Connect with us

Mysore

200 ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಮತ್ತು ವಿವಿಧ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ

Published

on

ಮೈಸೂರು: ರಾಷ್ಟ್ರ ಸಂಸ್ಕೃತಿ ಪೋಷಿಣಿ ಪುರಸ್ಕೃತ ಸಂಘಟನೆ ಆದರ್ಶ ಸೇವಾ ಸಂಘ ಮತ್ತು ವಿಶ್ವ ವಿಪ್ರತ್ರಯೀ ಪರಿಷತ್‌ ಸಹಯೋಗದಲ್ಲಿ ೨೦೦ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಮತ್ತು ವಿವಿಧ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ನಗರದ ಶ್ರೀ ಗಣಪತಿ ಸಚ್ಚಿದಾನಂದ ಆಶ್ರಮದ ನಾದ ಮಂಟಪದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಎಸ್‌ಎಸ್‌ಎಲ್‌ಸಿ, ದ್ವಿತೀಯ ಪಿಯುಸಿ, ಪದವಿ, ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳನ್ನು ಪುರಸ್ಕಾರಿಸಿ ವಿವಿಧ ಕ್ಷೇತ್ರದ ಸಾಧಕರಿಗೆ ಆದರ್ಶ ರತ್ನ, ಆದರ್ಶ ಸೇವಾ ರತ್ನ, ಆದರ್ಶ ಪ್ರತಿಭಾ ರತ್ನ, ಆದರ್ಶ ಬಾಲ ಪ್ರತಿಭಾ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಅವಧೂತ ದತ್ತಪೀಠಾಧಿಪತಿ ಶ್ರೀ ಗಣಪತಿ ಸಚ್ಚಿದಾನಂದ ಸ್ವಾಮೀಜಿ ಮಾತನಾಡಿ, ಭಗವದ್ಗೀತೆ ಕೇವಲ ಒಂದು ಧರ್ಮಕ್ಕೆ ಸೀಮಿತವಲ್ಲ. ಇಡೀ ಮನುಕುಲಕ್ಕೆ ಸೇರಿದಾಗಿದೆ. ಹೀಗಾಗಿ ಪ್ರಸ್ತುತ ಭಗವದ್ಗೀತೆಯ ಮೌಲ್ಯಗಳು ವಿಶ್ವದಾದ್ಯಂತ ಹೆಚ್ಚು ಮನ್ನಣೆ ಗಳಿಸುತ್ತಿದೆ ಎಂದು ಹೇಳಿದರು.
ಮನುಷ್ಯನ ಜೀವನ ಶೈಲಿಯ ಬದಲಾವಣೆಯಿಂದ ಮಾನವೀಯ ಮೌಲ್ಯಗಳು ಕ್ಷೀಣಿಸುತ್ತಿದೆ. ಯುವ ಸಮೂಹದಲ್ಲಿ ಸ್ವಾರ್ಥತ್ವ ಹೆಚ್ಚುತ್ತಿದೆ. ಪರರ ದುಖಃಕ್ಕೆ ಸಂತ್ವಾನ ಹೇಳುವ ಮತ್ತು ಸುಖಃವನ್ನು ಹಂಚಿಕೊಳ್ಳುವ ಪ್ರಕ್ರಿಯೆಗಳು ಕಡಿಮೆಯಾಗಿದೆ. ಈ ಮೌಲ್ಯಗಳನ್ನು ಹೆಚ್ಚಾಬೇಕಾದರೆ ಭಗವದ್ಗೀತೆ, ವೇದ, ಉಪನಿಷತ್ತುಗಳನ್ನು ಅಭ್ಯಾಸ ಮಾಡಬೇಕು. ವಿದೇಶಗಳಲ್ಲಿ ನೆಲೆಸಿರುವ ಹಿಂದುಗಳು ಮಕ್ಕಳಿಗೆ ಭಗವದ್ಗೀತೆ ಪಠಣ ಮಾಡಿಸುತ್ತಿದ್ದಾರೆ. ಅದರಲ್ಲಿಯೂ ಆಮೇರಿಕಾರದಲ್ಲಿ ಭಗವದ್ಗೀತೆ ಅಭ್ಯಾಸ ಹೆಚ್ಚಾಗುತ್ತಿದೆ. ದೊಡ್ಡ ಕ್ರಾಂತಿಯಾಗುತ್ತಿದೆ ಎಂದು ಹೇಳಿದರು.
ಕಳೆದ ಮೂರು ವರ್ಷಗಳ ಹಿಂದೆ ಸುಮಾರು ೧೦ ಸಾವಿರಕ್ಕೂ ಹೆಚ್ಚು ಜನರು ಏಕಕಾಲದಲ್ಲಿ ಭಗವದ್ಗೀತೆ ಕಂಠ ಪಾಠ ಮಾಡಿಸಿದ್ದೇನೆ. ಈ ಬಾರಿ ಇನ್ನೂ ಹೆಚ್ಚಿನ ಜನರು ಒಟ್ಟಿಗೆ ಭಗವದ್ಗೀತೆ ಪಾರಾಯಾಣ ನಡೆಯಲಿದೆ ಎಂದು ತಮ್ಮ ಆಮೆರಿಕಾ ಪ್ರವಾಸದ ಅನುಭವನ್ನು ಹಂಚಿಕೊಂಡರು.
ಕಾಮ, ಕ್ರೌರ್ಧ ಬಿಟ್ಟು ಸತ್ಯ ಶೋಧನೆಯಿಂದ ಬದುಕು ಕೂಡಿರಬೇಕು. ಮನಸ್ಸನ್ನು ಹಗುರವಾಗಿ ಇಟ್ಟುಕೊಳ್ಳಬೇಕು. ಈಗೀನ ಮಕ್ಕಳಲ್ಲಿ ಜ್ಞಾಪಕ ಶಕ್ತಿ ಕಡಿಮೆಯಾಗಿದೆ. ಬಾಲ್ಯದಿಂದಲೇ ಮಕ್ಕಳನ್ನು ಒತ್ತಡದಲ್ಲಿ ಬೆಳೆಸಲಾಗುತ್ತಿದೆ. ಇದರಿಂದ ಮಕ್ಕಳಲ್ಲಿ ಗೊಂದಲ ಸೃಷ್ಟಿಯಾಗಿದೆ. ಗೊಂದಲ ನಿವಾರಣೆಗೆ ಎಲ್ಲರೂ ವೇದ ಉಪನಿಷತ್ತುಗಳನ್ನು ಅಧ್ಯಯಾನ ಮಾಡಬೇಕು ಎಂದ ಅವರು ಆದರ್ಶ ಸೇವಾ ಸಂಘದ ಕಾರ್ಯವೈಖರಿಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಶಾಸಕ ಟಿ.ಎಸ್‌.ಶ್ರೀವತ್ಸ ಮಾತನಾಡಿ, ನಾನು ಶಾಸಕನಾಗಲು ಆದರ್ಶ ಸೇವಾ ಸಂಘದ ಅಧ್ಯಕ್ಷ ಜಿ.ಆರ್‌.ನಾಗರಾಜ ಪಾತ್ರ ದೊಡ್ಡದಿದೆ ಎಂದು ಕೃತಜ್ಙತೆ ತಿಳಿಸಿ ಪ್ರಶಸ್ತಿ ಪುರಸ್ಕೃತರಿಗೆ ಅಭಿನಂದನೆ ತಿಳಿಸಿದರು.
ಆದರ್ಶ ಬಾಲಪ್ರತಿಭಾ ರತ್ನ ಪ್ರಶಸ್ತಿ ಪುರಸ್ಕೃತರು: ವೇದಾಧ್ಯಯನ ನಿರತ ಬಾಲ ಸಾಧಕ ಪೃಥು ಪಿ.ಅದ್ವೈತ್‌, ಭರತನಾಟ್ಯ ಬಾಲ ಕಲಾವಿದ ಭಗತ್‌ ಶರ್ಮ, ಕಿರುತರೆ ನಟ ವಿ.ಅಮೋಘಕೃಷ್ಣ, ವಯೋಲಿನ್‌ ಸಾಧಕ ಪ್ರಣವ್‌ ಚಂದ್ರಶೇಖರ್‌.
ಆದರ್ಶ ಪ್ರತಿಭಾ ರತ್ನ ಪ್ರಶಸ್ತಿ: ಯುವ ವಿಜ್ಞಾನಿ ಆಕಾಶ್‌, ಅಂತಾರಾಷ್ಟ್ರೀಯ ಬ್ಯಾಡ್‌ಮಿಂಟನ್‌ ಆಟಗಾರ ವಿದ್ಯಾನಂದ ಕಶ್ಯಪ್‌, ಮಾರ್ಗದರ್ಶಕ ಬಿ,ನಾಗರಾಜ್‌ ಕುಮಾರ್‌, ಯುವ ಚಿಂತಕ ಪ್ರಜ್ಞಾ ಕಶ್ಯಪ್‌, ಗಾಯಕ ಕೆ.ರಮೇಶ್‌, ಕೋಟಿ ವೃಕ್ಷ ಪ್ರತಿಷ್ಠಾನದ ಶ್ರೀಕಾಂತ್‌ ಭಟ್‌, ಮಾಧ್ಯಮ ಪ್ರವರ್ತಕ ಅಮಿತ್‌, ಗಾಯಕಿ ಹಂಸಿನಿ ಎಸ್.ಕುಮಾರ್‌, ಯುವ ಉದ್ಯಮಿ ಶೌಮಿಕಾ ಎಸ್‌.ರಾವ್‌, ವಯೋಲಿನ್‌ ವಾದಕ ಸಿರಿ ಪರಮಾತ್ಮ, ಚಿತ್ರಕಲಾವಿದೆ ಶಿವಾನಿ ಪ್ರಸಾದ್‌, ಇಂಜಿನಿಯರ್‌ ಪಿ.ಎನ್.ಪ್ರಶಾಂತ್‌ ಭಾಜನರಾದರು.
ಆದರ್ಶ ರತ್ನ ಪ್ರಶಸ್ತಿ: ಅಂಚೆ ಇಲಾಖೆ ನಿವೃತ್ತ ಅಧಿಕಾರಿ ಬಿ.ಎನ್.ನಾಗರಾಜು, ನಿವೃತ್ತ ಪ್ರಾಧ್ಯಾಪಕ ಕೆ.ಎನ್.ನಾಗೇಶ್‌, ಎಂ.ಶ್ರೀಕಂಠಮೂರ್ತಿ, ವಿನೋದಮ್ಮ ಪುರಸ್ಕೃತರಾದರು.
ಆದರ್ಶ ಸೇವಾ ರತ್ನ ಪ್ರಶಸ್ತಿ: ವನಜಾ ಪಂಡಿತ್‌, ಪ್ರೊ.ಎಚ್‌.ಎಸ್.ನಾಗರಾಜು, ಎ.ರಾಮಸ್ವಾಮಿ, ಭಾನುಪ್ರಕಾಶ್‌ ಶರ್ಮ, ಭೀಮೇಶ್ವರ ಜೋಷಿ, ಡಾ.ಅಯ್ಯಪ್ಪನ್‌, ಪ್ರಕಾಶ್‌ ಅಯ್ಯಂಗಾರ್‌, ಕಾನಾಡಿ ಗೋವಿಂದ ಭಟ್ಟ, ಕೆ.ಸುಂದರಾಜು, ಡಾ.ಮಹೇಶ್ ಶೆಣೈ, ದಿಲೀಪ್‌ ಸತ್ಯ, ಡಾ.ಸುಧಾ ರಮೇಶ್‌, ಡಾ.ಜಿ.ಅಚ್ಯುತ ರಾವ್‌, ಅಶೋಕ ಎಂ.ರಾವ್‌, ಸುರೇಶ್‌ ವೃಕ್ಷಂ, ಡಾ.ಮಹಾಲಕ್ಷ್ಮೀ ಬೇಗೂರು ಪೂರ್ಣಯ್ಯ ಅವರಿಗೆ ನೀಡಲಾಯಿತು.
ಶ್ರೀ ದತ್ತ ವಿಜಯಾನಂದ ತೀರ್ಥ ಸ್ವಾಮೀಜಿ, ಉಚ್ಚ ನ್ಯಾಯಾಲಯ ನಿವೃತ್ತ ನ್ಯಾಯಾಧೀಶ ಎನ್.ಕುಮಾರ್‌, ವಿಶ್ವ ವಿಪ್ರತ್ರಯೀ ಪರಿಷತ್‌ನ ಅಧ್ಯಕ್ಷ ಎನ್.ರಘುನಾಥ್‌, ಆದರ್ಶ ಸೇವಾ ಸಂಘದ ಅಧ್ಯಕ್ಷ ಜಿ.ಆರ್.ನಾಗರಾಜು ವೇದಿಕೆಯಲ್ಲಿದ್ದರು.

Continue Reading
Click to comment

Leave a Reply

Your email address will not be published. Required fields are marked *

Mysore

ದೇಶಕ್ಕೆ ಸ್ವಾತಂತ್ರ ತಂದು ಕೊಟ್ಟಿದ್ದು ಕಾಂಗ್ರೆಸ್ ಪಕ್ಷ — ಮುಖ್ಯಮಂತ್ರಿ ಸಿದ್ದರಾಮಯ್ಯ

Published

on

ಬಾಬಾ ಸಾಹೇಬ್ ಡಾ. ಬಿ.ಆರ್. ಅಂಬೇಡ್ಕರ್ ರವರು ಕೊಟ್ಟಿರುವ ಸಂವಿಧಾನವನ್ನು ನಾವು ಉಳಿಸಿಕೊಂಡರೆ ನಾವೆಲ್ಲರೂ ಉಳಿಯಲು ಸಾಧ್ಯ
ಮತ್ತು ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದರು.

ನಂಜನಗೂಡು ತಾಲ್ಲೂಕಿನ ಕಳಲೆ ಗ್ರಾಮದಲ್ಲಿ ಆಯೋಜಿಸಿದ್ದ ಚಾಮರಾಜನಗರ ಲೋಕಸಭಾ ಚುನಾವಣೆಯ ಅಭ್ಯರ್ಥಿ ಸುನೀಲ್ ಬೋಸ್ ಪರವಾಗಿ
ಪ್ರಚಾರದ ಬೃಹತ್ ಸಮಾವೇಶ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತಾ
ಅವರು, ಕೆಲವು ಮಿತ್ರರು ಬಿಜೆಪಿ ಮತ್ತು ಜೆಡಿಎಸ್ ಪಕ್ಷ ತೊರೆದು ಕಾಂಗ್ರೆಸ್ ಪಕ್ಷದ ಸಿದ್ಧಾಂತವನ್ನು ಒಪ್ಪಿಕೊಂಡು ಬಂದಿದ್ದಾರೆ ಪಕ್ಷದಿಂದ ಅವರನ್ನು ಸ್ವಾಗತಿಸಿದ್ದೇನೆ,

ಬಿಜೆಪಿ ಪಕ್ಷದವರು ಮಾತನಾಡುತ್ತಾರೆ ದೇಶದ ಭಕ್ತರು ಎಂದು ಹೇಳುತ್ತಾರೆ ಸ್ವತಂತ್ರ ಹೋರಾಟಕ್ಕೆ ಒಬ್ಬರು ಭಾಗಿಯಾಗಿಲ್ಲಾ, ಬಿಜೆಪಿ ಪಕ್ಷದವರು ಯಾರುಾರು ಒಬ್ಬರ ಸ್ವತಂತ್ರ ಹೋರಾಟಕ್ಕೆ ಭಾಗಿಯಾಗಿದ್ದರೆ ನಾನು ರಾಜಕೀಯನೇ ಬಿಟ್ಟುಬಿಡುತ್ತೇನೆ ಎಂದು ಬಿಜೆಪಿ ಪಕ್ಷದವರಿಗೆ ಸವಾಲ್ ಹಾಕಿದರು.

ಈ ದೇಶಕ್ಕೆ ಸ್ವತಂತ್ರ ತಂದು ಕೊಟ್ಟಿದ್ದು ಕಾಂಗ್ರೆಸ್ ಪಕ್ಷ, ಬಿಜೆಪಿ ಮತ್ತು ಜೆಡಿಎಸ್ ಅಲ್ಲ, ದೇಶದ ಭಕ್ತಿ ಕಾಂಗ್ರೆಸ್ ಪಕ್ಷಕ್ಕೆ ಮಾತ್ರ,

ನಮ್ಮ ಕಾಂಗ್ರೆಸ್ ಸರ್ಕಾರ 10 ತಿಂಗಳಲ್ಲಿ ಚುನಾವಣೆ ಸಂದರ್ಭದಲ್ಲಿ ನೀಡಿದ ಭರವಸೆಯನ್ನು ಈಡೇರಿಸಲಾಗಿದೆ.ಕೇಂದ್ರದಲ್ಲಿ ಕಾಂಗ್ರೆಸ್ ಸರ್ಕಾರ ರಚನೆಯಾದರೆ ದೇಶದ ಅಭಿವೃದ್ಧಿಯ ದಿಕ್ಕು ಬದಲಾಗಲಿದೆ ಆದ್ದರಿಂದ ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಯಾಗಿರುವ ಸುನೀಲ್ ಬೋಸ್ ಅವರನ್ನು ಹೆಚ್ಚಿನ ಮತದಿಂದ ಗೆಲ್ಲಿಸಬೇಕು,

ಕಳೆದ 10 ವರ್ಷದಿಂದ ಆಡಳಿತ ನಡೆಸಿದ ನರೇಂದ್ರ ಮೋದಿ ಸರ್ಕಾರ ರಾಜ್ಯಕ್ಕೆ ಯಾವುದೇ ಅನುದಾನ ನೀಡದೆ ಬಲತಾಯಿ ದೋರಣೆ ತೋರಿಸುತ್ತ ಬಂದಿದೆ ದೇಶದಲ್ಲಿ ಸುಳ್ಳು ಭರವಸೆ ನೀಡಿ ಅಧಿಕಾರಕ್ಕೆ ಬಂದು ದೇಶದ ರೈತರ ಕೆಲಸ ಮಾಡದೆ ಶ್ರೀಮಂತರ ಕೆಲಸ ಮಾಡಿಕೊಂಡು ದೇಶದ ಹಣ ಲೂಟಿ ಮಾಡಿದ್ದಾರೆ. ಇಂತಹ ಸರ್ಕಾರ ಮುಂದೆ ಬರಬೇಕಾ? ಇಂತಹ ಸರ್ಕಾರವನ್ನು ಕಿತ್ತೂಗೆಯಲು ಈ ಬಾರಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಗಳನ್ನು ಗೆಲ್ಲಿಸಬೇಕಿದೆ ಎಂದು ತಿಳಿಸಿದರು.

ದಿ.ಆರ್ ಧ್ರುವನಾರಾಯಣ್ ಅವರು ಈ ಭಾಗದಲ್ಲಿ ಎರಡು ಬಾರಿ ಸಂಸದರಾಗಿ ಕ್ಷೇತ್ರಕ್ಕೆ ಹೆಚ್ಚು ಅನುದಾನ ತಂದು ಅಭಿವೃದ್ಧಿಗೆ ಸಾಕಷ್ಟು ಶ್ರಮವಹಿಸಿದ್ದಾರೆ ಈ ಕ್ಷೇತ್ರದಲ್ಲಿ ಅವರ ಹಾದಿಯ ಮೂಲಕ ಕ್ಷೇತ್ರದ ಅಭಿವೃದ್ಧಿ ಪಡಿಸಲು ಕಾಂಗ್ರೆಸ್ ಅಭ್ಯರ್ಥಿ ಸುನೀಲ್ ಬೋಸ್ ಅವರನ್ನು ಗೆಲ್ಲಿಸಿ ಎಂದು ಮನವಿ ಮಾಡಿದರು.

ಕಾರ್ಯಕ್ರಮದಲ್ಲಿ ಸಮಾಜ ಕಲ್ಯಾಣ ಸಚಿವ ಡಾ.ಹೆಚ್ ಸಿ ಮಹದೇವಪ್ಪ,ಸತೀಶ್ ಜಾರಕಿಹೋಳಿ, ಕೆ ವೆಂಕಟೇಶ್, ಶಾಸಕರಾದ ದರ್ಶನ್ ಧ್ರುವನಾರಾಯಣ್, ಎ ಆರ್ ಕೃಷ್ಣಮೂರ್ತಿ, ಗಣೇಶ್ ಪ್ರಸಾದ್,ಪುಟ್ಟರಂಗಶೆಟ್ಟಿ,ಮಾಜಿ ಶಾಸಕರಾದ ಕಳಲೆ ಕೇಶವಮೂರ್ತಿ, ನರೇಂದ್ರ, ನಂಜುಂಡಸ್ವಾಮಿ, ವಿಧಾನ ಪರಿಷತ್ ಸದಸ್ಯ ತಿಮ್ಮಯ್ಯ,ಭಾರತೀ ಶಂಕರ್, ಮಾಜಿ ಸಂಸದರಾದ ಕಾಗಲವಾಡಿ ಶಿವಣ್ಣ, ಜಿಲ್ಲಾದ್ಯಕ್ಷ ಬಿ ಜೆ ವಿಜಯ್ ಕುಮಾರ್, ಬ್ಲಾಕ್ ಅದ್ಯಕ್ಷ ಕುರಹಟ್ಟಿ ಕೆ ಜಿ ಮಹೇಶ್, ನಗರಾಧ್ಯಕ್ಷ ಸಿ ಎಂ ಶಂಕರ್, ತಾ ಪಂ ಮಾಜಿ ಅಧ್ಯಕ್ಷ ನಾಗೇಶ್ ರಾಜ್,ವೀರಶೈವ ತಾಲ್ಲೂಕು ಅದ್ಯಕ್ಷ ಬುಲೆಟ್ ಮಹದೇವಪ್ಪ,ಇಂಧನ್ ಬಾಬು,ದೇಬೂರು ಅಶೋಕ್, ಹೆಜ್ಜಗೆ ರವಿ, ಸೇರಿದಂತೆ ಪ್ರಮುಖರು ಹಾಜರಿದ್ದರು.

ನಂಜನಗೂಡು ಮಹದೇವಸ್ವಾಮಿ ಪಟೇಲ್,

Continue Reading

Mysore

ಸಿ. ಎಂ. ಆಗಲಿ, ಕ್ಷೇತ್ರದ ಶಾಸಕರಾಗಲಿ, ನಾನು ಖರ್ಚು ಮಾಡಿದ 400 ಕೋಟಿ ರೂ ಹಣ, ಅವರ ಜನ್ಮ ಪೂರ್ತಿ ಖರ್ಚು ಮಾಡಲ್ಲ : ಸಾರಾ ಮಹೇಶ್ 

Published

on

ಸಾಲಿಗ್ರಾಮ :   ಕೆ ಆರ್ ನಗರ ಶಾಸಕ ಡಿ ರವಿಶಂಕರ್ ಹೆಸರೇಳದೆ ನಾನು 15 ವರ್ಷಗಳಿಂದ ಖರ್ಚು ಮಾಡಿದ 400 ಕೋಟಿ ಹಣ ಲೆಕ್ಕ ಕೇಳುವ ನೈತಿಕತೆ ಇದೆಯೇ, ಈ ತಾಲೂಕಿನ ಶಾಸಕ ಸೇರಿದಂತೆ ಅವರ ಮುಖ್ಯಮಂತ್ರಿಯು ಸಹ ನಾನು ಮಾಡಿದಂತಹ ಸಹಾಯವನ್ನು ಅವರ ಜನ್ಮ ಪೂರ್ತಿ  ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು.

ಸಾಲಿಗ್ರಾಮ ತಾಲೂಕಿನ ಕೃಷ್ಣ ಮಂದಿರದಲ್ಲಿ ನಡೆದ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು ಪ್ರತಿಯೊಂದು ಕುಟುಂಬಕ್ಕೂ  ಮೂವತ್ತೊಂದು ಸಾವಿರದ ಎಂಟು ನೂರ ಮೂವತ್ತು  ಮೂರು ರೂಗಳ  ಸಾಲವನ್ನು ಹೊರಸಿ, ಐದು ಉಚಿತ ಭಾಗ್ಯಗಳನ್ನು ನೀಡಿದೆ, ಎಂದು ಹೇಳುತ್ತಿರುವ ಕಾಂಗ್ರೆಸ್ ಸರ್ಕಾರವನ್ನು ಕಿತ್ತೆಸೆಯಲು ಈ ಬಾರಿ ಜೆಡಿಎಸ್, ಬಿಜೆಪಿ ಮೈತ್ರಿ   ಅಭ್ಯರ್ಥಿಗಳನ್ನು ಗೆಲ್ಲಿಸುವಂತೆ ತಿಳಿಸಿದರು.

11 ತಿಂಗಳ ಅಧಿಕಾರ ಅವಧಿಯಲ್ಲಿ 1,91,000 ಕೋಟಿ ಸಾಲ ಮಾಡಿರುವ ಸಿದ್ದರಾಮಯ್ಯ ಮತ್ತು ಡಿಕೆ ಶಿವಕುಮಾರ್ ಅವರಿಗೆ ಬುದ್ಧಿ ಕಲಿಸಲು ಈ ಬಾರಿ ಮಂಡ್ಯ ಲೋಕಸಭಾ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಅವರನ್ನು ಮೂರು ಲಕ್ಷಕ್ಕೂ ಹೆಚ್ಚು ಮತಗಳ ಅಂತರದಿಂದ ಗೆಲ್ಲಿಸುವಂತೆ ಮಾಜಿ ಸಚಿವ ಸಾ ರಾ ಮಹೇಶ್ ಕಾರ್ಯಕರ್ತರಿಗೆ ಮನವಿ ಮಾಡಿದರು.

ಕೇಂದ್ರದಲ್ಲಿ ನರೇಂದ್ರ ಮೋದಿ ಅವರ ಸರ್ಕಾರವನ್ನು ಬೆಂಬಲಿಸುವ ಮೂಲಕ ವಿಶ್ವದಲ್ಲಿಯೇ ಭಾರತ ನಂಬರ್ ಒನ್ ಮಾಡುವ ಮೂಲಕ ಭಾರತ್ ಮಾತೆಯನ್ನು ರಾರಾಜಿಸುವಂತೆ ಮಾಡಲು  ರೈತರ ಹಾಗೂ  ಬಡವರ ಮತ್ತು  ರಾಜ್ಯದ ಅಭಿವೃದ್ಧಿಯ ಪರವಾಗಿ ಕೆಲಸ ಮಾಡುವಂತಹ ಎಚ್ ಡಿ ಕುಮಾರಸ್ವಾಮಿಯನ್ನು ಬೆಂಬಲಿಸುವಂತೆ ಮನವಿ ಮಾಡಿದರು.                 ವಿಧಾನ ಸಭಾ   ಚುನಾವಣೆಯಲ್ಲಿ ಕಾಲು, ಕೈ ಹಿಡಿದು ವಿಷ ಕುಡಿಯುವುದಾಗಿ ತಾಯಿ, ತಂದೆ, ಹೆಂಡತಿ, ಮತ ಭಿಕ್ಷೆ ಮಾಡಿದ ನೀವು ಯಾವ್ಯಾವ ಅಧಿಕಾರಿಗಳ ವರ್ಗಾವಣೆಯಲ್ಲಿ ಎಷ್ಟೆಷ್ಟು ಹಣ ಪಡೆದಿದ್ದೀರಿ ಎಂಬುದು ನನಗೆ ಮಾಹಿತಿ ಇದೆ. ಆದ್ದರಿಂದ ನನ್ನನ್ನು ಕೆಣಕಿ ಮರ್ಯಾದೆ  ಕಳೆದುಕೊಳ್ಳಬೇಡಿ ಎಂದು ಎಚ್ಚರಿಕೆ ನೀಡಿದರು.  ನಿಜ ನನ್ನ ಹಿತೈಷಿಗಳು ಮತ್ತು ಸ್ನೇಹಿತರ ಹತ್ತಿರ ಒಂದು ವರ್ಷದಲ್ಲಿ ಬಂದು ಕಾಲು ಕೈ ಹಿಡಿದ ಅಭ್ಯರ್ಥಿಗೆ ಮತನೀಡುವುದಾದರೆ ನಾನೇಕೆ ಪ್ರತಿನಿತ್ಯ ಬಂದು  ತಾಲೂಕಿನಲ್ಲಿ ಕೆಲಸ ಮಾಡಬೇಕು ನಾನು ಹಾಗೆ ಮಾಡುತ್ತೇನೆ ಎಂದು ಹೇಳಿದ್ದು ನಿಜ, ಆದರೆ ನನ್ನ ಮನಸ್ಸಿನಲ್ಲಿ ನನ್ನ ಹೃದಯದಲ್ಲಿ ಮೂರು ಬಾರಿ ಸತತವಾಗಿ ಆಯ್ಕೆ ಮಾಡಿದ ತಾಲೂಕಿನ ಜನರ ಋಣ ನನ್ನ ಮೇಲಿದ್ದು ಅದನ್ನು ತೀರಿಸುವ ಕೆಲಸ ಮಾಡುತ್ತೇನೆಯೇ ವಿನಹ ಪಲಾಯನ ಮಾಡುವ ಜಾಯಮಾನ ನನ್ನದಲ್ಲ ಎಂದರು.  ನನ್ನ ಜನ್ಮ ಭೂಮಿಯು ಕೆ ಆರ್ ನಗರ ವಿಧಾನಸಭಾ ಕ್ಷೇತ್ರ ವಾಗಿದ್ದು, ರಾಜಕೀಯ ಕ್ಷೇತ್ರವು ಕೆಆರ್ ನಗರ ವಿಧಾನಸಭಾ ಕ್ಷೇತ್ರ ವಾಗಿರುತ್ತದೆ. ಆದ್ದರಿಂದ ಇಂತಹ ಟೀಕೆ ಮತ್ತು ಟಿಪ್ಪಣಿಗಳನ್ನು ತಪ್ಪಿಸುವ ಉದ್ದೇಶದಿಂದ ಇವೆಲ್ಲವಕ್ಕೂ ಉತ್ತರ ನೀಡಬೇಕಾದರೆ ಕೆ ಆರ್ ನಗರ ವಿಧಾನಸಭಾ ಕ್ಷೇತ್ರದಲ್ಲಿ ಜೆಡಿಎಸ್ ಅಭ್ಯರ್ಥಿ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಅವರಿಗೆ  ಹಿಂದೆಂದೂ ನೀಡ ದಂತಹ ಅತಿ ಹೆಚ್ಚು ಮತಗಳನ್ನು ನೀಡುವ ಮೂಲಕ ಅವರಿಗೆ ಉತ್ತರ ನೀಡುವಂತೆ ಹಾಗೂ ನಾನು ಈ ಕ್ಷೇತ್ರದಲ್ಲಿ ದಿನನಿತ್ಯ ಜನಸೇವೆ ಮಾಡಲು ಸಹಕರಿಸುವಂತೆ ಮನವಿ ಮಾಡಿದರು.        ಕಾರ್ಯಕ್ರಮವನ್ನು ಉದ್ದೇಶಿಸಿ ವಿಧಾನ ವಿಧಾನ ಪರಿಷತ್ ಸದಸ್ಯ ಮಂಜೇಗೌಡ, ರಾಜ್ಯ ಜೆಡಿಎಸ್ ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ್, ಮಾಜಿ ಜಿಲ್ಲಾ ಪಂಚಾಯತಿ ಸದಸ್ಯ ಎಂ ಟಿ ಕುಮಾರ್, ಜಿಲ್ಲಾ ಜೆಡಿಎಸ್ ಮಹಿಳಾ ಅಧ್ಯಕ್ಷಾಯಿಣಿ, ದಲಿತ ಮುಖಂಡ ಹಂಸೋಗೆ ನಾಗರಾಜ್, ಹೊಸಳ್ಳಿ ವೆಂಕಟೇಶ್ ಮಾತನಾಡಿದರು.

ಕಾರ್ಯಕ್ರಮ ದಲ್ಲಿ   ಜೆಡಿಎಸ್ ತಾಲೂಕ ಅಧ್ಯಕ್ಷ ಮೆಡಿಕಲ್ ರಾಜಣ್ಣ,ಪ್ರಧಾನ ಕಾರ್ಯದರ್ಶಿ ಬಣಗನಹಳ್ಳಿ ಪ್ರಸನ್ನ,ಯುವ ಜೆಡಿಎಸ್ ಅಧ್ಯಕ್ಷ ಮಧುಚಂದ್ರ, ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ಹೊಸಳ್ಳಿ ವೆಂಕಟೇಶ್, ಸತ್ಯ ಕೇಂದ್ರದ ಅಧ್ಯಕ್ಷ ರಾಘವ್ ಗೌಡ,ಸ್ ಆರ್ ರಾಮೇಗೌಡ, ಮಧುಚಂದ್ರ, ರಾಧಾಕೃಷ್ಣ, ಮುನ್ಸಿ  ತುಕಾರಾಂ, ತುಳಸಿರಾಮ್, ಮಿರ್ಲೆ ಲೋಕೇಶ್, ಬಾಲು, ಲಾಲು ಸಾಹೇಬ್, ಶಕೀಲ್  ಸೇರಿದಂತೆ ಇನ್ನಿತರರು ಹಾಜರಿದ್ದರು.

Continue Reading

Mysore

ನಮ್ಮ ಪೂರ್ವಜರ ತತ್ವ ಸಿದ್ಧಾಂತಗಳನ್ನು ಅಳವಡಿಸಿಕೊಂಡು ನಿಮ್ಮ ಮಗನಾಗಿ ಕೆಲಸ ಮಾಡುವೆ ಎಂದು ಬಿಜೆಪಿ ಅಭ್ಯರ್ಥಿ ಯದುವೀರ್ ತಿಳಿಸಿದರು

Published

on

ಹುಣಸೂರು, ಅಂದಿನ ಕಾಲದಲ್ಲಿಯೇ ನಮ್ಮ ಪೂರ್ವಜರು ಮೈಸೂರು ಸಂಸ್ಥಾನದಲ್ಲಿ ಒಳ್ಳೆಯ ಕೆಲಸ ಮಾಡಿ ಮಾದರಿ ಮೈಸೂರು ಎಂಬ ಹೆಸರನ್ನು ವಿಶ್ವಕ್ಕೆ ಪರಿಚಯಿಸಿದ್ದರು ಎಂದು ಯದುವೀರ್ ತಿಳಿಸಿದರು.
ಅವರು ತಾಲೂಕಿನ ಹನಗೋಡು ಹೋಬಳಿ ವ್ಯಾಪ್ತಿಯ ದೊಡ್ಡಹೆಜ್ಜೂರು ಗ್ರಾಮದ ಆಂಜನೇಯ ಸ್ವಾಮಿ ದೇವಸ್ಥಾನಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿ ನಂತರ ಮಾತನಾಡಿದರು, ನಮ್ಮ ಪೂರ್ವಜರ ತತ್ವ ಸಿದ್ಧಾಂತವನ್ನು ಅಳವಡಿಸಿಕೊಂಡು ನಿಮ್ಮ ಮಗನಾಗಿ ಕೆಲಸ ಮಾಡಲು ಪ್ರಯತ್ನಿಸುತ್ತೇನೆ, ರಾಜಮನೆತನದವರು ಅರಮನೆ ಬಿಟ್ಟು ಹಳ್ಳಿಗೆ ಬರಲ್ಲ ಎಂಬ ತಪ್ಪು ಮಾಹಿತಿಯನ್ನು ವಿರೋಧ ಪಕ್ಷದವರು ಹೇಳುತ್ತಿದ್ದು ಎಲ್ಲವೂ ಸುಳ್ಳು ಹಳ್ಳಿಯ ವಾತಾವರಣದಲ್ಲಿಯೇ ಅರಮನೆಯು ಕೂಡ ಇದೆ ಊಹಾ ಪೂಹ ಗಳಿಗೆ ಕಿವಿ ಕೊಡದೆ ಮತದಾರರು ನಮ್ಮ ಭಾರತ ದೇಶ, ಕರ್ನಾಟಕ ರಾಜ್ಯ, ಮೈಸೂರು ಜಿಲ್ಲೆ, ಹುಣಸೂರು ಹಾಗೂ ಕೊಡಗು ಅಭಿವೃದ್ಧಿಗೆ ಮತ ಹಾಕಿ ಪ್ರಧಾನಿಯವರು ಹತ್ತು ವರ್ಷದಿಂದ ಉತ್ತಮ ಕೆಲಸ ಮಾಡಿದ್ದು ಮುಂದಿನ 2027ರ ವರೆಗೆ ಮುಂದಾಲೋಚನೆ ಚಮಾಡಿ ಕೆಲಸ ಮಾಡಿದ್ದಾರೆ ಬೇರೆ ಪಕ್ಷದವರು ನಾಳೆಗೆ ಮಾತ್ರ ಯೋಚನೆ ಮಾಡಿದ್ದಾರೆ ಆದ್ದರಿಂದ ಪ್ರಧಾನಿಯವರಿಗೆ ಶಕ್ತಿ ತುಂಬಲು ನೀವು ಕಮಲದ ಗುರುತಿಗೆ ಮತ ನೀಡಿ ಎಂದು ಮತದಾರರಲ್ಲಿ ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಶಾಸಕ ಜಿಡಿ ಹರೀಶ್ ಗೌಡ, ಚಂದ್ರಪ್ರಭ ಅರಸು ರವರ ಮಗ ಮಂಜುನಾಥ್, ಬಿಜೆಪಿ ಜಿಲ್ಲಾಧ್ಯಕ್ಷ ಮಹದೇವಸ್ವಾಮಿ , ತಾಲೂಕು ಅಧ್ಯಕ್ಷ ದೇವರಾಜ್ ಒಡೆಯರ್ ಮುಂತಾದವರು ಇದ್ದರು.

Continue Reading

Trending

error: Content is protected !!