164:81/PSI_2526/App_form.aspx�
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 13-02-2026.

ಆರ್ಥಿಕ ಅಡಚಣೆಗಳಿಂದಾಗಿ PSI ಕನಸನ್ನು ಕೈಬಿಟ್ಟವರಿಗಾಗಿ ಈ ಉಚಿತ ಕೋಚಿಂಗ್ ಯೋಜನೆ ವರದಾನವಾಗಿದೆ. ಸರ್ಕಾರದ ಈ ಸೌಲಭ್ಯವನ್ನು ಸದುಪಯೋಗಪಡಿಸಿಕೊಂಡು, ನಿಮ್ಮ PSI ಕನಸನ್ನು ಸಾಕಾರಗೊಳಿಸಿಕೊಳ್ಳಿ.

ಬೆಂಗಳೂರು:  ಲೈಂಗಿಕ ದೌರ್ಜನ್ಯ ಕೇಸ್‌ಗೆ ಸಂಬಂಧಿಸಿದಂತೆ ಹಾಸ್ಯ ನಟರಾದ ಸಾಧುಕೋಕಿಲ ಹಾಗೂ  ಮಂಡ್ಯ ರಮೇಶ್ ವಿರುದ್ದ ದಾಖಲಾಗಿದ್ದ ಪ್ರಕರಣವನ್ನು  ಹೈಕೋರ್ಟ್ ರದ್ದುಗೊಳಿಸಿದ್ದು, ಇವರಿಬ್ಬರಿಗೂ ಇದೀಗ ಬಿಗ್ ರಿಲೀಫ್ ಸಿಕ್ಕಿದೆ.

ಈ ಅರ್ಜಿ ವಿಚಾರಣೆಯನ್ನು ಇಂದು ನಡೆಸಿದ ಹೈಕೋರ್ಟ್ ನ್ಯಾಯಮೂರ್ತಿ ಎಂ.ಜಿ. ಉಮಾ ಅವರಿದ್ದ ಪೀಠವೂ ಪ್ರಕರಣವನ್ನು ರದ್ದುಗೊಳಿಸಲಾಗಿದೆ ಎಂದು ಆದೇಶ ನೀಡಿದೆ.

ಮಂಡ್ಯ ರಮೇಶ್ ಮತ್ತು  ಸಾಧುಕೋಕಿಲ ಅವರ  ವಿರುದ್ದ ಮಸಾಜ್ ಮಾಡಿಸಿಕೊಳ್ಳುವಾಗ ಲೈಂಗಿಕ ದೌರ್ಜನ್ಯವೆಸಗಿದ್ದ ಆರೋಪ ಕೇಳಿ ಬಂದಿತ್ತು. ಮೈಸೂರಿನ ಬ್ಯೂಟಿ ಪಾರ್ಲರ್ ಮಹಿಳೆಯೊಬ್ಬರು ಹೀಗೆ ಆರೋಪ ಮಾಡಿದ್ದರು.

ಈ ಪ್ರಕರಣ ಸಂಬಂಧ ಮೈಸೂರಿನ ಸರಸ್ವತಿಪುರಂ ಠಾಣಾ ಪೊಲೀಸರು ತನಿಖೆ ನಡೆಸಿ ಆರೋಪಪಟ್ಟಿ ಸಲ್ಲಿಸಿದ್ದರು.  ಆರೋಪಪಟ್ಟಿ ರದ್ದುಗೊಳಿಸುವಂತೆ ಕೋರಿ ಸಾಧು ಕೋಕಿಲ ಹಾಗೂ ಮಂಡ್ಯರಮೇಶ್ ಅರ್ಜಿ ಸಲ್ಲಿಸಿದ್ದರು.

ಇನ್ನೂ ಎಫ್ ಐಆರ್ ನಲ್ಲಿ ಹೆಸರಿಲ್ಲ, ಆರೋಪಕ್ಕೆ ಸಾಕ್ಷ್ಯಗಳಿಲ್ಲವೆಂದು ಅರ್ಜಿದಾರರ ಪರ ವಕೀಲ ಹೆಚ್. ಎಸ್. ಚಂದ್ರಮೌಳಿ ವಾದ ಮಂಡಿಸಿದ್ದರು.  ಸಾಕ್ಷಾಧಾರದ ಕೊರತೆ ಹಿನ್ನೆಲೆಯಲ್ಲಿ ಹೈಕೋರ್ಟ್ ಈ  ಪ್ರಕರಣವನ್ನು ರದ್ದು ಮಾಡಿದೆ.