Connect with us

Kodagu

ಅಕ್ರಮ ವನ್ಯಮೃಗ ಬೇಟೆ ಇರ್ವರ ಬಂಧನ – ಮೂವರು ಪಾರಾರಿ

Published

on

ಮಾಂಸ, ಕೋವಿ, ವಾಹನ ವಶಕ್ಕೆ : ವಿರಾಜಪೇಟೆ ಅರಣ್ಯ ಸಂಚಾರಿ ದಳದ ಕಾರ್ಯಚರಣೆ

=================

ವಿರಾಜಪೇಟೆ : ಅಕ್ರಮವಾಗಿ ಅರಣ್ಯ ಪ್ರವೇಶ ಮಾಡಿ, ವನೃಮೃಗಗಳನ್ನು ಬೇಟೆಯಾಡಿ ಮಾಂಸ ಮಾರಾಟಕ್ಕೆ ಯತ್ನಿಸುತಿದ್ದ ಇರ್ವರನ್ನು ಮಾಲು ಸಮೇತ ಬಂಧಿಸಿದ ಘಟನೆ ವಿರಾಜಪೇಟೆ ನಗರ ಹೊರ ವಲಯ ಬಿಟ್ಟಂಗಾಲ ಗ್ರಾಮದಲ್ಲಿ ನಡೆದಿದೆ.

ವಿರಾಜಪೇಟೆ ತಾಲೂಕು ಬೇಟೋಳಿ ಗ್ರಾಮದ ನಿವಾಸಿ ಬೇಕರಿ ಮಾಲೀಕ ಎಂ.ಎA ಅಜೀಜ್ ಅಲಿಯಾಸ್ ಆಜಿ (45), ವಿರಾಜಪೇಟೆ ನಗರದ ನೆಹರುನಗರದ ನಿವಾಸಿ ಆಟೋ ಚಾಲಕ ಹುಸೈನ್ ಸಿ.ಎ. ಅಲಿಯಾಸ್ ಜಂಶೀರ್ (32) ಬಂಧಿತ ಆರೋಪಿಗಳು. ಚಾಮಿಯಾಲ ಮೈತಾಡಿ ಗ್ರಾಮದ ನಿವಾಸಿ ಆಜೀಜ್ ಅಲಿಯಾಸ್ ಆಜ್ಜು, ಬೇಟೋಳಿ ಗುಂಡಿಗೆರೆ ಗ್ರಾಮದ ನಿವಾಸಿ ಆಶ್ರಫ್ ಆಲಿಯಾಸ್ ಆಚ್ಚು ಮತ್ತು ಶಿಯಾಬ್ ಪ್ರಕರಣದಲ್ಲಿ ಭಾಗಿಗಳು ಎನ್ನಲಾಗಿದ್ದು, ಇವರುಗಳು ಪಾರಾರಿಯಾಗಿದ್ದಾರೆ.

ಘಟನೆಯ ವಿವರ: ಆರೋಪಿಗಳು ಸಂಚು ರೂಪಿಸಿ ಹೆಗ್ಗಳ ಗ್ರಾಮ ಅರಣ್ಯ ಪ್ರದೇಶಕ್ಕೆ ತೆರಳಿದ್ದಾರೆ. ಬೇಟೆಯ ಸಂಧರ್ಭದಲ್ಲಿ ಎರಡು ಜಿಂಕೆಗಳನ್ನು ಗುಂಡಿಕ್ಕಿ ಕೊಂದು ಮಾಂಸವನ್ನಾಗಿಸಿ ಹಂಚಿಕೊAಡು ಉಳಿದ ಮಾಂಸವನ್ನು ಮಾರಾಟ ಮಾಡುವ ಯುತ್ನದಲ್ಲಿರುತ್ತಾರೆ. ಈ ವೇಳೆಯಲ್ಲಿ ಬೇಟೆಯಿಂದ ಪಡೆದ ಮಾಂಸವನ್ನು ಆರೋಪಿಗಳು ಕೃತ್ಯಕ್ಕೆ ಬಳಸಿದ್ದ ಇನ್ನೋವ ಕಾರಿನಲ್ಲಿ ಪೆರುಂಬಾಡಿ ಗ್ರಾಮದ ಮೂಲಕ ಬಿಟ್ಟಂಗಾಲ ಮಾರ್ಗವಾಗಿ ಬರುವುದಾಗಿ ವಿರಾಜಪೇಟೆ ಅರಣ್ಯ ಸಂಚಾರಿ ದಳದ ಸಿಬ್ಬಂದಿಗಳಿಗೆ ಮಾಹಿತಿ ಲಭಿಸುತ್ತದೆ. ಮಾಹಿತಿ ಅನ್ವಯ ಸಂಚಾರಿ ದಳದ ಸಿಬ್ಬಂದಿಗಳು ಎಲ್ಲಾ ವಾಹನಗಳನ್ನು ತಪಾಸಣೆ ಒಳಪಡಿಸಿದ್ದಾರೆ. ಈ ಸಂಧರ್ಭದಲ್ಲಿ ಮಾಹಿತಿಯಲ್ಲಿ ಉಲ್ಲೇಖಿಸಲಾದ ವಾಹನ ಆಕಸ್ಮಿಕವಾಗಿ ಬರುತ್ತದೆ. ಆರೋಪಿಗಳಿಗೆ ಸಂದೇಹ ಬಾರದಂತೆ ಎಲ್ಲಾ ವಾಹನಗಳನ್ನು ತಪಾಸಣೆ ಮಾಡುವ ನೆಪದಲ್ಲಿ ಆರೋಪಿಗಳ ವಾಹನವನ್ನು ತಪಾಸಣೆಗೆ ಒಳಪಡಿಸುತ್ತಾರೆ. ವಾಹನದ ಹಿಂಬದಿಯಲ್ಲಿ ಚೀಲದಲ್ಲಿರಿಸಲಾದ ಜಿಂಕೆಯ ಎರಡು ತಲೆ, ಸೇರಿದಂತೆ ಸುಮಾರು 44 ಕೆ.ಜಿ ಹಸಿ ಮಾಂಸ ಪತ್ತೆಯಾಗುತ್ತದೆ. ಬೇಟೆಯಾಡಿದ ಮಾಂಸದೊAದಿಗೆ ಒಂದು ಒಂಟಿ ನಳಿಕೆಯ ಕೋವಿ, ಎರಡು ಕಬ್ಬಿಣದ ಕತ್ತಿ, ಮೂರು ಚೂರಿಗಳು ಪತ್ತೆಯಾಗಿದೆ.
ಅರೋಪಿಗಳನ್ನು ವಶಕ್ಕೆ ಪಡೆದಿರುವ ವಸ್ತುಗಳೊಂದಿಗೆ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಮುಂದಿನ ಕಾನೂನು ಕ್ರಮ ಕೈಗೊಂಡಿದ್ದಾರೆ.

Continue Reading
Click to comment

Leave a Reply

Your email address will not be published. Required fields are marked *

Kodagu

ಕೋಟೆ ಬೆಟ್ಟ ಗಲಾಟೆ ಪ್ರಕರಣ – ಮಾದಾಪುರ ಹೆದ್ದಾರಿ ತಡೆದು ಪ್ರತಿಭಟನೆ ಎಚ್ಚರಿಕೆ

Published

on

ಮಡಿಕೇರಿ : ಗರ್ವಾಲೆ ವ್ಯಾಪ್ತಿಯ ಕೋಟೆಬೆಟ್ಟ ತಪ್ಪಲಿನಲ್ಲಿ ನಡೆದ ಪ್ರವಾಸಿಗರು ಮತ್ತು ಸ್ಥಳೀಯರ ನಡುವಿನ ಕ್ಷುಲ್ಲಕ ಗಲಾಟೆಗೆ, ರಾಜಕೀಯ ಮತ್ತು ಕೋಮು ಬಣ್ಣ ಬಳಿದಿದಲ್ಲದೆ, ಸ್ಥಳೀಯರ ವಿರುದ್ಧ ಮಹಿಳಾ ದೌರ್ಜನ್ಯ ಪ್ರಕರಣ ದಾಖಲಿಸಿರುವುದನ್ನು ಗರ್ವಾಲೆ ಕೊಡವ ಸಮಾಜದ ಅಧ್ಯಕ್ಷ ಸರ್ಕಂಡ ಗಣಪತಿ ಮತ್ತು ಪದಾಧಿಕಾರಿಗಳು ಖಂಡಿಸಿದ್ದಾರೆ.

ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಪ್ರಕರಣವನ್ನಿಟ್ಟುಕೊಂಡು ಪದೇ ಪದೇ ಸ್ಥಳೀಯರ ಮನೆಗೆ ಬಂದು, ಯುವಕರ ಪೋಷಕರಿಗೆ ಪೊಲೀಸರು ಒತ್ತಡ ಹಾಕುತ್ತಿದ್ದು, ಒಬ್ಬ ಆರೋಪಿತ ಯುವಕನ ಸಹೋದರ ಈ ಯಾವುದೇ ಕಾರ್ಯದಲ್ಲಿ ಭಾಗಿ ಅಲ್ಲದಿದ್ದರೂ ಆತನನ್ನು ಠಾಣೆಗೆ ಕರೆದೊಯ್ದು, ಮತ್ತೆ ಬಿಡುಗಡೆ ಮಾಡಿದ್ದು, ಇದು, ಗಾಯದ ಮೇಲೆ ಬರೆ ಎನ್ನುವಂತೆ ಪೊಲೀಸರು ಮಾಡುತ್ತಿದ್ದಾರೆ. ಪೊಲೀಸರ ಈ ನಡೆಯನ್ನು ಗರ್ವಾಲೆ ಕೊಡವ ಸಮಾಜ ತೀವ್ರವಾಗಿ ಖಂಡಿಸುತ್ತದೆ.

ಎತ್ತಿಗೆ ಜ್ವರ ಬಂದರೆ ಎಮ್ಮೆಗೆ ಬರೆ ಎನ್ನುವಂತೆ ಘಟನೆಯ ಅರಿವೇ ಇಲ್ಲದ ಯುವಕರ ಮನೆಗೆ ಪೊಲೀಸರು ತೆರಳಿ, ವೃದ್ದರು, ಮಹಿಳೆಯರಿಗೆ ಬೆದರಿಸುತ್ತಿರುವ ಕ್ರಮ ಸರಿಯಲ್ಲ. ನಿನ್ನೆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ ವೀಡಿಯೋ ಒಂದರಲ್ಲಿ ವ್ಯಕ್ತಿಯೊಬ್ಬ ಸ್ಥಳೀಯ ಯುವಕರಿಗೆ ಧಮಖಿ ಹಾಕುತಿದ್ದು, ಈತನೇ ಪ್ರವಾಸಿಗರಿಗೆ ಕುಮ್ಮಕ್ಕು ನೀಡಿ, ಗಲಾಟೆಗೆ ಕಾರಣ ಕರ್ತನಾ ಎಂಬ ಸಂಶಯ ಬರುತ್ತಿದೆ. ಪೋಲೀಸರು ಆ ವ್ಯಕ್ತಿಯನ್ನು ಪತ್ತೆಹಚ್ಚಿ ಮೊದಲು ಪ್ರಕರಣ ದಾಖಲಿಸಬೇಕಿದೆ. ಎಲ್ಲಿಂದಲೋ ಬರುವ ಪ್ರವಾಸಿಗರು ಇಲ್ಲಿನ ಪ್ರಕೃತಿ ಸೌಂದರ್ಯವನ್ನು ಸವಿದು ತೆರಳಬೇಕೇ ಹೊರತು ಸ್ಥಳೀಯರ ಮೇಲೆ ದಬ್ಬಾಳಿಕೆ ಮಾಡುವುದನ್ನು ನಾವು ಸಹಿಸುವುದಿಲ್ಲ ಎಂದು ಹೇಳಿದ್ದಾರೆ.

ಪೋಲೀಸರು ಯಾರದೋ ಒತ್ತಡಕ್ಕೆ ಮಣಿದು ಸ್ಥಳೀಯರು ಅದರಲ್ಲೂ ಅಮಾಯಕ ಕುಟುಂಬಸ್ಥರ ಮೇಲೆ ಬೆದರಿಕೆಯಂತ ಕೃತ್ಯಕ್ಕೆ ಮುಂದಾದರೆ, ಇಲ್ಲಿಯ ಮೂಲನಿವಾಸಿಗಳು ಸುಮ್ಮನೆ ಕೂರುವುದಿಲ್ಲ ಎನ್ನುವ ಅರಿವಿರಬೇಕು. ಮಾನ್ಯ ಪೊಲೀಸ್ ವರಿಷ್ಠಾಧಿಕಾರಿಗಳು ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ಸ್ಥಳೀಯರಿಗೆ ಆತ್ಮವಿಶ್ವಾಸ ತುಂಬಿಸುವ ಕೆಲಸ ಮಾಡಬೇಕು. ಮುಂದೆ ಇಂತ ಪ್ರಕರಣಗಳು ಕೊಡಗಿನಲ್ಲಿ ನಡೆಯದಂತೆ ಕ್ರಮ ವಹಿಸಬೇಕು ಎಂದು ಆಗ್ರಹಿಸಿದಲ್ಲದೆ ಕೋಟೆಬೆಟ್ಟ ನಮ್ಮ ಭಾವನಾತ್ಮಕ ಪವಿತ್ರ ದೇವತಾ ಕ್ಷೇತ್ರವಾಗಿದ್ದು ಇದನ್ನು ಕೂಡಲೇ ಪ್ರವಾಸಿಗರಿಂದ ಮುಕ್ತಮಾಡುವ ಕಾರ್ಯವನ್ನು ಸಂಬAದಿಸಿದ ಇಲಾಖೆ ಮಾಡಬೇಕಿದೆ. ಇಂತ ಘಟನೆ ಮುಂದುವರೆಯಬಾರದು ಹಾಗೂ ಪ್ರಕರಣದಲ್ಲಿ ಸ್ಥಳೀಯರ ಮೇಲೆ ದಾಖಲಾಗಿರುವ ಪ್ರಕರಣವನ್ನ ತಕ್ಷಣ ಹಿಂಪಡೆಯಬೇಕು ಮತ್ತು ಆ ವೀಡಿಯೋದಲ್ಲಿ ಇರುವಂತೆ ಯುವಕರಿಗೆ ಧಮಕಿ ಹಾಕುತ್ತಿರುವ ವ್ಯಕ್ತಿಯ ವಿರುದ್ಧ ಬೆದರಿಕೆ ಪ್ರಕರಣ ದಾಖಲಿಸಬೇಕು ತಪ್ಪಿದಲ್ಲಿ ಮಾದಾಪುರ ಹೆದ್ದಾರಿ ಬಂದ್ ಮಾಡಿ ತೀವ್ರ ಪ್ರತಿಭಟನೆಗೆ ಕರೆ ಕೊಡುತ್ತೇವೆಂದು ಗರ್ವಾಲೆ ಕೊಡವ ಸಮಾಜ ಅಧ್ಯಕ್ಷ ಸರ್ಕಂಡ ಗಣಪತಿ ಮತ್ತು ಪದಾಧಿಕಾರಿಗಳು ಆಗ್ರಹಿಸಿದ್ದಾರೆ.

Continue Reading

Kodagu

ಪ್ರವಾಸಿಗರ ಹೆಸರಿನಲ್ಲಿ ಕೊಡಗಿನ ಮೂಲನಿವಾಸಿಗಳ ಮೇಲೆ ಅವ್ಯಾಹತ ದೌರ್ಜನ್ಯ, ಪೊಲೀಸ್ ಇಲಾಖೆ ಕ್ರಮ ಕೈಗೊಳ್ಳದಿದ್ದರೆ ಹೋರಾಟ ಅನಿವಾರ್ಯ

Published

on

ಪ್ರವಾಸಿಗರ ಹೆಸರಿನಲ್ಲಿ ಕೊಡಗಿನ ಮೂಲನಿವಾಸಿಗಳ ಮೇಲೆ ಅವ್ಯಾಹತ ದೌರ್ಜನ್ಯ, ಪೊಲೀಸ್ ಇಲಾಖೆ ಕ್ರಮ ಕೈಗೊಳ್ಳದಿದ್ದರೆ ಹೋರಾಟ ಅನಿವಾರ್ಯ

ಜಬ್ಬೂಮಿ ಸಂಘಟನೆ ಸಂಚಾಲಕ ಚೊಟ್ಟೇಕ್‌ಮಾಡ ರಾಜೀವ್ ಬೋಪಯ್ಯ ಎಚ್ಚರಿಕೆ.

ಜನಮಿತ್ರ ಮಡಿಕೇರಿ : ಕೊಡಗಿನಲ್ಲಿ ಪ್ರವಾಸಿಗರ ದೌರ್ಜನ್ಯ ಮಿತಿ ಮೀರಿದ್ದು, ಇದಕ್ಕೆ ರಾಜಕೀಯ ಮತ್ತು ಕೋಮು ಬಣ್ಣದ ಜೊತೆಗೆ ನಕಲಿ ಮಹಿಳಾ ದೌರ್ಜ್ಯನ್ಯವನ್ನೂ ಸೇರಿಸಿ ಸ್ಥಳೀಯ ಮೂಲ ನಿವಾಸಿಗಳ ಆತ್ಮ ಸ್ಥೈರ್ಯ ಕುಗ್ಗಿಸುವ ಕಾರ್ಯ ನಡೆಯುತ್ತಿದೆ. ಸಂಬAಧಪಟ್ಟ ಇಲಾಖೆಗಳು ಸೂಕ್ತ ಕ್ರಮ ಕೈಗೊಳ್ಳದಿದ್ದರೆ, ಕೊಡಗು ಮತ್ತು ಮೂಲ ನಿವಾಸಿಗಳ ಉಳಿವಿಗಾಗಿ ಹೋರಾಟ ಅನಿವಾರ್ಯ ಎಂದು ಜಬ್ಬೂಮಿ ಸಂಘಟನೆ ಸಂಚಾಲಕ ಚೊಟ್ಟೇಕ್‌ಮಾಡ ರಾಜೀವ್ ಬೋಪಯ್ಯ ಎಚ್ಚರಿಸಿದ್ದಾರೆ.

ಕೊಡಗಿನ ಮಾದಾಪುರ ಸಮೀಪದ, ಕೋಟೆ ಬೆಟ್ಟ ತಪ್ಪಲಿನಲ್ಲಿ ನಡೆದ ಘಟನೆಯಲ್ಲಿಯೂ ಸ್ಥಳೀಯರ ವಿರುದ್ಧ ದೌರ್ಜನ್ಯ ಎದ್ದುಕಾಣುತಿದ್ದು, ಕ್ಷುಲ್ಲಕ ವಿಚಾರಕ್ಕೆ ನಡೆದ ಗಲಾಟೆಗೆ ಮೊದಲಿಗೆ ರಾಜಕೀಯ ಬಣ್ಣ ಬಳಿಯಲು ಯತ್ನಿಸಿದ್ದು, ನಂತರ ಸ್ಥಳೀಯರಿಂದ ಸರಗಳ್ಳತನ ಎಂದು ಬಿಂಬಿಸಿ, ವೀಡಿಯೋ ಮತ್ತು ಹೇಳಿಕೆಯನ್ನು ಸಾಮಾಜಿಕ ತಾಣದಲ್ಲಿ ಹರಿಯಬಿಡಲಾಯಿತು. ಸ್ಥಳೀಯರು ವಾಸ್ತವಾಂಶದ ವಿವರವನ್ನು ಸಾಮಾಜಿಕ ಜಾಲತಾಣದ ಮೂಲಕ ಹೊರಗಿಟ್ಟ ನಂತರ, ಪೊಲೀಸ್ ಇಲಾಖೆಯೆ ಸರಗಳ್ಳತನದ ಆರೋಪವನ್ನು ನಿರಾಕರಿಸಿ ಹೇಳಿಕೆಯೊಂದನ್ನು ಬಿಡುಗಡೆ ಮಾಡಿ, ವಾಹನಕ್ಕೆ ದಾರಿ ಕೊಡುವ ವಿಚಾರದಲ್ಲಿ ನಡೆದ ಘಟನೆ ಎಂದೂ ಮತ್ತು ಗಲಾಟೆಯ ಸಂದರ್ಭದಲ್ಲಿ ತಡೆಯಲು ಹೋದ ಯುವತಿಯ ಸರ ಬಿದ್ದು ಹೋಗಿದೆ ಎಂದು ಹೇಳಿದರು.

ಆದರೆ ಇದೀಗ ಪೋಲೀಸರು ಮಹೀಳಾ ದೌರ್ಜನ್ಯದ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಲ್ಲದೆ, ಇಂದು ಮುಂಜಾನೆ ಸ್ಥಳೀಯ ಯುವಕರ ಮನೆಗೆ ತೆರಳಿ, ಯುವಕರನ್ನು ಹುಡುಕಾಡಿ, ಕುಟುಂಬಸ್ಥರಿಗೆ ಮಾನಸಿಕ ಹಿಂಸೆ ಕೊಟ್ಟದಲ್ಲದೆ, ಗ್ರಾಮದಲ್ಲಿ ಭಯದ ವಾತಾವರಣ ಸೃಷ್ಟಿಸಿದ್ದಾರೆ.

 

ಈ ಪ್ರಕರಣದಲ್ಲಿ ಪೊಲೀಸ್ ಇಲಾಖೆಯೇ ಗೊಂದಲದಲ್ಲಿರುವAತೆ ಕಂಡುಬರುತಿದ್ದು, ಜಿಲ್ಲಾ ವರಿಷ್ಟಾಧಿಕಾರಿಗಳ ಹೇಳಿಕೆಯಲ್ಲಿಯೇ ಕ್ಷುಲ್ಲಕ ವಿಚಾರದ ಗಲಾಟೆ ಎಂದು ನಮೂದಾಗಿರುವಾಗ ಮತ್ತೆ ಮಹಿಳಾ ದೌರ್ಜನ್ಯದ ಪ್ರಕರಣ ಯಾವ ಕಾರಣಕ್ಕೆ ದಾಖಲಾಗಿದೆ ಎಂದು ಸ್ಪಷ್ಟ ಪಡಿಸಬೇಕಿದೆ. ಅಲ್ಲದೆ ಸಾಮಾಜಿ ಮಾದ್ಯಮದಲ್ಲಿ ಹರಿದಾಡಿದ ಇದೇ ಘಟನೆಗೆ ಸಂಬAಧಿಸಿದ ಮತ್ತೊಂದು ವೀಡಿಯೋದಲ್ಲಿ ವ್ಯಕ್ತಿಯೊಬ್ಬ ಸ್ಥಳೀಯ ಯುವಕರಿಬ್ಬರಿಗೆ ಬೆದರಿಕೆ ಹಾಕುತಿದ್ದು, ಆ ಯುವಕರಿಬ್ಬರೂ ಭಯಬೀತರಾದಂತೆ ಕಾಣುತಿದ್ದಾರೆ. ಆ ನಂತರ ಯುವಕರಿಬ್ಬರೂ ನಾಪತ್ತೆಯಾಗಿದ್ದು ಯಾರ ಸಂಪರ್ಕಕ್ಕೂ ಬಂದಿಲ್ಲ ಎಂಬ ಮಾಹಿತಿ ಇದೆ. ಹೀಗಿರುವಾಗ ಪೊಲೀಸ್ ಇಲಾಖೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ, ಆ ವೀಡಿಯೋದಲ್ಲಿ ಧಮಖಿ ಹಾಕಿದ ವ್ಯಕ್ತಿಯ ವಿರುದ್ಧ ಪ್ರಕರಣ ದಾಖಲಿಸಿ ಕ್ರಮಕೈಗೊಳ್ಳಬೇಕು.

ಕೊಡಗಿನಲ್ಲಿ ಪ್ರವಾಸಿಗರ ಹೆಸರಿನಲ್ಲಿ ಸ್ಥಳೀಯರ ಮೇಲೆ ದೌರ್ಜನ್ಯ ಪ್ರಕರಣಗಳು ಅವ್ಯಾಹತವಾಗಿ ನಡೆಯುತಿದ್ದು, ಮೋಜು ಮಸ್ತಿಯ ಹೆಸರಿನಲ್ಲಿ ಬರುವ ಪ್ರವಾಸಿಗರಿಂದ ಅನೈತಿಕ ಚಟುವಟಿಕೆಗಳು ಮತ್ತು ಕೊಡಗಿನ ಪರಿಸರಕ್ಕೆ ಮಾರಕ ಕೃತ್ಯಗಳು ಹೆಚ್ಚಾಗುತಿದ್ದು ಇದಕ್ಕೆ ನಿನ್ನೆ ನಡೆದ ಘಟನೆಯೊಂದು ನಿದರ್ಶನವಾಗಿದೆ.

ಪೊಲೀಸ್ ವರಿಷ್ಟಾಧಿಕಾರಿಗಳ ಮೇಲೆ ನಮಗೆ ವಿಶ್ವಾಸವಿದ್ದು, ಸ್ಥಳೀಯರು ಸಂಘಟಿತರಾಗಿ ಪ್ರವಾಸಿಗರಿಗೆ ಪ್ರತಿರೋದ ಒಡ್ಡಿದರೆ ಏನಾಗಬಹುದು ಎಂಬ ಕಲ್ಪನೆ ಇದೆ ಎಂದು ಭಾವಿಸುತ್ತೇವೆ. ಹಾಗಾಗಿ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ, ಯಾವುದೇ ರಾಜಕೀಯ ಒತ್ತಡಕ್ಕೆ ಮಣಿಯದೆ, ಸೂಕ್ತ ತನಿಖೆಯೋಂದಿಗೆ ಕೊಡಗಿನ ಸ್ಥಳೀಯ ಮೂಲ ನಿವಾಸಿಗಳ ಆತ್ಮ ವಿಶ್ವಾಸ ಹೆಚ್ಚಿಸುವ ಕಾರ್ಯ ಮಾಡಬೇಕಿದೆ. ಇಲ್ಲವಾದರೆ ಮುಂದಿನ ದಿನಗಳಲ್ಲಿ, ಕೊಡಗಿನ ಪರಿಸರ ಮತ್ತು ಸ್ಥಳೀಯರ ಉಳಿವಿಗಾಗಿ ಸಂಘಟಿತ ಹೋರಾಟ ಅನಿವಾರ್ಯವಾಗಬಹುದು ಎಂದು ರಾಜೀವ್ ಬೋಪಯ್ಯ ಎಚ್ಚರಿಸಿದ್ದಾರೆ.

 

Continue Reading

Kodagu

ಕೋಟೆ ಬೆಟ್ಟದಲ್ಲಿ ಪ್ರವಾಸಿಗರ ಮಧ್ಯೆ ಕ್ಷುಲ್ಲಕ ಕಾರಣಕ್ಕೆ ಗಲಾಟೆ ಪ್ರಕರಣ ದಾಖಲು – ತನಿಖೆ – ಎಸ್.ಪಿ ರಾಮರಾಜನ್

Published

on

ಮಡಿಕೇರಿ : ಸೋಮವಾರಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿನ ಪ್ರವಾಸಿ ತಾಣವಾದ ಕೋಟೆ ಬೆಟ್ಟದಲ್ಲಿ ಭಾನುವಾರ ಪ್ರವಾಸಿಗರ ಮಧ್ಯೆ ಕ್ಷುಲ್ಲಕ ಕಾರಣಕ್ಕೆ ಮಾತಿಗೆ ಮಾತು ಬೆಳೆದು ಗಲಾಟೆಯಾಗಿದ್ದು, ಈಗಾಗಲೇ ಪ್ರಕರಣ ದಾಖಲಿಸಿ ಕಾನೂನು ಕ್ರಮ ಕೈಗೊಳ್ಳಲಾಗಿರುತ್ತದೆ ಎಂದು ಜಿಲ್ಲಾಧಿಕಾರಿ ಕೆ ರಾಮರಾಜನ್ ತಿಳಿಸಿದ್ದಾರೆ.
ಘಟನೆ ವಿವರ : ಸೋಮವಾರಪೇಟೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿನ ಪ್ರವಾಸಿ ತಾಣವಾದ ಕೋಟೆ ಬೆಟ್ಟಕ್ಕೆ ದಕ್ಷಿಣಕನ್ನಡ ಜಿಲ್ಲೆ ಪುತ್ತೂರು ಮೂಲದ ಪ್ರವಾಸಿಗಾರು ಕಾರಿನಲ್ಲಿ ತೆರಳುವ ಸಂದರ್ಭ ಮಾರ್ಗ ಮಧ್ಯದಲ್ಲಿ ಭಾನುವಾರ ಬೆಳಗ್ಗೆ 10.25 ಗಂಟೆಗೆ ಇಬ್ಬರೂ ಅಪರಿಚಿತ ವ್ಯಕ್ತಿಗಳು ಅದೇ ಮಾರ್ಗದಲ್ಲಿ ಬೈಕಿನಲ್ಲಿ ಹಿಂದೆಯಿಂದ ಬರುತ್ತಿದ್ದು, ಕಾರಿನವರು ರಸ್ತೆ ಬಿಡಲಿಲ್ಲವೆಂಬ ವಿಚಾರವಾಗಿ ಮಾತಿಗೆ ಮಾತು ಬೆಳೆದು ಬೈಕ್‌ನಲ್ಲಿದ್ದ ಇಬ್ಬರು ವ್ಯಕ್ತಿಗಳು ಕೈ ಮತ್ತು ಹೆಲೈಟ್ ನಿಂದ ಕಾರಿನಲ್ಲಿದ್ದವರ ಮೇಲೆ ಹಲ್ಲೆ ಮಾಡಿದ್ದಾರೆ, ಈ ಸಂಧರ್ಭದಲ್ಲಿ ಬಿಡಿಸಲು ಹೋದ ಕಾರಿನಲ್ಲಿದ್ದ ಯುವತಿಯರ ಜೊತೆ ವಾಗ್ವದ ಮಾಡಿರುವುದಾಗಿದೆ. ಈ ಗಲಾಟೆಯಲ್ಲಿ ಒಬ್ಬಳು ಯುವತಿಯು ಧರಿಸಿದ್ದ ಚಿನ್ನದ ಸರ ಆಕೆಗೆ

ತಿಳಿಯದಂತೆ ಬಿದ್ದು ಹೋಗಿರುವುದಾಗಿ ಮತ್ತು ನಂತರ ಹುಡುಕಾಡಲಾಗಿ ಸಿಕ್ಕಿರುವುದಿಲ್ಲವೆಂದು ದೂರು ನೀಡಿದ ಮೇರೆಗೆ ಸೋಮವಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿರುತ್ತದೆ ಹಾಗೂ ಆರೋಪಿಗಳ ಪತ್ತೆ ಕಾರ್ಯ ಪ್ರಗತಿಯಲ್ಲಿರುತ್ತದೆ.
ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರವಾಸಿಗರಿಂದ ಚಿನ್ನದ ಸರ ಕಿತ್ತುಕೊಳ್ಳುವ ಉದ್ದೇಶದಿಂದ ಗಲಾಟೆ ನಡೆಸಿರುವುದಾಗಿ ಸುಳ್ಳು ಸುದ್ದಿಗಳನ್ನು ಹಂಚಿಕೊಂಡಿರುವುದು ಕಂಡುಬಂದಿರುತ್ತದೆ. ಈ ರೀತಿಯ ಯಾವುದೇ ಘಟನೆಗಳು ನಡೆದಿರುವುದಿಲ್ಲ ಮತ್ತು ಸಾರ್ವಜನಿಕರು ಯಾವುದೇ ಆತಂಕ ಪಡುವ ಅವಶ್ಯಕತೆ ಇರುವುದಿಲ್ಲ ಎಂದು ಪೊಲೀಸ್ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ.

ಸತ್ಯತೆ ಪರಿಶೀಲಿಸಿ – ಸಾಮಾಜಿಕ ಜಾಲತಾಣದಲ್ಲಿ ಯಾವುದೇ ರೀತಿಯ ಸಂದೇಶ/ಭಾವಚಿತ್ರ/ವಿಡಿಯೋಗಳನ್ನು ಹಂಚಿಕೊಳ್ಳುವ ಮುನ್ನ ಸತ್ಯ-ಅಸತ್ಯತೆಯನ್ನು ಪರಿಶೀಲಿಸಿಕೊಳ್ಳುವಂತೆ ಸಾರ್ವಜನಿಕರಲ್ಲಿ ಎಸ್ ಪಿ ಕೋರಿದ್ದು ಹಾಗೂ ಸಾಮಾಜಿಕ ಜಾಲತಾಣಗಳ ಸಂಪೂರ್ಣ ನಿಗಾವಹಿಸಿದ್ದು, ಕೋಮು ಸೌಹಾರ್ದತೆಯನ್ನು ಕದಡುವ ದುರುದ್ದೇಶದಿಂದ ಸುಳ್ಳು ಸುದ್ದಿಯ ಪೋಸ್ಟ್‌ಗಳನ್ನು ಹರಿಬಿಟ್ಟು ಅಪಪ್ರಚಾರ ಮಾಡುವ & ಆತಂಕ ಸೃಷ್ಟಿಸುವ ವ್ಯಕ್ತಿಗಳ ವಿರುದ್ಧ ಪ್ರಕರಣ ದಾಖಲಿಸಿ ಸೂಕ್ತ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಹಾಗೂ ಸಾರ್ವಜನಿಕರು ರಸ್ತೆಯಲ್ಲಿ ಸಂಚರಿಸುವಾಗ ಬಹಳ ಜಾಗ್ರತೆಯನ್ನು ವಹಿಸುವಂತೆ ಕೋರಿದೆ. ಮತ್ತು ರಸ್ತೆಯಲ್ಲಿ ಯಾವುದೇ ಅಪಘಾತ ಸಂಭವಿಸಿದಲ್ಲಿ ಸ್ಥಳೀಯ ಪೊಲೀಸ್ ಠಾಣೆ/ ತುರ್ತು ಸಹಾಯವಾಣಿ 112 ಗೆ ಕರೆ ಮಾಡಿ ಮಾಹಿತಿ ನೀಡುವಂತೆ ಹಾಗೂ ಕೆ.ಎಸ್.ಪಿ ತಂತ್ರಾಶದ ಮೂಲಕ ಮಾಹಿತಿ ನೀಡಿ ಸಹಕರಿಸುವಂತೆ ಸಾರ್ವಜನಿಕರಲ್ಲಿ ಕೋರುತೇವೆ. ಅಕ್ರಮ ಚಟುವಟಿಕೆಗಗಳ ಕುರಿತು ಮಾಹಿತಿ ಒದಗಿಸುವವರ ವಿವರಗಳನ್ನು ಬಹಿರಂಗಪಡಿಸುವುದಿಲ್ಲ ಎಂದೂ ಎಸ್ಪಿ ಹೇಳಿದ್ದಾರೆ.

ಕೊಡಗಿನಲ್ಲಿ ಮಿತಿಮೀರಿದ ಪ್ರವಾಸಿಗರ ಅಟ್ಟಹಾಸ -:ಸ್ಥಳೀಯರ ಮೇಲೆ ದೌರ್ಜನ್ಯ – ಅಸಮಾಧಾನ

ಮಡಿಕೇರಿ : ಕೊಡಗಿನ ಬೆಡಗನ್ನು ಸವಿಯಲು ಬರುವ ಹೊರಗಿನ ಕೆಲ ಪ್ರವಾಸಿಗರು ಎಲ್ಲೆಮೀರುತಿದ್ದು, ಕೊಡಗಿನ ಪರಿಸರಕ್ಕೆ ಮಾರಕವಾಗಿ ನಡೆದುಕೊಳ್ಳುವುದಲ್ಲದೆ, ಸ್ಥಳೀಯರ ಮೇಲೆ ದಬ್ಬಾಳಿಕೆ ನಡೆಸಿ, ಮತ್ತೆ ಸುಳ್ಳು ಮುಖದ್ದಮೆ ದಾಖಲಿಸುವುದು ಸಾಮಾನ್ಯವಾಗಿದೆ. ಇಂತಹುದೇ ಘಟನೆ ಇಂದು ಮಾದಾಪುರ ಸಮೀಪದ ಕೋಟೆಬೆಟ್ಟ ತಪ್ಪಲಿನಲ್ಲಿ ನಡೆದಿದೆ.
ಅಪಘಾತ ಯತ್ನ ಮತ್ತು ಅತಿ ವೇಗದ ವಿಚಾರದಲ್ಲಿ ಪರಸ್ಪರ ಮಾತಿನ ಚಕಮಕಿ, ಹಲ್ಲೆ ನಡೆದಿದೆ. ನಂತರ ಸ್ಥಳೀಯ ಯುವಕರಿಬ್ಬರ ವಿರುದ್ಧ ಪ್ರಾವಾಸಿಗರು ಸುಳ್ಳು ದೂರು ನೀಡಿದ್ದು, ಪೋಲೀಸರ ಮೇಲೆ ಒತ್ತಡ ಹಾಕಿ, ಅಮಾಯಕ ಸ್ಥಳೀಯರ ವಿರುದ್ದ ಸರಗಳ್ಳತನದ ಆರೋಪದಡಿ ಪ್ರಕರಣ ದಾಖಲಿಸಿದ್ದಾರೆ.
ಇಂತಹ ಘಟನೆಗಳು ಕೊಡಗಿನಲ್ಲಿ ಸಾಮಾನ್ಯವಾಗಿದ್ದು, ಮೋಜು ಮಸ್ತಿಗೆ ಹೊರಗಿನಿಂದ ಬರುವ ಪ್ರವಾಸಿಗರು, ಕೊಡಗಿಗೆ ಅಪಾಯಕಾರಿಯಾಗಿದ್ದು, ಪೋಲೀಸ್ ಇಲಾಖೆ ಮತ್ತು ಸಮ್ಮಂದ ಪಟ್ಟವರು ಸೂಕ್ತ ತನಿಖೆ ನಡೆಸಿ ಅಮಾಯಕ ಸ್ಥಳೀಯರಿಗೆ ರಕ್ಷಣೆ ನೀಡಬೇಕು ಮತ್ತು, ಯಾವುದೇ ಒತ್ತಡಕ್ಕೆ ಮಣಿಯದೆ, ಕೊಡಗಿಗೆ ಮಾರಕವಾಗಿರುವ ಕೆಲವು ಪ್ರವಾಸಿಗರ ಅತಿರೇಕಕ್ಕೆ ತಡೆ ಒಡ್ಡಬೇಕು. ಸ್ಥಳೀಯರ ಬದುಕಿಗೆ, ಮತ್ತು ಕೊಡಗಿನ ಪ್ರರಿಸರಕ್ಕೆ ಮಾರಕವಾದ ಇಂತ ಘಟನೆಗಳು ಮರುಕಳಿಸಿದರೆ ಮುಂದಿನ ದಿನಗಳಲ್ಲಿ ಕೊಡಗಿನಲ್ಲಿ ಅಹಿತಕರ ಘಟನೆಗಳು ಮತ್ತು ಪ್ರವಾಸಿಗರಿಗೆ ತಡೆಯೊಡ್ಡುವಂತ ಕಾರ್ಯಗಳು‌ ನಡೆಯಲಿವೆ ಎಂದು ಕೊಡಗಿನ ಮೂಲನಿವಾಸಿಗಳು ಎಚ್ಚರಿಸಿದ್ದಾರೆ.

Continue Reading

Trending

error: Content is protected !!