Connect with us

Agriculture

ಅಡಿಕೆಯ ತಾಯಿ ಮರವನ್ನು ಆಯ್ಕೆ ಮಾಡುವುದು ತುಂಬ ಸುಲಭ!!

Published

on

ಅಡಿಕೆ ಒಂದು ವಾಣಿಜ್ಯ ಬೆಳೆಯಾಗಿದೆ ನಮ್ಮ ಕರ್ನಾಟಕದ ಅನೇಕ ಸ್ಥಳಗಳು ಅಡಿಕೆ ಬೆಳೆಗೆ ಹೆಸರುವಾಸಿಯಾಗಿದೆ . ಒಂದು ಸಸ್ಯ ಸದೃಢವಾಗಿ ಉತ್ತಮವಾಗಿ ಇಳುವರಿ ನೀಡುವಂತೆ ಬೆಳೆಯಬೇಕಾದರೆ ಉತ್ತಮ ಬೀಜವನ್ನು ಆಯ್ಕೆ ಮಾಡಿರಬೇಕು. ಹಾಗೆ ಅಡಿಕೆಯ ಬಿತ್ತನೆ ಗೋಟುಗಳು ಅಥವಾ ಬೀಜದ ಗೋಟುಗಳ ಆಯ್ಕೆ ಬಹಳ ಮುಖ್ಯವಾದದ್ದು. ಬಹಳ ಎಚ್ಚರವಹಿಸಿ ಬೀಜದ ಗೋಟುಗಳನ್ನು ಆರಿಸಿಕೊಳ್ಳಬೇಕಾಗುತ್ತದೆ. ಹೇಗೆ ಮಾಡುವುದು ಎಂಬುದನ್ನು ನೋಡೋಣ.

ಕೆಲ ಗಿಡಗಳು ಫಸಲಿಗೆ ಬರುವಷ್ಟರಲ್ಲಿ ಇದ್ದಕ್ಕಿದ್ದಂತೆ ಒಣಗಿ ಹೋಗುತ್ತವೆ. ಕೆಲವು ಬೆಳವಣಿಗೆಯಾಗದೆ ಕುಂಠಿತಗೊಂಡಿರುತ್ತವೆ . ಎರಡು ಸಮಸ್ಯೆ ಬಾರದಿದ್ದರೆ ಗಿಡಗಳು ಉದ್ದವಾಗಿ ಬೆಳೆಯುತ್ತಾ ಫಸಲು ಬಿಡದೇ ನಿಂತುಕೊಳ್ಳುತ್ತವೆ. ಈ ಎಲ್ಲಾ ಸಮಸ್ಯೆಗಳು ಸಂಭವಿಸುವ ಸಾಧ್ಯತೆ ಇರುತ್ತದೆ. ಶೇಕಡ ತೊಂಬತ್ತರಷ್ಟು ಇದಕ್ಕೆ ಕಾರಣ ಬೀಜದ ಗೋಟುಗಳ ಆಯ್ಕೆಯ ಸಮಸ್ಯೆಯಿಂದ ಈ ರೀತಿ ಉಂಟಾಗುತ್ತದೆ.

ಸಾಮಾನ್ಯವಾಗಿ ಒಂದು ಅಡಿಕೆ ಗಿಡದ ಆರ್ಥಿಕ ವಯಸ್ಸು ಮೂವತ್ತು ವರ್ಷಗಳು. ನಾವು ಬೀಜದ ಗೋಟುಗಳನ್ನು ಆಯ್ಕೆ ಮಾಡುವಾಗ ಅಡಿಕೆ ಗಿಡಕ್ಕೆ ಕನಿಷ್ಠ ಅರ್ಧದಷ್ಟು ಎಂದರೆ 25 ವರ್ಷ ಮೇಲ್ಪಟ್ಟ ಗಿಡಗಳಲ್ಲಿ ಬೀಜದ ಗೋಟುಗಳನ್ನು ಆಯ್ಕೆ ಮಾಡಬೇಕಾಗುತ್ತದೆ.. 25 ವರ್ಷ ಮೇಲ್ಪಟ್ಟ ಮರಗಳಲ್ಲೇ ಗೋಟುಗಳನ್ನು ಆಯ್ಕೆ ಮಾಡಬೇಕು ಏಕೆ ? ಏಕೆಂದರೆ ಅಡಿಕೆಗೆ ಸಂತಾನ ಅಭಿವೃದ್ಧಿಗೆ ಯೋಗ್ಯವಾದ ಹಂತ ಬರುವುದು ಕನಿಷ್ಠ 20 ವರ್ಷದ ಮೇಲೆ ಈ ಕಾರಣದಿಂದ ಈ ಹಂತದಲ್ಲಿ ಬೀಜಗಳನ್ನು ಆಯ್ಕೆ ಮಾಡುವುದು ಸೂಕ್ತ. ಒಂದು ವೇಳೆ ಕಡಿಮೆ ವಯಸ್ಸಿನ ಗಿಡಗಳಲ್ಲಿ ಬೀಜದ ಗೋಟುಗಳನ್ನು ಹಾರಿಸಿದರೆ, ಅದರ ಮುಂದಿನ ಪೀಳಿಗೆ ಮಧ್ಯಮ ವಯಸ್ಸಿನಲ್ಲಿ ನಾಶವಾಗುತ್ತದೆ.

25 ವರ್ಷ ಮೇಲ್ಪಟ್ಟ ಗಿಡಗಳಲ್ಲಿ ಅಡಿಕೆಯ ಒಂದು ಗೋನೆ ಅಥವಾ ಕಂಕ್ಕಿಯಲ್ಲಿ ಕನಿಷ್ಠ 250ರಿಂದ 300 ಅಡಿಕೆ ಕಾಯಿಗಳು ಇರುವಂತಹ ಮರಗಳು ಬೀಜದ ಗೋಟಿಗೆ ಯೋಗ್ಯವಾಗಿರುತ್ತವೆ . ಜೊತೆಗೆ ಕಂಕ್ಕಿಯಲ್ಲಿ ಕಡಿಮೆ ನಾರಿನ ಗೊಂಚಲು, ಮತ್ತು ಕಂಕ್ಕಿಗಳು ಉದ್ದವಾಗಿ ದೀರ್ಘವಾಗಿ ಚಾಚಿಕೊಂಡಿರಬೇಕು . ಕಂಕ್ಕಿಯ ಬುಡದಿಂದ ತುದಿಯವರೆಗೂ ಅಡಿಕೆ ಕಾಯಿ ಕಚ್ಚಿರಬೇಕು. ಇಂಥಹ ಮರಗಳನ್ನು ಆಯ್ಕೆ ಮಾಡಬೇಕಾಗುತ್ತದೆ.

ನವೆಂಬರ್-ಡಿಸೆಂಬರ್ ತಿಂಗಳಿಗೆ ನಮಗೆ ಬೀಜದ ಗೋಟುಗಳು ದೊರೆಯುತ್ತವೆ. ಅಡಿಕೆ ಮರದ ಮೊದಲ ಕಂಕ್ಕಿಯಿಂದ ಮತ್ತು ಕೊನೆಯ ಕಂಕ್ಕಿ ಇಂದ ಬೀಜದ ಗೋಟುಗಳನ್ನು ತೆಗೆದು ಕೊಳ್ಳಬಾರದು. ಉಳಿದ ಕಂಕ್ಕಿಗಳಿಂದ ಗೋಟುಗಳನ್ನು ಆರಿಸುವುದು ಸೂಕ್ತ, ಏಕೆಂದರೆ ಮೊದಲ ಮತ್ತು ಕೊನೆಯ ಕಂಕ್ಕಿಯಲ್ಲಿ ಕೂಳೆ ಕಾಯಿಗಳು ಅಥವಾ ನಾಟಿಗೆ ಯೋಗ್ಯವಲ್ಲದ ಕಾಯಿಗಳು ಇರುವುದರಿಂದ ಇವು ಸೂಕ್ತವಲ್ಲ. ಇಲ್ಲಿ ಮುಖ್ಯವಾಗಿ ನೆನಪಿಡಬೇಕಾದ ಅಂಶ ವೆಂದರೆ, ಬೀಜದ ಗೋಟು ಗಳನ್ನು ಕೇಳುವ ಮುನ್ನ ಗೋಟುಗಳು ಗಾಡ ಹಳದಿ ಬಣ್ಣದಿಂದ ಕೂಡಿದ್ದು, ಮರದಿಂದ ಉದುರುತ್ತಿರುವ ಬೇಕು. ಆಗ ಅವು ಬಿತ್ತನೆಗೆ ತಯಾರಿದೆ ಎಂದು ಅರ್ಥ. ಬೀಜದ ಗೋಟಿನ ಕಟಾವಿನ ನಂತರ ಅವುಗಳನ್ನು ಬೇರ್ಪಡಿಸಬೇಕಾಗುತ್ತದೆ. ಒಂದು ಅಡಿಕೆ ಗಿಡ ದಲ್ಲಿ ಮೂರರಿಂದ 4 ತರಹದ ಅಡಿಕೆ ಕಾಯಿಗಳ ದೊರೆಯುತ್ತದೆ. ಗುಂಡಗಿರುವ ಕಾಯಿ, ಕೋಲು ಕಾಯಿ, ಮಾಣ ಗಾಯಿ, ಕಾಯಿ ಗಳಿರುತ್ತವೆ. ಇದರಲ್ಲಿ ಗುಂಡಗಿನ , ಸಿಪ್ಪೆ ತೆಳುವಿರುವ, ಸಾಮಾನ್ಯ ಗಾತ್ರದ ಅಡಿಕೆಯನ್ನು ಬೀಜದ ಗೋಟನ್ನಾಗಿ ಆರಿಸಿಕೊಳ್ಳಬೇಕಾಗುತ್ತದೆ.

ಕನಿಷ್ಟ ಒಂದು ಮರದಿಂದ ಒಟ್ಟಾರೆ 400 ರಿಂದ 500 ಬೀಜದ ಗೋಟುಗಳು ದೊರೆಯುತ್ತವೆ. ಈ ರೀತಿ ಆರಿಸಿಕೊಂಡ ಗೋಟುಗಳನ್ನು ಎರಡರಿಂದ ಮೂರು ದಿನ ನೆರಳಿನಲ್ಲಿ ನೆಲದ ಮೇಲೆ ಒಣಗಿಸಬೇಕು. ನಂತರ ಬೀಜದ ಅಡಿಕೆ ಗೋಟುಗಳು ನಾಟಿ ಮಾಡಲು ಯೋಗ್ಯವಾಗಿರುತ್ತದೆ.

Continue Reading
Click to comment

Leave a Reply

Your email address will not be published. Required fields are marked *

Agriculture

ಗಾಳಿಮಳೆಗೆ ನೆಲಕಚ್ಚಿದ ಭತ್ತದ ಬೆಳೆ

Published

on

ದಾವಣಗೆರೆ. ಮೇ.೧೯; ಮಳೆಗಾಳಿಗೆ ದಾವಣಗೆರೆ ಸಮೀಪದ ದೊಡ್ಡಬಾತಿ ಗ್ರಾಮದಲ್ಲಿ ನೂರಾರು ಎಕರೆ ಭತ್ತದ ಬೆಳೆ ನೆಲಕಚ್ಚಿದೆ.ಫಸಲಿಗೆ ಬಂದಿದ್ದ ಭತ್ತ ಕಟಾವಿಗೆ ಮುನ್ನವೇ

ನೀರುಪಾಲಾಗಿದೆ.ಕಳೆದ ಸಂಜೆ ಬೀಸಿದ ಗಾಳಿಮಳೆಗೆ ಭತ್ತದ ಬೆಳೆ‌ಗೆ ಹಾನಿಯಾಗಿದೆ.ಬರದ ನಡುವೆಯೂ ಕೊಳವೆಬಾವಿಯ ಮೂಲಕ ಭತ್ತ ಬೆಳೆದಿದ್ದ ರೈತರಿಗೆ ಮಳೆಯಾಗಿದ್ದು ಒಂದುಕಡೆ ಸಂತಸ ತಂದರೆ ಮತ್ತೊಂದೆಡೆ ಬೆಳೆದ ಭತ್ತ ನೀರುಪಾಗಿದೆ ಇದರಿಂದ ರೈತರು ಆತಂಕಕ್ಕೊಳಗಾಗಿದ್ದಾರೆ. ಈ ವೇಳೆ ದೊಡ್ಡಬಾತಿ ಗ್ರಾಮದ ರೈತ ಉಮೇಶ್ ಮಾತನಾಡಿ ಸಾಲಮಾಡಿ ನನ್ನ ಒಂದು ಎಕರೆ ಜಮೀನಿನಲ್ಲಿ ಭತ್ತ ಬೆಳೆದಿದ್ದೆ ಆದರೆ ಇದೀಗ ಬೆಳೆಯೆಲ್ಲಾ

ನೆಲಕಚ್ಚಿದೆ.ಐವತ್ತು ಸಾವಿರ ಲಾಭ ತೆಗೆಯುವ ಕನಸು ಕಂಡಿದ್ದೆ.ಮಳೆಯಿಲ್ಲದೇ ಬರ ಆವರಿಸಿದ್ದರು ಕೊಳವೆಬಾವಿ ಮೂಲಕ ನೀರು ಹರಿಸಿ ಭತ್ತ ನಾಟಿ ಮಾಡಿದ್ದೆ ಹಗಲು ರಾತ್ರಿ ಕರೆಂಟ್ ಗೆ ನೀರು ಹಾಯಿಸಿದ್ದೇಲ್ಲಾ ನೀರಿನಲ್ಲಿ

ಹೋಮ‌ಮಾಡಿದಂತಾಗಿದೆ.ಅಧಿಕಾರಿಗಳು ನಮ್ಮ ಜಮೀನಿಗೆ ಭೇಟಿ‌ನೀಡಿ ನಮಗಾದ ನಷ್ಟ. ಭರಿಸಿಕೊಡಬೇಕು ಎಂದು ಅಳಲು ತೊಡಿಕೊಂಡರು.ದೊಡ್ಡಬಾತಿ ಗ್ರಾಮದ ಹಲವೆಡೆ ಬೆಳೆದ ಭತ್ತ ನೀರುಪಾಲಾಗಿದ್ದು ರೈತರು ಸಂಕಷ್ಟದಲ್ಲಿದ್ದಾರೆ.

Continue Reading

Agriculture

ಮಣ್ಣಿನ ಫಲವತ್ತತೆಯನ್ನು ಹೆಚ್ಚಿಸಲು ಇಲ್ಲಿದೆ ಸುಲಭ ಮಾರ್ಗ; 200 ರೂ. ಖರ್ಚು ಮಾಡಿದರೆ ಸಾಕು!

Published

on

ರೈತನ ಆಧಾರವೇ ಕೃಷಿ. ಕೃಷಿ ಇಲ್ಲದೆ ಅವನ ಬದುಕು ಸಾಗುವುದಿಲ್ಲ. ಯಾವುದೇ ಬೇಸಾಯಕ್ಕೆ ನೀರು, ಉತ್ತಮ ಹವಾಗುಣ, ಮಣ್ಣು ,ಈ ಮೂರು ಅಂಶಗಳು ಬಹಳ ಮುಖ್ಯವಾದವು.ಮಣ್ಣಿನ ಗುಣಧರ್ಮ ಬಹಳ ಮುಖ್ಯವಾಗಿದೆ. ಮಣ್ಣಿನ ಗುಣಧರ್ಮ ಎಂದರೆ ಅದರ ಸಾರ, ಸತ್ವ ,ಪೋಷಕಾಂಶ ,ಪ್ರೋಟೀನ್, ಜೈವಿಕ ವರ್ಧಕಗಳು, ಎನ್ನಬಹುದು. ಹಲವು ರೈತರ ಪ್ರಶ್ನೆಯೇನೆಂದರೆ. ಈ ಅಂಶಗಳು ನಮ್ಮ ಮಣ್ಣಿನಲ್ಲಿ ಇದೆಯೇ? ಅಥವಾ ಇವುಗಳನ್ನು ಹೆಚ್ಚು ಮಾಡುವುದು ಹೇಗೆ ? ಎಂಬ ಪ್ರಶ್ನೆಗಳು ಸ್ಥಳೀಯ ರೈತರಲ್ಲಿ ಸಹಜವಾಗಿ ಮೂಡುತ್ತದೆ.

ನಮ್ಮ ರೈತ ಬಾಂಧವರಲ್ಲಿ ಒಂದು ತಪ್ಪು ಕಲ್ಪನೆ ಬೇರೂರಿಬಿಟ್ಟಿದೆ. ಏನೆಂದರೆ ಗೊಬ್ಬರವನ್ನು ಸಸ್ಯಕ್ಕೆ ಕೊಡುತ್ತಿದ್ದೇವೆ ಎನ್ನುವುದು. ತಿಳಿಯಬೇಕಾದ ವಿಷಯ ಏನೆಂದರೆ ನಾವು ನೀಡಿದ ಯಾವುದೇ ಗೊಬ್ಬರವನ್ನು ಸಸ್ಯ ನೇರವಾಗಿ ಹೀರಿಕೊಳ್ಳುವುದಿಲ್ಲ. ಬದಲಾಗಿ ಮೊದಲು ಅದನ್ನು ಮಣ್ಣು ಹೀರಿಕೊಂಡು ನಂತರ ಮಣ್ಣಿನ ಮುಖಾಂತರ ಅದರ ಸತ್ವವನ್ನು ಸಸ್ಯಗಳು ಬಯಸುತ್ತವೆ. ಈ ಕಾರಣದಿಂದ ನಾವು ಮಣ್ಣಿಗೆ ಮೊದಲು ಆಹಾರ ನೀಡಬೇಕು. ಮಣ್ಣಿನ ಫಲವತ್ತತೆಯನ್ನು ಹೆಚ್ಚಿಸುವುದು. ಮಣ್ಣನ್ನು ಮೃದುತ್ವ ಮಾಡುವುದು. ಇವೆಲ್ಲ ಮಣ್ಣಿನ ಫಲವತ್ತತೆಯನ್ನು ಹೆಚ್ಚಿಸುತ್ತದೆ. ಇದಕ್ಕೆ ಸೂಕ್ತವಾಗಿ ಸಾವಯವ ಪದ್ಧತಿಯ ಮೂಲಕ ಜೀವಮೃತ ಎಂಬ ಒಂದು ಸಾವಯವ ದ್ರವ್ಯ ಬಳಸಿ ಎಲ್ಲಾ ಸಮಸ್ಯೆಗೆ ಪರಿಹಾರ. ಕಂಡುಕೊಳ್ಳಬಹುದು.

ಜೀವಮೃತ ತಯಾರಿಸುವುದು ಹೇಗೆ? ಎಂಬುದನ್ನು ನೋಡೋಣ.

ಜೀವಮೃತ ಸಾವಯವ ಕೃಷಿ ಪದ್ಧತಿಯ ಮೂಲಕ ತಯಾರಿಸಬಹುದಾದ ಒಂದು ಪೋಷಕಾಂಶಗಳ ದ್ರವ್ಯ. ಇದನ್ನು ತಯಾರಿಸಲು ಮೊದಲಿಗೆ 200 ಲೀಟರ್ ನೀರಿನ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿರುವ ಪ್ಲಾಸ್ಟಿಕ್ ಬ್ಯಾರೆಲ್ ಅಥವಾ ನೀರಿನ ತಟ್ಟಿಯಾದರು ಆಗಬಹುದು. ನಂತರ 10 ಕೆಜಿ ನಾಟಿ ಹಸುವಿನ ಸಗಣಿಯನ್ನು ಬ್ಯಾರೆಲ್ ನಲ್ಲಿ ನೀರಿನೊಂದಿಗೆ ಚೆನ್ನಾಗಿ ಕಲಕಬೇಕು. ರೈತರಲ್ಲಿ ಒಂದು ಪ್ರಶ್ನೆ ಮೂಡಬಹುದು ಯಾಕೆ ? ನಾಟಿಯ ಹಸುವಿನ ಸಗಣಿಯನ್ನೆ ಬಳಸಬೇಕು?

ನಿಮ್ಮ ಪ್ರಶ್ನೆಗೆ ಉತ್ತರ, ನಮ್ಮಲ್ಲಿ ಎರಡು ರೀತಿಯ ಹಸುವಿನ ತಳಿಗಳಿವೆ. ಒಂದು ಬಸ್ತಾರ್ಸ್ ಮತ್ತು ಬಾಸ್ ಇಂಡಿಕಾಸ್ (ಜಬೂ ತಳಿ) ಜಬೂ ತಳಿಯ ಹಸು ಭಾರತವನ್ನು ಒಳಗೊಂಡು ಏಷ್ಯಾದ ಕೆಲವು ಭಾಗಗಳಲ್ಲಿ ವಾಸಿಸುತ್ತದೆ. ಸಾಮಾನ್ಯವಾಗಿ ಈ ಬಗೆಯ ಹಸುಗಳಿಗೆ ಭುಜ, ಗದ್ದ ವಟ್ಟಿಗೆ ,ಕೊಂಬು ,ಜೊತೆಗೆ ಸೂರ್ಯನಾಡಿ ಎಂಬ ಇದರ ಬೆನ್ನಲ್ಲಿ ಇರುತ್ತದೆ. ಈ ನರವು ಸೂರ್ಯನ ಬೆಳಕಿಗೆ ರಾಸಾಯನಿಕವನ್ನು ಉತ್ಪಾದಿಸಿ ಹಾಲು ಮತ್ತು ಗಂಜಲದ ಮೂಲಕ ಹೊರಹಾಕುತ್ತದೆ.

ಇದರಲ್ಲಿ ಔಷಧೀಯ ಗುಣ ಹೊಂದಿರುವುದರಿಂದ ಇದು ಸೂಕ್ತವೆನಿಸಿದೆ. ನಂತರ 20 ಲೀಟರ್ ಗಂಜಲವನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ತದನಂತರ 2ಕೆಜಿ ಕರಿ ಬೆಲ್ಲವನ್ನು ಚೆನ್ನಾಗಿ ಪುಡಿಮಾಡಿ ಬಳಸುವುದು ಸೂಕ್ತ. ಕರಿ ಬೆಲ್ಲದಲ್ಲಿ ಯಾವುದೇ ರಾಸಾಯನಿಕಗಳ ಮಿಶ್ರಣ ಇಲ್ಲದಿರುವುದರಿಂದ ಇದು ಸೂಕ್ತವಾಗಿರುತ್ತದೆ. 2ಕೆಜಿ ಕಡಲೆ ಹಿಟ್ಟನ್ನು ನೀರಿನಲ್ಲಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ಜೊತೆಗೆ ಒಂದು ಬೊಗಸೆ ನಮ್ಮ ಭೂಮಿಯ ಮಣ್ಣನ್ನು ಅದರಲ್ಲಿ ಸೇರಿಸಬೇಕು. ದ್ವಿದಳ ಧಾನ್ಯದ ಪುಡಿ ಅಂದರೆ ಸೋಯಾಬಿನ್ ಮತ್ತು ಶೇಂಗಾ ಎರಡರಲ್ಲಿ ಎಣ್ಣೆ ಅಂಶ ಹೊಂದಿರುವುದರಿಂದ ಇವೆರಡನ್ನು ಹೊರತುಪಡಿಸಿ ಮಿಕ್ಕೆಲ್ಲ ದ್ವಿದಳ ಧಾನ್ಯಗಳ ಪುಡಿಯನ್ನು ಬಳಸಬಹುದು.

ಮಿಶ್ರಣ ಮಾಡುವಾಗ ಎಡದಿಂದ ಬಲಕ್ಕೆ ಮರದ ಕೋಲಿನಿಂದ ತಿರುಗಿಸಬೇಕು. ಕಾರಣ ಅದರಲ್ಲಿರುವ ಸೂಕ್ಷ್ಮಜೀವಿಗಳಿಗೆ ತೊಂದರೆ ಆಗದಿರಲಿ ಎಂಬ ಕಾರಣಕ್ಕಾಗಿ. ದಿನಕ್ಕೆ 3 ಬಾರಿ ಮಿಶ್ರಣ ಮಾಡಬೇಕು. ನಂತರ ಗೋಣಿಚೀಲ ಬಳಸಿ ಮುಚ್ಚಳವನ್ನು ಮುಚ್ಚಬೇಕು.ಮೂರರಿಂದ ನಾಲ್ಕು ದಿನಗಳಲ್ಲಿ ಜೀವಮೃತ ತಯಾರಾಗುತ್ತದೆ. 7 ದಿನಗಳವರೆಗೆ ಇದರ ಬಳಕೆ ಮಾಡಬಹುದು. ಇದರಲ್ಲಿ ಇರುವಂತಹ ಸೂಕ್ಷ್ಮಣು ಜೀವಿಗಳು ಮತ್ತು ಜೈವಿಕ ವರ್ಧಕಗಳ ಸಂಖ್ಯೆ ದ್ವಿಗುಣಗೊಳ್ಳುತ್ತದೆ.

 

ಇದರಿಂದ ಮಣ್ಣಿನ ಪಿಎಚ್ ಮೌಲ್ಯ ಅಧಿಕವಾಗಲು ಸಹಾಯವಾಗುತ್ತದೆ. ಪಿಎಚ್ ಮೌಲ್ಯ ಅಧಿಕವಾದರೆ ಮಣ್ಣು ನಿರರ್ಗಳವಾಗಿ ತನ್ನಲ್ಲಿ ಎಲ್ಲಾ ಅಂಶಗಳನ್ನು ಹೀರಿಕೊಳ್ಳುತ್ತದೆ. ಸಸ್ಯವು ಮಣ್ಣಿಂದ ಪೋಷಕಾಂಶಗಳನ್ನು ಇರುತ್ತಾ ಸದೃಢವಾಗಿ ಬೆಳೆಯಲು ಸಹಾಯವಾಗುತ್ತದೆ. ಇದನ್ನು ತಿಂಗಳಿಗೊಮ್ಮೆ ಬಳಸುವುದು ಸೂಕ್ತ. 15 ದಿನಗಳಿಗೊಮ್ಮೆ ಬಳಸುವುದು ಇನ್ನು ಸೂಕ್ತ. ಸುಮಾರು ಒಂದು ನಾಟಿ ಹಸುವಿನಿಂದ 30 ಎಕರೆ ಜಮೀನಿಗೆ ಜೀವಾಮೃತವನ್ನು ನೀಡಬಹುದು.

ಈ ವಿಧಾನವು ಬಹಳ ಯಶಸ್ವಿಯಾಗಿ ಇರುವಂತಹದ್ದು. ಮತ್ತು ನಮ್ಮ ಮಣ್ಣಿನ ಫಲವತ್ತತೆಯನ್ನು ಹೆಚ್ಚಿಸುವಲ್ಲಿ ಸಹಾಯಕವಾಗುತ್ತದೆ ಇದನ್ನು ಬಳಸುವುದರಿಂದ ಯಾವುದೇ ರಾಸಾಯನಿಕ ಗೊಬ್ಬರಗಳನ್ನು ಬಳಸುವಂತಿಲ್ಲ. ಕಡಿಮೆ ಕರ್ಚು ಇದ್ದರೆ ಸಾಕು ಈ ವಿಧಾನವನ್ನು ಬಳಸಬಹುದು. ಎಲ್ಲಾ ಬೆಳೆಗಳಿಗೂ ಬಳಸಬಹುದು. ರೈತರು ಇದರ ಬಗ್ಗೆ ಸ್ವಲ್ಪ ಯೋಚಿಸುವುದು ಸೂಕ್ತ.

 

Continue Reading

Agriculture

ಅಡಿಕೆಯ ಬೇಸಾಯಕ್ಕೆ ಯಾವ ಸಸಿ ಆಯ್ಕೆ ಮಾಡಿದರೆ ಉತ್ತಮ? ಸದೃಢವಾಗಿ ಬೆಳೆಯುವ ಸಸಿ ಯಾವುದು? ಇಲ್ಲಿದೆ ಸಂಪೂರ್ಣ ವಿವರ!!

Published

on

ಪ್ರಸ್ತುತ ನಮ್ಮ ಅನ್ನದಾತರು ವಾಣಿಜ್ಯ ಬೆಳೆಗಳಿಗೆ ಹೆಚ್ಚಿನ ಒಲವು ತೋರುತ್ತಿರುವಂತೆ ಕಾಣುತ್ತಿದೆ . ಹೆಚ್ಚಾಗಿ ಅಡಿಕೆ ಮತ್ತು ತೆಂಗು ನೇಡುತ್ತಿದ್ದಾರೆ . ಆದರೂ ಸಹ ಕೆಲ ರೈತರಲ್ಲಿ ಒಂದು ಗೊಂದಲ ಸೃಷ್ಟಿಯಾಗಿದೆ . ಅಡಿಕೆ ಸಸಿಯ ಆಯ್ಕೆ ಸಮಯದಲ್ಲಿ ಯಾವ ಸಸಿಗಳನ್ನು ಆಯ್ಕೆ ಮಾಡಬೇಕು ? ಪ್ಯಾಕೆಟ್ ಸಸಿಗಳ ಅಥವಾ ತೆಂಡೆ ಸಸಿಗಳ (ತೇವಡೆ ) ಎಂಬ ಗೊಂದಲ ಉಂಟಾಗುತ್ತದೆ…ಅಡಿಕೆ ಸಸಿಯನ್ನು ಎರಡು ಪದ್ಧತಿಯನ್ನು ಅನುಸರಿಸಿ ಬೆಳೆಸುತ್ತಾರೆ . ಒಂದು ಭೂಮಿಯ ಮೇಲ್ಪದರದಲ್ಲಿ ಸಸಿಗಳನ್ನು ನಾಟಿ ಮಾಡಿ ಬೆಳೆಸುವುದು, (ತೆಂಡೆ ಸಸಿ ಅಥವಾ ತೇವಡೆ ಸಸಿ ) ಮತ್ತೊಂದು ಅಡಿಕೆ ಸಸಿಗಳನ್ನು ಪಾಕೆಟ್ ಅಥವಾ ಪ್ಲಾಸ್ಟಿಕ್ ಬ್ಯಾಗ್ ಗಳಲ್ಲಿ ನಾಟಿ ಮಾಡಿ ಬೆಳೆಸುವುದು .(ಪ್ಯಾಕೆಟ್ ಸಸಿಗಳು ). ಆದರೆ ಎರಡು ಪದ್ಧತಿಯಲ್ಲಿ ಬೆಳೆಯುವ ಸಸಿಗಳನ್ನು ಕೆಲವರು ಒಪ್ಪುತ್ತಾರೆ , ಕೆಲವರು ಒಪ್ಪುವುದಿಲ್ಲ.

ಮೊದಲಿಗೆ ಪ್ಯಾಕೆಟ್ ಸಸಿಗಳ ಬಗ್ಗೆ ತಿಳಿಯೋಣ. ಪ್ಯಾಕೆಟ್ ಅಥವಾ ಪ್ಲಾಸ್ಟಿಕ್ ಬ್ಯಾಗ್ ಗಳಲ್ಲಿ ನೆಟ್ಟು ಬೆಳೆಸುವ ಸಸಿಗಳನ್ನು ಪ್ಯಾಕೆಟ್ ಸಸಿಗಳು ಎನ್ನುವರು. ಒಂದು ಕೆಜಿ, ಒಂದುವರೆ ಕೆಜಿ, ಎರಡು ಕೆಜಿ ,ಬ್ಯಾಗ್ ಗಳಲ್ಲಿ ಮರಳು, ಕಾಂಪೋಸ್ಟ್ ಗೊಬ್ಬರ, ಕೆಂಪುಮಣ್ಣು, ಮಿಶ್ರಣ ಮಾಡಿ ಹಂತಹಂತವಾಗಿ ಪ್ಲಾಸ್ಟಿಕ್ ಬ್ಯಾಗಿನಲ್ಲಿ ತುಂಬಿ ನಂತರ ಮೇಲ್ಬಾಗದಲ್ಲಿ ಸಸಿಯನ್ನು ನಾಟಿ ಮಾಡುತ್ತಾರೆ. ವಾರಕ್ಕೆ ಎರಡು ಅಥವಾ ಮೂರು ಬಾರಿ ನೀರನ್ನು ನೀಡುತ್ತಾರೆ. ಪಾಕೆಟ್ ಸಸಿಗಳ ಆಯ್ಕೆ ಒಳ್ಳೆಯದ ? ಎಂದರೆ, ಭೂಮಿಯಲ್ಲಿ ನಾಟಿ ಮಾಡಿದ ಸಸಿಗಳಿಗೆ ಹೋಲಿಸಿದರೆ, ಇವು ಸಾಕಷ್ಟು ಭಿನ್ನವಾಗಿರುತ್ತವೆ. ಪ್ಯಾಕೆಟ್ ಸಸಿಗಳಿಗೆ ತನ್ನ ಪ್ಲಾಸ್ಟಿಕ್ ಚೀಲವೇ ಪ್ರಪಂಚವಾಗಿರುತ್ತದೆ. ಅವುಗಳಿಗೆ ಮಣ್ಣಿನ ಗುಣಧರ್ಮ, ವಿನ್ಯಾಸ ಇವುಗಳ ಬಗ್ಗೆ ತಿಳಿದಿರುವುದಿಲ್ಲ. ಬೇರುಗಳು ಹೊಸದನ್ನು ಹುಡುಕಲು ಪ್ರಯತ್ನಿಸುವುದಿಲ್ಲ. ಕೇವಲ ನಾವು ನೀಡಿದ ಗೊಬ್ಬರ ನೀರನ್ನು ತೆಗೆದುಕೊಂಡು ಬೆಳೆಯುತ್ತಿರುತ್ತವೆ. ಸಸಿಗಳು ಉತ್ತಮವಾಗಿ ಬೆಳೆಯಬಹುದು. ಆದರೆ ಅವುಗಳಿಗೆ ಮಣ್ಣಿನ ಸ್ವಾರಸ್ಯದ ಅರಿವಿರುವುದಿಲ್ಲ. ಇವುಗಳನ್ನು ಸುಲಭವಾಗಿ ಸ್ಥಳಾಂತರಿಸಬಹುದು . ನಾವು ಭೂಮಿ ನೆಟ್ಟಾಗ ಅವುಗಳ ಪಾಡು ದೇವರಿಗೆ ಮುಟ್ಟುತ್ತದೆ. ಭೂಮಿಯ ತಾಪ ಜೊತೆಗೆ ಸೂರ್ಯನ ತಾಪ ಇವುಗಳ ಮಧ್ಯೆ ಅವು ಸಮರ್ಪಕವಾಗಿ ಬೆಳೆಯಲು ವಿಫಲವಾಗಬಹುದು. ಒಣಗುವ ಸಾಧ್ಯತೆ ಇರುತ್ತದೆ. ಬೆಳವಣಿಗೆ ಕುಂಠಿತವಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ.

ಭೂಮಿಯ ಮೇಲ್ಪದರದಲ್ಲಿ ನಾಟಿ ಮಾಡಲಾದ ತೆಂಡೆ ಸಸಿಗಳು ಇವು ಮೊಳಕೆ ಹೊಡೆಯುವ ದಿನದಿಂದ ಭೂಮಿಯ ವಾತಾವರಣದೊಂದಿಗೆ ಹೊಂದಿಕೊಂಡು ಬೆಳೆದಿರುತ್ತವೆ. ಭೂಮಿಯಲ್ಲಿ ಸಿಗುವ ಕೆಲವು ಲವಣಾಂಶಗಳನ್ನು ಹೀರಿಕೊಂಡು ಬೆಳೆದಿರುತ್ತವೆ. ಬೇರುಗಳು ವಿಶಾಲವಾಗಿ ಹರಡಿಕೊಂಡು ಹೊಸದನ್ನು ಹುಡುಕುತ್ತಾ ಹೋಗುತ್ತಿರುತ್ತವೆ. ಒಟ್ಟಾರೆ ಹೇಳುವುದಾದರೆ , ತೆಂಡೆ ಸಸಿಗಳು ಭೂಮಿಯ ಸಂಪೂರ್ಣ ವಾತಾವರಣಕ್ಕೆ ಹೊಂದಿಕೊಂಡಿರುತ್ತವೆ. ಬಿಸಿಲು, ಭೂಮಿಯ ತಾಪ ,ಇತರ ಸಮಸ್ಯೆಗಳನ್ನು ಎದುರಿಸಿ ಅನುಭವವಿರುತ್ತದೆ. ಆದರೆ ಇವುಗಳನ್ನು ಭೂಮಿಯಿಂದ ಚೌಕಾಕಾರದಲ್ಲಿ ಹಗೆದು ತೆಗೆಯಬೇಕಾಗುತ್ತದೆ. ಈ ಕೆಲಸ ಸ್ವಲ್ಪ ಕಷ್ಟಕರ. ಸ್ವಲ್ಪ ಯಾಮಾರಿದರೂ ಸಸಿಗಳು ನಾಶವಾಗುತ್ತವೆ. ಚೌಕ ಕಾರದ ತೆಂಡೆ ಹೊಡೆಯದಂತೆ ಸಸಿಗಳನ್ನು ಕಿತ್ತು ಗುಂಡಿಯೊಳಗೆ ನಾಟಿ ಮಾಡಬೇಕಾಗುತ್ತದೆ. ಇದು ಕೆಲವರಿಗೆ ಸ್ವಲ್ಪ ಕಷ್ಟಕರ ಎನಿಸುತ್ತದೆ.

ಇಲ್ಲಿ ಗಮನಿಸಬೇಕಾದ ವಿಷಯವೆಂದರೆ, ಪ್ಯಾಕೆಟ್ ಸಸಿ ಅಥವಾ ತೆಂಡೆ ಸಸಿ ಯಾವುದೇ ಆಗಿರಲಿ , ಸಸಿಗಳ ತಳಿ, ಗುಣಗಳು ,ಮತ್ತು ಬೇಸಾಯ ಕ್ರಮಗಳು ಮುಖ್ಯವಾಗಿರುತ್ತದೆ . ಪ್ಯಾಕೆಟ್ ಸಸಿಗಳು ತೆಂಡೆ ಸಸಿಗಳಿಗೆ ಎಂದು ಸಮನಾಗದೂ. ಅವುಗಳ ಗರಿಮೆ, ಜನಪ್ರಿಯತೆ ಅವುಗಳಿಗೆ .

Continue Reading

Trending

error: Content is protected !!