Connect with us

Uncategorized

ವಿಶ್ವ ವಿಖ್ಯಾತ ಜಂಬೂ ಸವಾರಿಯಲ್ಲಿ ರಾಜ್ಯದ ಸಂಸ್ಕೃತಿಯನ್ನು ಬಿಂಬಿಸುವ ನೂರಕ್ಕೂ ಹೆಚ್ಚು ಕಲಾ ಪ್ರಕಾರಗಳನ್ನು ಕಲಾತಂಡಗಳು ಪ್ರದರ್ಶಿಸಿದವು.

Published

on

ಮೈಸೂರು:
ಮಂಡ್ಯ ಅರ್ಕೇಶ್ವರನಗರದ ಲೋಕೇಶ್‌ ಕಲಾವಿದರ ವೀರಗಾಸೆ, ಬಾಗಲಕೋಟೆಯ ಸೋಮನಕೊಪ್ಪದ ಶ್ರೀ ಬೀರಲಿಂಗೇಶ್ವರ ತಂಡದ ಡೊಳ್ಳು ಕುಣಿತ, ಬಳ್ಳಾರಿ ಜಿಲ್ಲೆಯ ಆದಿವಾಸಿ ಬುಡಕಟ್ಟು ಸಮುದಾಯದ ಹಕ್ಕಿ ಪಿಕ್ಕಿ ನೃತ್ಯ, ಡಾ.ಬಿ.ರಾಮಾಂಜನೇಯ ತಂಡದ ಪೋಟಿ ವೇಷ, ಬೆಳಗಾವಿಯ ಶ್ರೀ ಮಾಂತೇಷ ಬಡಿಗರ ಅವರ ಝಾಂಕ್‌ ಪಥಕ್‌, ಮೈಸೂರು ತಲಕಾಡು ಕೃಷ್ಣಮೂರ್ತಿಯವರ ಕಂಸಾಳೆ, ರಾಮನಗರ ಜಿಲ್ಲೆಯ ತೂಬಿನಕೆರೆಯ ಶ್ರೀ ಬೈರವೇಶ್ವರ ಸಾಂಸ್ಕೃತಿ ಕಲಾ ತಂಡದ ಸೋಮನ ಕುಣಿತ, ಬೆಂಗಳೂರು ನೆಲಮಂಗಲದ ಶ್ರೀ ಹನುಮಂತ ರಾಮಣ್ಣ ತಂಡದ ಸೋಮನ ಕುಣಿತ, ಬೆಂಗಳೂರಿನ ಶ್ರೀ ಕೃಷ್ಣ ಜನಪದ ತಂಡದ ನವಿಲು ನೃತ್ಯ, ಕೋಲಾರ ಜಿಲ್ಲೆಯ ಕೀಲು-ಕುದುರೆ ಸಂಘದ ಗಾರುಡಿ ಗೊಂಬೆ, ಬೀದರ್‌ ಜಿಲ್ಲೆಯ ಜೈ ಭವಾನಿ ರಂಗಭೂಮಿ ಕಲಾವಿದರ ಸಂಘದ ಹಲಗೆ ಮೇಳ, ಚಾಮರಾಜನಗರ ರಾಮಸಮುದ್ರದ ಗೊರವನ ಕುಣಿತ ಹಾಗೂ ಗೊರಕನನೃತ್ಯ, ಚಿಕ್ಕಬಳ್ಳಾಪುರ ಜಿಲ್ಲೆಯ ಗಾರುಡಿ ಗೊಂಬೆ, ಬಾಗಲಕೋಟೆಯ ಜಿಲ್ಲೆಯ ಕರಡಿ ಮಜಲು, ಮಂಡ್ಯದ ರಂಗ ಕುಣಿತ, ಚಿಕ್ಕಮಗಳೂರಿನ ವೀರಭದ್ರ ಕುಣಿತ, ಚಿಕ್ಕಮಗಳೂರಿನ ಹಲಗೆ ಮೇಳ ಜನಮನ ಗೆದ್ದವು.
ಚಿತ್ರದುರ್ಗದ ಖಾಸಬೇಡರ ಪಡೆ ನೃತ್ಯ, ನಂಜನಗೂಡಿನ ತಮಟೆ-ನಗಾರಿ, ದಕ್ಷಿಣ ಕನ್ನಡ ಜಿಲ್ಲೆಯ ಕಂಗಿಲು ಕುಣಿತ, ನರಸೀಪುರ ತಾಲ್ಲೂಕಿನ ಸ್ಯಾಕ್ಲೋಫೋನ್‌, ದಾವಣಗೆರೆ ಜಿಲ್ಲೆಯ ಡೊಳ್ಳು ಕುಣಿತ, ಬಳ್ಳಾರಿ ಜಿಲ್ಲೆಯ ಹಗಲು ವೇಷ ಕುಣಿತ, ಧಾರವಾಡ ಜಿಲ್ಲೆಯ ಜಗ್ಗಲಗೆ ಮೇಳ, ಗದಗ ಜಿಲ್ಲೆಯ ಕರಡಿ ಮಜ್ಜಲು, ಉತ್ತರ ಕನ್ನಡ ಜಿಲ್ಲೆಯ ಗೊಂಡರ ಡಕ್ಕೆ, ಹಾಸನದ ಸೋಮನ ಕುಣಿತ, ಕಲುಬುರಗಿ ಹಾಗೂ ಧಾರವಾಡ ಜಿಲ್ಲೆಯ ಲಂಬಾಣಿ ನೃತ್ಯ, ಸೋಮವಾರ ಪೇಟೆಯ ಮಲೆನಾಡ ಸುಗ್ಗಿ ಕುಣಿತ, ಕೊಡಗು ಬುಡಕಟ್ಟಿನ ನೃತ್ಯ, ಕೋಲಾರದ ಗಾರುಡಿ ಗೊಂಬೆ, ಬೆಳಗಾವಿ ಡೊಳ್ಳು ಕುಣಿತ, ಮಂಡ್ಯ ಜಿಲ್ಲೆಯ ದೊಣ್ಣೆ ವರಸೆ, ಪಟ ಕುಣಿತ, ಮೈಸೂರಿನ ವೀರಭದ್ರ ಕುಣಿತ, ಪೂಜಾ ಕುಣಿತ, ತಮಟೆ-ನಗಾರಿ ಹಾಗೂ ಕಂಸಾಳೆ, ರಾಯಚೂರಿನ ಹಗಲು ವೇಷ, ರಾಮನಗರದ ಕೋಳಿನೃತ್ಯ, ಶಿವಮೊಗ್ಗದ ಡೊಳ್ಳು ಕುಣಿತ, ಬೆಳಗಾವಿಯ ಝಾಂಕ್‌ ಪಥಕ್‌, ಉಡುಪಿಯ ಗುಮಟೆ ನೃತ್ಯ, ಮಹಿಳಾ ಚಂಡೆ, ಉತ್ತರ ಕನ್ನಡ ಜಿಲ್ಲೆಯ ಗೊಂಡರ ಡಕ್ಕೆ, ಶಿರಸಿಯ ಬೇಡರ ವೇಷ ಈ ನೆಲದ ಸಂಸ್ಕೃತಿ ತೋರಿದವು.
ವಿಜಯಪುರದ ಸುತ್ತಿಗ ಕುಣಿತ, ಹೆಜ್ಜಿಮೇಳ, ವಿಜಯನಗರ ಜಿಲ್ಲೆಯ ಲೇಂಗಿ ನೃತ್ಯ, ನಾಗಪುರದ ತಪ್ಪಟಂ/ಒಯಿಲಾಟಂ ಫುಡ್ಕ/ಧಾಫ್‌ ನೃತ್ಯ, ಡಾಂಗಿ ಡಾಂಗಿ ನೃತ್ಯ, ಗೋಕಾಕ್‌ನ ಝಾಂಜ್‌ ಪಥಕ್‌, ಚಿತ್ರದುರ್ಗದ ಉದಮೆ ಅರೆವಾದ್ಯ, ಬೆಳಗಾವಿಯ ಜಗ್ಗಲಗೆ ಮೇಳ, ಕೊಪ್ಪಳದ ಹಗಲು ವೇಷ, ಬಾಗಲಕೋಟೆಯ ಮುಳ್ಳುಕುಣಿತ, ಚಿಕ್ಕಮಗಳೂರು ಜಿಲ್ಲೆಯ ಚಿಟ್ಟೆಮೇಳ, ಹುಬ್ಬಳ್ಳಿಯ ದಾಲಪಟ, ಜೋಗತಿ ನೃತ್ಯ, ಬೆಳಗಾವಿಯ ದಟ್ಟಿ ಕುಣಿತ, ಹಾಸನ ನಂದಿಕೋಲು, ದೊಡ್ಡ ಹೊಸಗಾವಿಯ ಕರಗ ಕೋಲಾಟ, ರಾಯಚೂರಿನ ಖಣಿವಾದನ, ಬಾಗಲಕೋಟೆಯ ಡಮಾಮಿ ನೃತ್ಯ, ಹೂವಿನ ನೃತ್ಯ, ಬೆಳಗಾವಿಯ ಕರ್ಬಲ್‌ ಕುಣಿತ, ನಾಗಪುರದ ಫೂಮರ್‌ ನೃತ್ಯ, ಗಿಡ್ಡ ಲೂಡ್ಡಿ ನೃತ್ಯ, ಧಾರವಾಡದ ಕಥಕಳಿ ಗೊಂಬೆ ಪ್ರದರ್ಶನ, ಮೈಸೂರು ಜಿಲ್ಲೆಯ ಮರಗಾಲು ಸವಾರಿ ಜನಸ್ತೋಮ ಕಣ್ತುಂಬಿಕೊಂಡರು.

Continue Reading
Click to comment

Leave a Reply

Your email address will not be published. Required fields are marked *

Uncategorized

ಪರಿಶಿಷ್ಟ ಜಾತಿ ಪರಿಶಿಷ್ಟ ಪಂಗಡಗಳ ಜನರ ತಮ್ಮ ಸಮಸ್ಯೆಗಳ ಕುಂದು ಕೊರತೆಗಳ ಸಮಸ್ಯೆಗಳ ಪರಿಹಾರಕ್ಕೆ ಆದ್ಯತೆ ನೀಡಲಾಗುವುದು – ಪಿಎಸ್ಐ

Published

on

 

ಯಳಂದೂರು:ಪರಿಷ್ಟ ಜಾತಿ, ಪರಿಶಿಷ್ಟ ಪಂಗಡಗಳ ಜನರು ತಮ್ಮ ಸಮಸ್ಯೆಗಳ ನಿವಾರಣೆಗಾಗಿ ಪೊಲೀಸ್ ಇಲಾಖೆಯಲ್ಲಿ ಕುಂದು ಕೊರತೆಗಳ ಸಮಸ್ಯೆಗಳ ಪರಿಹಾರಕ್ಕೆ ಆದ್ಯತೆ ನೀಡಲಾಗುವುದು’ ಎಂದು ಪಿ ಎಸ್ ಐ ಹನುಮಂತುಉಪ್ಪಾರ್ ಹೇಳಿದರು.

ಪಟ್ಟಣದ ಪೊಲೀಸ್ ಠಾಣೆ ಅವರಣದಲ್ಲಿ ನಡೆದ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ಜನರ ಸಮಸ್ಯೆಗಳನ್ನು ನಿವಾರಿಸುವ ನಿಟ್ಟಿನಲ್ಲಿ ಪ.ಜಾ/ಪ.ಪಂ ಜನಾಂಗದ ಕುಂದು ಕೊರತೆ ಮುಖಂಡರ ಸಭೆಯಲ್ಲಿ ಮಾತನಾಡಿಪ್ರತಿ ತಿಂಗಳಿನ ಕೊನೆಯ ಭಾನುವಾರ ಪೊಲೀಸ್ ಅಧಿಕಾರಿಗಳು ದಲಿತ ಕೇರಿಗಳಿಗೆ ಭೇಟಿ ನೀಡುತ್ತಿದ್ದಾರೆ. ದಲಿತರ ಸಮಸ್ಯೆಗಳ ಬಗ್ಗೆ ಮಾಹಿತಿ ಪಡೆದು, ಅವುಗಳ ನಿವಾರಣೆಗಾಗಿ ಸಂಬಂಧಪಟ್ಟ ಇಲಾಖೆಯೊಂದಿಗೆ ಪತ್ರವ್ಯವಹಾರ ನಡೆಸಿ ಪರಿಹಾರಕ್ಕೆ ಅಗತ್ಯ ಕ್ರಮ ಕೈಗೊಳ್ಳಲಾಗುತ್ತಿದ್ದು ಇ ಸಭೆಯಲ್ಲಿ ಭಾಗವಹಿಸಿರುವ ಪರಿಶಿಷ್ಟ ಜಾತಿಹಾಗೂ ಪರಿಶಿಷ್ಟ ಪಂಗಡದ ಮುಖಂಡ ರೋಹಿ ಸಭೆಯಲ್ಲಿ ತಮ್ಮ ಸಮಸ್ಯೆಗಳು ಗ್ರಾಮದ ಸಮಸ್ಯೆಗಳು ಇದ್ದರೆ ತಿಳಿಸುವಂತೆ ಮನವಿ ಮಾಡಿದರು.


ನಂತರ ಸಭೆಯಲ್ಲಿ ಭಾಗವಹಿಸಿದ ದಲಿತ ಮುಖಂಡರುಗಳು ಮಾತನಾಡಿ ಗ್ರಾಮೀಣ ಭಾಗದಲ್ಲಿ ಪೆಟ್ಟಿಗೆ ಅಂಗಡಿಗಳಲ್ಲಿ ಅಕ್ರಮ ಮಧ್ಯ ಮಾರಾಟ ಹೆಚ್ಚಳವಾಗಿದ್ದು ಇದರಿಂದ ಗ್ರಾಮಗಳಲ್ಲಿ ಅಶಾಂತಿ ಉಂಟಾಗುತ್ತಿದೆ, ಅಲ್ಲದೆ ಪಟ್ಟಣದಲ್ಲಿ ಟ್ರಾಫಿಕ್ ಜಾಮ್ , ಅಡ್ಡದ್ದಿಡ್ಡಿ ವಾಹನಗಳ ನಿಲುಗಡೆ ಯಿಂದ ತೊಂದರೆ, ಪಟ್ಟಣದ ಶ್ರೀರಂಗ ವೈನ್ಸ್ ನಲ್ಲಿ ಮಧ್ಯವನ್ನು ಖರೀದಿಸಿ ಹೊರಗಡೆ ರಸ್ತೆ ಬದಿ ಜಮೀನುಗಳಲ್ಲಿ ಮಧ್ಯದ ಪೌಚು ಮತ್ತು ಬಾಟಲುಗಳನ್ನು ಬಿಸಾಕಿರುವುದರಿಂದ ರೈತರಿಗೆ ತೊಂದರೆ ಉಂಟಾಗುತ್ತಿದೆ ವಯಸ್ಸಿನಲ್ಲಿ ಮಧ್ಯ ಮಾರಾಟಕ್ಕೆ ಅವಕಾಶವಿದೆ ಹೊರತು ಅಲ್ಲೇ ಕುಡಿದು ಬಿಸಾಕುವುದರಿಂದ ಪರಿಸರಕ್ಕೆ ಹಾನಿ ಉಂಟಾಗುತ್ತಿದೆ, ಹಾಗೂ ಠಾಣೆಗೆ ಬರುವ ಪರಿಶುದ್ಧ ಜಾತಿ ಪರಿಶಿಷ್ಟ ಪಂಗಡ ದ ಬಡವರು ಸಣ್ಣಪುಟ್ಟ ಗಲಾಟೆ

ಮಾಡಿಕೊಂಡು ಬಂದರೆ ಆಯಾ ಗ್ರಾಮದ ಮುಖಂಡರಿಗೆ ತಿಳಿಸಿ ದೂರು ದಾಖಲಿಸಬೇಕು, ಗ್ರಾಮೀಣ ಪ್ರದೇಶಗಳಿಗೆ ಪೊಲೀಸ್ ಬೀಟ್ ವ್ಯವಸ್ಥೆ ಮಾಡಬೇಕು, ಪಟ್ಟಣದ ಬಳೆಪೇಟೆ ಸರ್ಕಲ್ ಬಳಿ ಸಿಸಿ ಕ್ಯಾಮೆರಾ ಅಳವಡಿಸಬೇಕು ಸೇರಿದಂತೆ ಅನೇಕ ಸಮಸ್ಯೆಗಳನ್ನು ಪೊಲೀಸ್ ಅಧಿಕಾರಿಗಳ ಮುಂದೆ ತಿಳಿಸುವ ಮೂಲಕ ಕ್ರಮ ಕೈಗೊಳ್ಳಬೇಕೆಂದು ಮುಖಂಡರು ಮನವಿ ಮಾಡಿದರು.
ಈ ಸಭೆಯಲ್ಲಿ ಎ ಎಸ್ ಐ ಮಹದೇವಪ್ಪ, ಪೊಲೀಸ್ ಪೇದೆ ಬಂಡಳ್ಳಿ ಮಹೇಶ್ , ತಾಲೂಕು ಪಂಚಾಯಿತಿ ಮಾಜಿ ಅಧ್ಯಕ್ಷ ಹೊನ್ನೂರು ಎಂ ನಿರಂಜನ್,ದಲಿತ ಸಂಘರ್ಷ ಸಮಿತಿಯ ಜಿಲ್ಲಾ ಸಂಚಾಲಕ ಯರಿಯೂರು, ಗಣಿಗನ್ನೂರು ಚಂದ್ರಶೇಖರ್ , ಕೃಷ್ಣರಾಜು ,ಪಟ್ಟಣ ಪಂಚಾಯ್ತಿ ಸದಸ್ಯರಾದ ಮಹೇಶ್, ಬಿಜೆಪಿ ಮುಖಂಡ ಪಿ ಮಹೇಶ್, ಭೀಮಪ್ಪ, ಪಟ್ಟಣ ಪಂಚಾಯಿತಿ ಮಾಜಿ ಸದಸ್ಯರಾದ ಜೆ.ಶ್ರೀನಿವಾಸ್, ಉಮಾಶಂಕರ್ , ಕೆಸ್ತೂರು ನಾಗರಾಜ್, ಬಳೆಪೇಟೆ ಲಿಂಗರಾಜು ಮೂರ್ತಿ, ಹೊನ್ನೂರು ಚಿನ್ನಪ್ಪ, ಗುಂಬಳ್ಳಿ ಶ್ರೀನಿವಾಸ್ ,ಕುಮಾರನಪುರ ರಂಗಸ್ವಾಮಿ, ಸೇರಿದಂತೆ ತಾಲೂಕಿನ ವಿವಿಧ ಗ್ರಾಮದ ಮುಖಂಡರುಗಳು ಸಾರ್ವಜನಿಕರು ಭಾಗವಹಿಸಿದ್ದರು.

Continue Reading

Mysore

ಮೈಸೂರು ಜಿಲ್ಲಾ ಪತ್ರಕರ್ತರ ಸಂಘದ ಅಧ್ಯಕ್ಷರಾಗಿ ಕೆ.ದೀಪಕ್ ಆಯ್ಕೆ*

Published

on

ಮೈಸೂರು ಜಿಲ್ಲಾ ಪತ್ರಕರ್ತರ ಸಂಘದ ಚುನಾವಣೆಯ ಮತದಾನ ನಿನ್ನೆ ಮುಗಿದಿದ್ದು, ಇಂದು ಫಲಿತಾಂಶ ಹೊರ ಬಿದ್ದಿದೆ.

ಮೈಸೂರು: ಮೈಸೂರು ಜಿಲ್ಲಾ ಪತ್ರಕರ್ತರ ಸಂಘದ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಕೆ.ದೀಪಕ್ ಅವರು 138 ಮತಗಳನ್ನು ಪಡೆದು ಸಂಘದ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ನಗರ ಉಪಾಧ್ಯಕ್ಷರಾಗಿ ರವಿ ಪಾಂಡವಪುರ, ಗ್ರಾಮೀಣ ಉಪಾಧ್ಯಕ್ಷರಾಗಿ ಹೆಚ್ ಎಸ್ ವೆಂಕಟಪ್ಪ, ಪ್ರಧಾನ ಕಾರ್ಯದರ್ಶಿ ಧರ್ಮಾಪುರ ನಾರಾಯಣ, ಗ್ರಾಮಾಂತರ ಕಾರ್ಯದರ್ಶಿ ದಾರಾ ಮಹೇಶ್, ನಗರ ಕಾರ್ಯದರ್ಶಿ ಲಕ್ಷ್ಮಿ ನಾರಾಯಣ್ ಯಾದವ್, ಖಜಾಂಜಿಯಾಗಿ ಸುರೇಶ್ ಎಸ್ ಅವರುಗಳು ಆಯ್ಕೆಯಾಗಿದ್ದಾರೆ.

ಮೈಸೂರು ಜಿಲ್ಲಾ ಪತ್ರಕರ್ತರ ಸಂಘದ ನೂತನ ಕಾರ್ಯಕಾರಿ ಸಮಿತಿ ಸದಸ್ಯರ ವಿವರ ಇಂತಿದೆ.

ಎಂ.ಟಿ ಯೋಗೇಶ್ ಕುಮಾರ್,
ಕವಿತಾ ಎಸ್, ಅನಗೋಡು ನಟರಾಜು, ಡಿ.ಜೆ ರೋಜಾ ಮಹೇಶ್, ನಾಣಿ ಹೆಬ್ಬಾಳ್, ಜೆ.ರವಿಚಂದ್ರ ಹಂಚ್ಯ, ಹಂಪಾ ನಾಗರಾಜು, ಸೋಮಶೇಖರ್ ಚಿಕ್ಕಮರಳ್ಳಿ, ಜೆ ಶಿವಣ್ಣ, ಸತೀಶ್ ಆರ್ ದೇಪುರ, ದೊಡ್ಡನ ಹುಂಡಿ ರಾಜಣ್ಣ, ಹುಲ್ಲಹಳ್ಳಿ ಮೋಹನ, ಪುನೀತ್ ಎಸ್, ರಾಜು ಕಾರ್ಯ, ಸಿಎನ್ ವಿಜಯ್ ಇವರುಗಳು ಮೈಸೂರು ಜಿಲ್ಲಾ ಪತ್ರಕರ್ತರ ಸಂಘದ ನೂತನ ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಆಯ್ಕೆಗೊಂಡಿದ್ದಾರೆ.

Continue Reading

Mandya

ಕೆ.ಆರ್.ಎಸ್ ನಲ್ಲಿ ಡೆಂಘೀ ಜಾಗೃತಿ

Published

on

ಶ್ರೀರಂಗಪಟ್ಟಣ: ತಾಲೂಕು ಪ್ರಾಥಮಿಕ ಆರೋಗ್ಯ ಕೇಂದ್ರ ಕೆಆರ್ ಸಾಗರ್ ದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಡೆಂಗ್ಯೂ ನಿಯಂತ್ರಣ ಕುರಿತು ಜಾಗೃತಿ ಕಾರ್ಯಕ್ರಮ ನಡೆಯಿತು.

ಪ್ರಭಾರಿ ತಾಲೂಕು ಆರೋಗ್ಯ ಅಧಿಕಾರಿ ಡಾ.ಡಿ.ಟಿ.ಮಂಜುನಾಥ್ ಪ್ರಾಸ್ತಾವಿಕವಾಗಿ ಮಾತನಾಡಿ, ಡೆಂಗ್ಯೂ ಜ್ವರದ ನಿಯಂತ್ರಣಕ್ಕೆ ಲಾರ್ವ ಪತ್ತೆ ಹಾಗೂ ಉತ್ಪತ್ತಿ ತಾಣ ನಾಶ ಮಾಡುವುದು ಒಂದೇ ದಾರಿಯಾಗಿದೆ. ಡೆಂಗ್ಯೂ ಜ್ವರಕ್ಕೆ ಯಾವುದೇ ನಿರ್ದಿಷ್ಟ ಚಿಕಿತ್ಸೆ ಅಥವಾ ಲಸಿಕೆ ಲಭ್ಯವಿಲ್ಲದೆ ಇರುವುದರಿಂದ ಕಾಯಿಲೆ ಬಂದ ನಂತರ ಚಿಕಿತ್ಸೆ ಪಡೆಯುವುದಕ್ಕಿಂತ ಖಾಯಿಲೆ ಬರದಂತೆ ತಡೆಗಟ್ಟುವುದೇ ಒಳ್ಳೆಯದು ಎಂದು ಅವರು ಕಿವಿಮಾತು ಹೇಳಿದರು.

ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಎಸ್.ಡಿ.ಬೆನ್ನೂರ ಮಾತನಾಡಿ, ಸೊಳ್ಳೆಗಳ ಜೀವನ ಚಕ್ರದ ಹಂತಗಳು ಮೊಟ್ಟೆ, ಲಾರ್ವಾ, ಫೂಪ, ವಯಸ್ಕ ಹಂತಗಳ ಬಗ್ಗೆ, ನಿಯಂತ್ರಣದ ಕ್ರಮಗಳು ಹಾಗೂ ಸ್ವಯಂ ರಕ್ಷಣಾ ವಿಧಾನಗಳಾದ ಸೊಳ್ಳೆ ಪರದೆ ಉಪಯೋಗಿಸುವ ಕುರಿತು ಅರಿವು ಮೂಡಿಸಿದರು.

ತಾಲೂಕು ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ಜಿ.ಮೋಹನ್ ಮಾತನಾಡಿ, ಡೆಂಗ್ಯೂ ಜ್ವರದ ಲಕ್ಷಣಗಳು, ಪತ್ತೆ ಹಚ್ಚುವಿಗೆ, ಚಿಕಿತ್ಸೆ ಹಾಗೂ ಮುಂಜಾಗ್ರತ ಕ್ರಮಗಳ ಕುರಿತು ಮಾಹಿತಿ ನೀಡಿದರು.

ಗ್ರಾಮದಲ್ಲಿ ಎಲ್ಲಾ ಸಾರ್ವಜನಿಕರು ಪ್ರತಿ ಶುಕ್ರವಾರ ತಮ್ಮ ಮನೆಯ ಎಲ್ಲಾ ನೀರಿನ ಸಂಗ್ರಹಗಳಾದ ನೀರಿನ ತೊಟ್ಟಿ ,ಪ್ಲಾಸ್ಟಿಕ್ ಬ್ಯಾರಲ್ ಇತರೆ ನೀರಿನ ಪರಿಕರಗಳನ್ನು ಎಲ್ಲವನ್ನು ಸಹ ಕಡ್ಡಾಯವಾಗಿ ಖಾಲಿ ಮಾಡಿ ಚೆನ್ನಾಗಿ ಉಜ್ಜಿ ನೀರನ್ನು ತುಂಬಿಸಿಕೊಳ್ಳುವುದು ಕಡ್ಡಾಯ. ಇದರ ಪರಿಶೀಲಿನೆಗಾಗಿ ಆರೋಗ್ಯ ಸಿಬ್ಬಂದಿ ವರ್ಗದವರು ಮನೆ ಮನೆ ಭೇಟಿ ನೀಡಿದ ಸಂದರ್ಭದಲ್ಲಿ ಸಾರ್ವಜನಿಕರು ಸಹಕಾರ ಬಹಳ ಮುಖ್ಯ ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಕಾಲೇಜು ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಎಂ.ಬಿ.ಕುಮಾರ್, ಕಾಲೇಜಿನ ಪ್ರಾಂಶುಪಾಲ ಲಿಂಗರಾಜು ಉಪನ್ಯಾಸಕ ಕುಮಾರ್, ಆಡಳಿತ ವೈದ್ಯಾಧಿಕಾರಿ ಡಾ.ಪ್ರಫುಲ್ಲ, ಆರೋಗ್ಯ ನಿರೀಕ್ಷಣಾಧಿಕಾರಿ ರಮ್ಯ ಹಾಗೂ ಆಶಾ ಕಾರ್ಯಕರ್ತೆಯರು ಉಪಸ್ಥಿತರಿದ್ದರು

Continue Reading

Trending

error: Content is protected !!