ಶ್ರೀರಾಮ ಲೋಕಾ ಧರ್ಮದರ್ಶಕ
ಚಿಕ್ಕಮಗಳೂರು ಆಗಸ್ಟ್ ೩೦ (ಪಿಎನ್‌ಬಿ) ಶ್ರೀರಾಮ ಲೋಕಾ ಧರ್ಮದರ್ಶಕ. ರಾಮನಾಮದ ಅನುಸಂಧಾನದಲ್ಲಿ ಒಳಿತಿದೆ ಎಂದು ಆಧ್ಯಾತ್ಮಕ ಚಿಂತಕ ಪ್ರವಚನಕಾರ ಶಿವಮೊಗ್ಗದ ಜಿ.ಎಸ್.ನಟೇಶ್ ಅಭಿಪ್ರಾಯಿಸಿದರು.
ಶ್ರೀಸತ್ಯಸಾಯಿ ಸೇವಾ ಸಮಿತಿ ನಗರದ ಸಾಯಿ ಮಧುವನ ಬಡಾವಣೆಯ ಶ್ರೀಸತ್ಯಸಾಯಿ ಸೇವಾ ಕ್ಷೇತ್ರದಲ್ಲಿ ಆಯೋಜಿಸಿದ್ದ ‘ಶ್ರೀ ರಾಮಾಯಣ ಪಾತ್ರಗಳ ವಿಶ್ಲೇಷಣೆ’ ಕುರಿತ ಅಧ್ಯಯನಗೋಷ್ಠಿಯಲ್ಲಿ ನಿನ್ನೆ ಸಂಜೆ ಅವರು ಸಂವಾದಿಸಿದರು.
ರಾಮಾಯಣ, ಮಹಾಭಾರತ, ಭಗವದ್ಗೀತೆ ಆಧ್ಯಾತ್ಮಿಕ ಸಂಮೃದ್ಧಿಗೆ ಅಪಾರ ಕೊಡುಗೆ ನೀಡಿದೆ. ಇಲ್ಲಿ ಕೊಡುವ ಶಿಕ್ಷಣ ಜಗತ್ತಿನ ಯಾವುದೇ ವಿಶ್ವವಿದ್ಯಾನಿಲಯವೂ ನೀಡಲಾಗದು. ಜೀವನದ ಅಗತ್ಯತೆಯ ಜೊತೆಗೆ ಮೌಲ್ಯಗಳನ್ನು ಕಟ್ಟಿಕೊಡುತ್ತವೆ ಎಂದರು.
ಶ್ರೀರಾಮ ತ್ಯಾಗಕ್ಕೆ ಪ್ರಸಿದ್ಧನಾದರೆ, ಶ್ರೀಕೃಷ್ಣ ರಾಧಾ ಪ್ರಿಯ. ರಾಮ ನಡೆದಂತೆ ನಡೆ, ಕೃಷ್ಣ ಹೇಳಿದ್ದನ್ನು ಕೇಳು ಎನ್ನುವುದು ಲೋಕೋಕ್ತಿ. ಸಂಕಟ ಕಾಲದ ನೀತಿಯನ್ನು ಮಹಾಭಾರತದಲ್ಲಿ ನೋಡಬಹುದು. ಯುಕ್ತಿಗೆ ಕೃಷ್ಣನೇ ಸಾಟಿ. ತಾಳ್ಮೆ, ನಿಸ್ವಾರ್ಥ, ಸಂಯಮ, ಶಾಂತಿ ಇದ್ದರೆ ಹೃದಯ ಕ್ಷೀರ ಸಾಗರವಾಗುತ್ತದೆ. ಇಲ್ಲಿ ಭಗವಂತನ ಸಾನಿಧ್ಯವಿರುತ್ತದೆ ಎಂದರು.
ರಾಮಾಯಣ ಶ್ರೇಷ್ಠ ಕಾವ್ಯ. ವಾಲ್ಮೀಕಿ ಹೆಣೆದಿರುವ ಕಥಾಹಂದರದಲ್ಲಿ ಬರುವ ಎಲ್ಲ ಪಾತ್ರಗಳು ನಾವು ಹೇಗೆ ಬದುಕಬೇಕೆಂಬುದನ್ನು ಕಲಿಸುತ್ತದೆ. ಶ್ರೀರಾಮ ಆದರ್ಶಪುರುಷೋತ್ತಮ. ಸೀತಾಮಾತೆ ಪಾವಿತ್ರ್ಯಕ್ಕೆ ಪರ್ಯಾಯ. ಭರತ ದೊರೆತನದ ಭಾರ ಹೊತ್ತರೂ ದೊರೆಯಾಗಲಿಲ್ಲ. ರಾಮ ಪಾದುಕೆಯನ್ನು ಸಿಂಹಾಸನದ ಮೇಲಿಟ್ಟು ರಾಜ್ಯಭಾರ ಮಾಡಿದ. ಮಾರುತಿ ಎಂದರೆ ಶಕ್ತಿ ಮತ್ತು ಪ್ರೀತಿಯ ಸಂಗಮ. ಶಬರಿ ಅದ್ವೈತದ ಸಾಕಾರ ರೂಪವಾಗಿ ನಿಲ್ಲುತ್ತಾಳೆ. ಅಹಲ್ಯಾ ಪಾತ್ರವೂ ವೈಶಿಷ್ಟ್ಯಪೂರ್ಣ ಎಂದು ನಟೇಶ್ ಪಾತ್ರಗಳನ್ನು ವಿಶ್ಲೇಷಿಸಿದರು.

ಡಿವಿಜಿ ಅವರಿಗೆ ಭರತನ ಪಾತ್ರ ಹೆಚ್ಚು ಅಚ್ಚುಮೆಚ್ಚು. ಮಹಾನ್‌ಗ್ರಂಥದ ತತ್ತ್ವಸಾರವನ್ನು ಸರಳವಾಗಿ ನಾಲ್ಕುಸಾಲಿನ ೯೪೫ಕಂದಪದ್ಯಗಳಲ್ಲಿ ತೆರೆದಿಟ್ಟಿದ್ದಾರೆ. ಪ್ರತ್ಯುಪಕಾರ ಬಯಸಿ ಉಪಕಾರ ಮಾಡಿದರೆ ಆಪತ್ತಿಗೆ ಆಹ್ವಾನ ನೀಡಿದಂತೆ. ಭಗತವಂತ ಭಕ್ತಿಗೆ ಒಲಿಯುತ್ತಾನೆ ಹೊರತು ಆಡಂಬರಕಲ್ಲ. ಸ್ನಾನಕ್ಕಿಂತ ನಿರ್ಮಲಮನಸ್ಸು ಮುಖ್ಯ. ಹಸಿದವನಿಗೆ ಅನ್ನ ಕೊಡಬೇಕೆ ಹೊರತು ಆನೆಯನ್ನಲ್ಲ ಎಂದರು.
ಪರಿಶ್ರಮ ಇಲ್ಲದ ದುಡಿಮೆ, ಎಚ್ಚರಿಕೆ ಇಲ್ಲದ ಸುಖ, ಚಾರಿತ್ರ್ಯ ಇಲ್ಲದ ಶಿಕ್ಷಣ ಮಾನವೀಯತೆ ಇಲ್ಲದ ವಿಜ್ಞಾನ, ನೈತಿಕತೆ ಇಲ್ಲದ ರಾಜಕಾರಣ, ನೀತಿ ಇಲ್ಲದ ವ್ಯಾಪಾರ, ತ್ಯಾಗವಿಲ್ಲದ ಪೂಜೆ ವ್ಯರ್ಥ. ಈ ಸಪ್ತಪಾತಕಗಳಿಂದ ಹೊರಬರಲು ಸತ್ಸಂಗಗಳು ಸಹಕಾರಿ ಎಂದರು.
ಹಣಕ್ಕಿಂತ ಗುಣಕ್ಕೆ ಪ್ರಾಧ್ಯಾನತೆ ಕೊಡಬೇಕೆಂಬುದು ಆದರ್ಶ. ಹಣವನ್ನು ಹಿಂಬಾಲಿಸಿ ಹೋದವರು ಬಹಳಷ್ಟು ಜನ. ಸರಸ್ವತಿ ಸರಿದಾರಿ ತೋರಿದರೆ, ಲಕ್ಷ್ಮಿ ದಾರಿ ತಪ್ಪಿಸುವುದೇ ಹೆಚ್ಚು ಎಂದ ನಟೇಶ್, ಭಜನೆ ಮತ್ತು ಭೋಜನ ಸುಖಜೀವನಕ್ಕೆ ಅಗತ್ಯ. ನಾಲ್ಕುಜನರಿಗೆ ಸಂತೋಷಕೊಟ್ಟು ಆ ಸಂತೋಷದಲ್ಲಿ ನಾವು ಪಾಲು ಪಡೆಯುವುದೇ ನಿಜವಾದ ಸಂತೋಷ. ರಾಮಾಯಣ ಪಾತ್ರಗಳ ನಿಜಸಂದೇಶ ಭಕ್ತಿ. ‘ವರ’ ಎಂದು ಕೇಳಿದ್ದು ‘ಶಾಪ’ವೂ ಆಗುವ ಸಾಧ್ಯತೆ ಇಲ್ಲಿ ಗಮನಿಸಬಹುದು ಎಂದರು.

ರಾಮ ಕಾಡಿಗೆ ಹೋಗಲು ಮೂಲ ಕಾರಣ ಆದ ಮಂಥರೆ, ರಾವಣವಧೆಗೂ ಕಾರಣಕರ್ತಳು ಎಂದು ಮರೆಯಬಾರದು. ಹೆಣ್ಣಿನ ವ್ಯಾಮೋಹಕ್ಕೆ ಸಿಲುಕಿ ದಶರಥಮಹಾರಾಜ ರಾಮನನ್ನು ಕಾಡಿಗಟ್ಟಬೇಕಾಯಿತು. ಎಲ್ಲವೂ ವಿಧಿಯಾಟ ಎಂದು ರಾಮನೆ ಹೇಳಿದ್ದಾನೆ. ತನ್ನ ಕುಟುಂಬಕ್ಕಿಂತ ಪ್ರಜೆಗಳ ಹಿತರಕ್ಷಣೆ ಮುಖ್ಯವೆಂದು ಪರಿಭಾವಿಸಿದ್ದ ರಾಮ, ಸೀತೆಯನ್ನು ಕಾಡಿಗಟ್ಟಿದ ಎಂದು ವಿಶ್ಲೇಷಿಸಿದ ನಟೇಶ್, ಸೀತೆಯ ಪಾವಿತ್ರ್ಯತೆಯನ್ನು ಪ್ರಶ್ನಿಸಲಿಲ್ಲ ಎಂದು ಉತ್ತರಿಸಿದರು.
ಶ್ರೀಸತ್ಯಸಾಯಿ ಸಂಸ್ಥೆಗಳ ಜಿಲ್ಲಾಧ್ಯಕ್ಷ ಬಿ.ಪಿ.ಶಿವಮೂರ್ತಿ ಸ್ವಾಗತಿಸಿ, ಸ್ಥಳೀಯ ಸಮಿತಿ ಅಧ್ಯಕ್ಷ ಟಿ.ಪಿ.ಭೋಜೇಗೌಡ ವಂದಿಸಿದರು. ಅಧ್ಯಯನ ಗೋಷ್ಠಿಯ ಪ್ರಾಯೋಜಕರಾದ ಬಿ.ಎಂ.ಕುಮಾರ್ ಮತ್ತು ರಾಧಿಕಾರಾಣಿ, ಶ್ರೀಸತ್ಯಸಾಯಿ ಸೇವಾಸಮಿತಿ ಅಧ್ಯಕ್ಷ ಎಂ.ಆರ್.ನಾಗರಾಜ ನೇತೃತ್ವದಲ್ಲಿ ನಟೇಶ್ ಅವರನ್ನು ಸನ್ಮಾನಿಸಲಾಯಿತು. ಗೋಷ್ಠಿಗೆ ಮೊದಲು ಸಾಮೂಹಿಕ ಭಜನೆ ಅಂಕೋಲೇಕರ್ ನೇತೃತ್ವದಲ್ಲಿ ನಡೆಯಿತು.

ಶೃಂಗೇರಿ;-ತಾಲ್ಲೂಕಿನ ಕಂದಾಯಗ್ರಾಮ,ಉಪಗ್ರಾಮ ಹಾಗೂ ಗ್ರಾಮಠಾಣೆಯಲ್ಲಿ ವಾಸವಾಗಿರುವ ಮನೆಗಳಿಗೆ ಕೂಡಲೇ ಇ-ಸ್ವತ್ತು ದಾಖಲೀಕರಣ ಹಾಗೂ ಗ್ರಾಮಠಾಣಾ ವಿಸ್ತರಣೆಯನ್ನು ನಿಗದಿಗೊಳಿಸಲು ಅಪರ ಜಿಲ್ಲಾಧಿಕಾರಿಗಳು ನೀಡಿದ ಆದೇಶದ ಕುರಿತು ತಹಶೀಲ್ದಾರ್ ಅವರು ಗಮನ ಹರಿಸಬೇಕು ಎಂದು ಬಿಜೆಪಿ ಮಂಡಲದ ಅಧ್ಯಕ್ಷ ತಲಗಾರು ಉಮೇಶ್ ತಿಳಿಸಿದರು.
ಅವರು ಬಿಜೆಪಿ ಮಂಡಲದ ವತಿಯಿಂದ ತಾಲ್ಲೂಕು ಕಚೇರಿಯಲ್ಲಿ ತಹಶೀಲ್ದಾರ್ ಗೌರಮ್ಮ ಅವರಿಗೆ ಮನವಿ ಸಲ್ಲಿಸಿ ಮಾತನಾಡಿದರು.
ಭೌಗೋಳಿಕವಾಗಿ ತಾಲ್ಲೂಕು ದೊಡ್ಡ ಪ್ರದೇಶವಾಗಿದ್ದು ಗ್ರಾಮೀಣ ಪ್ರದೇಶಗಳು ಹೆಚ್ಚಾಗಿವೆ.ತಾಲ್ಲೂಕಿನಲ್ಲಿ ಎಲ್ಲಾ ಮನೆಗಳ ಇ-ಸ್ವತ್ತುಗಾಗಿ ಸಂಬಂಧಿಸಿದ ಹಲವಾರು ದಾಖಲೆಗಳನ್ನು ನೀಡಬೇಕಾಗಿದ್ದು ಕೇವಲ ಎರಡು ದಿನಗಳು ಮಾತ್ರ ಬಾಕಿ ಇದೆ.

ಹಾಗಾಗಿ ತಕ್ಷಣವೇ ಕ್ರಮ ತೆಗೆದುಕೊಂಡು ಅವಧಿಯನ್ನು ವಿಸ್ತರಣೆ ಮಾಡಬೇಕು.ಗ್ರಾಮಠಾಣಾ ಪ್ರದೇಶಕ್ಕೆ ಜನವಸತಿ ಪ್ರದೇಶವನ್ನು ಸೇರಿಸಬೇಕು ಎಂದ ಅವರು ತಮ್ಮ ಕಚೇರಿ ತಕ್ಷಣವೇ ಕಾರ್ಯಪ್ರವೃತ್ತಗೊಂಡು ಶೃಂಗೇರಿ ತಾಲ್ಲೂಕಿನ ದಾಖಲೆ ರಹಿತ ವಸತಿಗಳಿಗೆ ದಾಖಲೆಗಳನ್ನು ಒದಗಿಸಲು ಸಹಕರಿಸಬೇಕು ಎಂದು ಆಗ್ರಹಿಸಿದರು.
ಪ.ಪಂ ಅಧ್ಯಕ್ಷ ಎಚ್.ಎಸ್.ವೇಣುಗೋಪಾಲ್,ಮಂಡಲದ ಪ್ರಧಾನಕಾರ್ಯದರ್ಶಿ ಎಚ್.ಕೆ.ನೂತನ್‌ಕುಮಾರ್,ತಾ|ಬಿಜೆಪಿ ರೈತಮೋರ್ಚಾ ಅಧ್ಯಕ್ಷ ರಾಜೇಶ್ ಮೇಗಳಬೈಲು,ಮುಖಂಡರಾದ ಸುರೇಶ್ ಜಟಿಗೇಶ್ವರ,ಯೋಗಪ್ಪ.ಎಚ್.ಕೆ,ಸುನೀಲ್ ಹಾಜರಿದ್ದರು.

ಚಿಕ್ಕಮಗಳೂರು ಸವಾರನ ನಿಯಂತ್ರಣ ತಪ್ಪಿ ಬೈಕ್ ಅಫಘಾತ ಓರ್ವ ಸಾವು‌

ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಿಯಂತ್ರಣ ತಪ್ಪಿದ ಬೈಕ್

ಅತಿವೇಗ ಚಾಲನೆಯೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ

ರಸ್ತೆಯ ಪಕ್ಜದಲ್ಲಿರೋ ಚರಂಡಿಗೆ ಬಿದ್ದ ಬೈಕ್

ಪ್ರವೀಣ್ ನಾಯ್ಕ್( 24) ಸ್ಥಳದಲ್ಲಿಯೇ ಸಾವ

ಬೈಕ್ ನಲ್ಲಿದ್ದ ಮತ್ತೋರ್ವ ಸಂತೋಷ್ ಗಂಭೀರಗಾಯ

ಗಾಯಳುವನ್ನ ಕಡೂರು ಅಸ್ಪತ್ರೆಗೆ ದಾಖಲು‌ ಮಾಡಿದ. ಸ್ಥಳೀಯರು

ಕಡೂರು ತಾಲೂಕಿನ ಸರಸ್ವತಿ ಪುರದಲ್ಲಿ ಘಟನೆ

ಚಿಕ್ಕಮಗಳೂರು ಜಿಲ್ಲೆಯ ಕಡೂರು ತಾಲೂಕು