ವರದಿ ಸತೀಶ್ ಚಿಕ್ಕಕಣಗಾಲು

ಆಲೂರು : ಮನೆಯೊಂದರಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ ನಿಂದ ಬೆಂಕಿ ಆಕಸ್ಮಿಕ ನಡೆದು ಮನೆಯಲ್ಲಿದ್ದ ಗೃಹೋಪಯೋಗಿ ವಸ್ತುಗಳು ನಾಶವಾದ ಘಟನೆ ಹಾಸನ ಜಿಲ್ಲೆ ಆಲೂರು ತಾಲ್ಲೂಕಿನ ಭರತವಳ್ಳಿ ಗ್ರಾಮದಲ್ಲಿ ಗುರುವಾರ ನಡೆದಿದೆ.

ಖಯಬ್ ಸಾಬ್ ಕೋಂ ಮಿರ್ಜಾ ಎಂಬುವರಿಗೆ ಸೇರಿದ ಮನೆ ಬೆಂಕಿಗಾಹುತಿಯಾಗಿದೆ ಬುಧವಾರ ತಡರಾತ್ರಿ ಘಟನೆ ನಡೆದಿದ್ದು ಮನೆಯಲ್ಲಿದ್ದ ಟಿವಿ, ಪ್ರಿಡ್ಜ್,ಧರಿಸುವ ಬಟ್ಟೆ ಸೇರಿದಂತೆ ಲಕ್ಷಾಂತರ ಮೌಲ್ಯದ ಗೃಹೋಪಯೋಗಿ ವಸ್ತುಗಳು ಸುಟ್ಟುಕರಕಲಗಿವೆ ಬೆಂಕಿ ಬಿದ್ದ ಸಂದರ್ಭದಲ್ಲಿ ಮನೆ ಯಜಮಾನ ಖಯಬ್ ಸಾಬ್ ಹಾಗೂ ಪತ್ನಿ ಮನೆಯಲ್ಲಿದ್ದರೆಂದು ತಿಳಿದು ಬಂದಿದ್ದು ಯಾವುದೇ ಪ್ರಾಣಪಾಯ ಸಂಭವಿಸಿಲ್ಲ ಪ್ರತ್ಯಕ್ಷ ದರ್ಶಿಗಳು ಹಾಸನದ ಅಗ್ನಿಶಾಮಕ ಠಾಣೆಗೆ ಮಾಹಿತಿ ನೀಡಿದ್ದಾರೆ ಹಾಸನ ದಿಂದ ಸ್ಥಳಕ್ಕೆ ಅಗ್ನಿಶಾಮಕ ವಾಹನ ಬರುವಷ್ಟರೊಳಗೆ ಗ್ರಾಮಸ್ಥರು ಮನೆಯಲ್ಲಿದ್ದ ಸಿಕ್ಕ ಸಿಕ್ಕ ಪಾತ್ರೆಯಲ್ಲಿ ನೀರು ತಂದು ಬೆಂಕಿ ನಂದಿಸಿದ್ದಾರೆ.

ಮಾಹಿತಿ ತಿಳಿದ ತಹಸೀಲ್ದಾರ್ ಸಿ.ಪಿ.ನಂದಕುಮಾರ್ ಹಾಗೂ ಕಂದಾಯ ಇಲಾಖೆ ಸಿಬ್ಬಂದಿಗಳು ಭರತವಳ್ಳಿ ಗ್ರಾಮಕ್ಕೆ ಭೇಟಿ ನೀಡಿ ಸ್ಥಳ ಪರಿಶೀಲನೆ ನಡೆಸಿದರು.

ಹಾಸನ: ಯಾರಾದರೂ ಅನಾಧಿಕೃತವಾಗಿ ಮಗುವನ್ನು ಕೊಂಡುಕೊಂಡರೇ ಬಾಲ ನ್ಯಾಯಾಲಯದ ಪ್ರಕಾರ ಕಾನೂನು ಬಾಹಿರವಾಗಿದ್ದು, ಅನಾಧಿಕೃತ ಮಕ್ಕಳ ಮಾರಾಟ ಎಂದು ಪರಿಗಣಿಸಿ ಅಂತವರಿಗೆ ೫ ವರ್ಷ ಜೈಲು ಶಿಕ್ಷೆ ಮತ್ತು ಒಂದು ಲಕ್ಷ ರೂ ದಂಢ ವಿಧಿಸಲಾಗುವುದು ಎಂದು ಮಕ್ಕಳ ರಕ್ಷಣಾ ಘಟಕದ ರಕ್ಷಣಾಧಿಕಾರಿ ಕಾಂತರಾಜು ತಿಳಿಸಿದರು.

ನಗರದ ಹೊರವಲಯ ಗವೇನಹಳ್ಳಿಯ ಬಳಿ ಇರುವ ಕಾಮಧೇನು ವೃದ್ಧಾಶ್ರಮದಲ್ಲಿ ಗುರುವಾರದಂದು ಮದ್ಯಾಹ್ನ ಹಮ್ಮಿಕೊಳ್ಳಲಾಗಿದ್ದ ಅಂತರಾಷ್ಟ್ರೀಯ ದತ್ತು ಮಾಸಾಚರಣೆ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ೫೦ ವರ್ಷ ಒಳಗೆ ಇರುವವರಿಗೆ ನಾವು ೨ ವರ್ಷ ಮೇಲ್ಪಟ್ಟ ಮಕ್ಕಳನ್ನು ದತ್ತು ಕೊಡಲಾಗುವುದು. ಪುರುಷ ಪೋಷಕರಿಗೆ ಹೆಣ್ಣು ಮಕ್ಕಳಿಗೆ ದತ್ತು ಕೊಡಲು ಕಾನೂನಿನಲ್ಲಿ ಅವಕಾಶವಿಲ್ಲ. ಪುರುಷ ಆಗಿರುವ ಏಕ ಪೋಷಕರಿಗೆ ಹೆಣ್ಣು ಮಕ್ಕಳನ್ನು ಯಾವ ಕಾರಣಕ್ಕೂ ದತ್ತು ಕೊಡುವುದಿಲ್ಲ. ಗಂಡು ಮಕ್ಕಳನ್ನು ದತ್ತು ತೆಗೆದುಕೊಳ್ಳಬಹುದು ಬಗ್ಗೆ ಮಾನದಂಡದಲ್ಲಿ ಗಮನಿಸಬೇಕಾಗುತ್ತದೆ. ರಿಜಿಸ್ಟರ್ ಮಾಡಿದ ಮೇಲೆ ಓಂ ತನಿಖೆಗಾಗಿ ಸ್ಥಳಕ್ಕೆ ಬಂದು ಹೆಚ್.ಎಸ್.ಆರ್. ಮಾಡಲಾಗುವುದು. ಓಂ ತನಿಖೆಯಲ್ಲಿ ಇವರಿಗೆ ಮಗುವನ್ನು ಕೊಡಬಹುದು

ಎಂದು ನಮ್ಮ ಸೋಶಿಯಲ್ ವರ್ಕರ್ ನಿರ್ಧರಿಸಿದ ಮೇಲೆ ಆ ರೀಪೊರ್ಟ್‌ನ್ನು ಆನ್ಲೈನಲ್ಲಿ ದಾಖಲು ಮಾಡಿದ ನಂತರ ಸಿನಿಯಾರಿಟಿ ಆರಂಭವಾಗುತ್ತದೆ ಎಂದರು. ನಮಗೆ ಮಕ್ಕಳೆ ಸಿಕ್ಕಿಲ್ಲ ಎಂದು ಕಾಲಾಹರಣ ಮಾಡಿದರೇ ಮಕ್ಕಳೆ ಸಿಗುವುದಿಲ್ಲ. ಕಾನೂನು ಪ್ರಕಾರ ಏನಿದೆ ನಿಯಮ ಪಾಲಿಸಲೇಬೇಕು. ಎಲ್ಲಾ ತನಿಖೆ ನಂತರ ಇವರು ಸಂಭಾವನಿಯ ದತ್ತು ಪೋಷಕರೆಂದು ಡಿಕ್ಲೇರ್ ಮಾಡಬೇಕು. ಇತ್ತಿಚಿನ ಅಂಕಿ ಅಂಶದ ಪ್ರಕಾರ ದತ್ತು ಪ್ರಮಾಣದಲ್ಲಿ ಹೆಣ್ಣು ಮಕ್ಕಳೆ ಹೆಚ್ಚು ಇರುವುದು ಸಂತೋಷದ ವಿಷಯ ಎಂದು ಕಿವಿಮಾತು ಹೇಳಿದರು. ಕಾಮಧೇನು ಮತ್ತು ತವರು ಚಾರಿಟಬಲ್ ಟ್ರಸ್ಟ್ ಎರಡು ಸಂಸ್ಥೆಯಿಂದ ಸುಮಾರು ೨೧ ಮಕ್ಕಳನ್ನು ದತ್ತು ಮಕ್ಕಳು ದತ್ತು ಹೋಗಿದ್ದಾರೆ. ಉತ್ತಮವಾದ ದತ್ತು ಯೋಜನೆಯು ನಮ್ಮ ಜಿಲ್ಲೆಯಲ್ಲಿ ಅನುಷ್ಠಾನ ಆಗುತ್ತಿದೆ. ಯಾರಾದರೂ ಅನಾಧಿಕೃತ

ಮಗುವನ್ನು ಸಾಕೋಣ ಎನ್ನುವ ಯೋಚನೆ ಇದ್ದರೇ ಅದು ಬಾಲ ನ್ಯಾಯ ಪ್ರಕಾರ ಕಾನೂನು ಬಾಹಿರವಾಗಿರುತ್ತದೆ. ಇದು ಅನಾಧಿಕೃತ ಮಕ್ಕಳ ಮಾರಾಟ ಎಂದು ಪರಿಗಣಿಸಲಾಗುತ್ತದೆ ಜೊತೆಗೆವ ಇದಕ್ಕೆ ೫ ವರ್ಷ ಜೈಲು ಶಿಕ್ಷೆ ಮತ್ತು ೧ ಲಕ್ಷ ದಂಢವನ್ನು ವಿಧಿಸಲಾಗುತ್ತದೆ. ಇದರಲ್ಲಿ ಆಸ್ಪತ್ರೆಯ ಸಿಬ್ಬಂದಿಗಳು ಏನಾದರೂ ಬಾಗಿಯಾದರೇ ಅಂತ ಸಿಬ್ಬಂದಿಗಳಿಗೆ ೭ ವರ್ಷ ಜೈಲು ಶಿಕ್ಷೆ ಕೊಡಲಾಗುತ್ತದೆ ಇವರಿಗೂ ಕೂಡ ೧ ಲಕ್ಷ ದಂಡ ಎಂದು ಎಚ್ಚರಿಸಿದರು. ಯಾವುದೇ ಕಾರಣಕ್ಕೂ ಅನಾಧಿಕೃತವಾಗಿ ಆಸೆ ಆಮಿಷಗಳಿಗೆ ಒಳಗಾಗಿ ಮಗು ಕೊಂಡುಕೊಳ್ಳುವುದು ಮಾರಾಟ ಮಾಡುವುದು ಕಾನೂನು ಬಾಹಿರ ಆಗುತ್ತದೆ. ಕಾನೂನು ಬದ್ಧವಾಗಿ ಮಗುವನ್ನು ದತ್ತು ತೆಗೆದುಕೊಂಡರೇ ಮಗುವಿಗೆ ಉತ್ತಮ ಭವಿಷ್ಯ ರೂಪಿಸಬಹುದು ಎಂದು ಸಲಹೆ ನೀಡಿದರು.

ಇದೆ ವೇಳೆ ಕಾಮಧೇನು ವೃದ್ಧಾಶ್ರಮದ ಎಂ. ಮಾಧವ ಶಣ್ಯೆ, ಸಂಪನ್ಮೂಲವ್ಯಕ್ತಿ ಅನುಪಮ, ಗೌರವಾಧ್ಯಕ್ಷರಾದ ಮುತ್ತತ್ತಿ ರಾಜಣ್ಣ, ನಿರ್ದೇಶಕರಾದ ಎನ್.ಎಸ್. ಕೃಷ್ಣ ಅಯ್ಯಂಗಾರ್, ಶಬ್ಬೀರ್ ಅಹಮದ್, ಆನಂದ್ ಬಾಗಡೆ ಸೇರಿದಂತೆ ಇತರರು ಭಾಗವಹಿಸಿದ್ದರು.

ಹಾಸನ: ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲೂಕಿನ ಬಿ.ಜಿ. ನಗರದಲ್ಲಿರುವ ಆದಿಚುಂಚನಗಿರಿ ಆಸ್ಪತ್ರೆಯಲ್ಲಿ ಡಿಸೆಂಬರ್ ೧ ರಿಂದ ೧೩ರ ವರೆಗೆ ಸೀಳು ತುಟಿ, ಸೀಳು ಅಂಗಳ ಹಾಗೂ ಸುಟ್ಟ ಗಾಯಗಳಿಂದ ಉಂಟಾದ ವಿರೂಪಗಳಿಗೆ ಉಚಿತ ಪ್ಲಾಸ್ಟಿಕ್ ಶಾಸ್ತ್ರ ಚಿಕಿತ್ಸಾ ಶಿಬಿರ ಹಮ್ಮಿಕೊಳ್ಳಲಾಗಿದೆ ಎಂದು ಆದಿಚುಂಚನಗಿರಿ ಆಸ್ಪತ್ರೆಯ ವೈದ್ಯ ಅಧೀಕ್ಷಕರು ಡಾ. ಕೆ.ಎಸ್. ರವಿ ಹಾಗೂ ಸಾರ್ವಜನಿಕ ಸಂಪರ್ಕಾಧಿಕಾರಿ ಧರ್ಮೇಂದ್ರ ತಿಳಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಗುರುವಾರ ಮಾತಾಡಿದ ಅವರು, ಕಾರ್ಯಕ್ರಮದಲ್ಲಿ ಶ್ರೀ ಆದಿಚುಂಚನಗಿರಿ ಮಹಾಸಂಸ್ಥಾನದ ಪೀಠಾಧಿಕ್ಷರಾದ ಶ್ರೀ ಡಾ. ನಿರ್ಮಲನಂದನಾಥ ಮಹಾಸ್ವಾಮೀಜಿ, ದಿವ್ಯಸಾನಿಧ್ಯದಲ್ಲಿ ಉಚಿತ ಶಿಬಿರ ನಡೆಯಲಿದೆ. ಮುಖ್ಯು ಅತಿಥಿಯಾಗಿ ಕೃಷಿ ಸಚಿವ ಎನ್. ಚೆಲುವರಾಯಸ್ವಾಮಿ, ಮೆಡಿಕಲ್ ನಿರ್ದೇಶಕ ಬ್ರಾಡ್ಲಿ ಕೂಟ್ಸ್, ಟೆಡ್ ಅಲೆಕ್ಸ್, ಮಾಹಿ ನಿರ್ದೇಶಕ ವಿ. ಶ್ರೀನಿವಾಸ್ ಮೂರ್ತಿ, ಬೆಂಗಳೂರು ನಾರ್ಥ ರೋಟರಿ ಅಧ್ಯಕ್ಷ ಗಿರೀಶ್ಯುವಗಳ್, ಪ್ರೊಜೆಕ್ಟ್ ಛೇರ‍್ಮನ್ ಬಿ.ಎಸ್. ವಿನೋದ್ ಕುಮಾರ್, ಆದಿಚುಂಚನಗಿರಿ ವೈಸ್ ಕೌನ್ಸಲರ್ ಡಾ. ಎಂ.ಎ. ಶೇಖರ್, ರಿಜಿಸ್ಟರ್ ಡಾ. ಸಿ.ಕೆ. ಸುಬ್ಬರಾಯ್, ಎಂ.ಜಿ. ಶಿವರಾಂ, ಡಾ. ಕೆ.ಎಂ. ಶಿವಕುಮಾರ್ ಭಾಗವಹಿಸುವುದಾಗಿ ಹೇಳಿದರು.

ಕಳೆದ ೧೦ ವರ್ಷದಿಂದ ಈ ರೀತಿಯ ಉಚಿತ ಶಿಬಿರಗಳನ್ನು ಆಯೋಜಿಸುತ್ತಿದ್ದು, ೧೬೦೦ಕ್ಕೂ ಅಧಿಕ ಫಲಾನುಭವಿಗಳು ಇದರ ಸದುಪಯೋಗ ಪಡಿಸಿಕೊಂಡಿದ್ದಾರೆ. ಈ ನಿಟ್ಟಿನಲ್ಲಿ ಬೆಂಗಳೂರಿನ ಬಿಜಿ ನಗರದ ರೋಟರಿ ಹಾಗೂ ಅಮೇರಿಕಾದ ರೊಟೊಪ್ಲಾಸ್ಟ್ ಇಂಟರ್ನ್ಯಾಶನಲ್ ವತಿಯಿಂದ ನುರಿತ ೩೦ ತಜ್ಞ ವೈದ್ಯರ ತಂಡವು ಈ ಶಿಬಿರದಲ್ಲಿ ಭಾಗವಹಿಸಿ ಶಸ್ತ್ರ ಚಿಕಿತ್ಸೆ ಮಾಡಲಿದ್ದಾರೆ. ಸೀಳು ತುಟಿ, ಹಾಗೂ ಸೀಳು ಆಂಗುಳದ ಸಮಸ್ಯೆ ಇದ್ದವರು ಮಾತನಾಡಲು, ಹಾಲು ಕುಡಿಯಲು ಹಾಗೂ ಸೌಂದರ್ಯಕ್ಕೂ ತೊಂದರೆ ಉಂಟು ಮಾಡುತ್ತದೆ. ಈ ನಿಟ್ಟಿನಲ್ಲಿ ಅಂತವರ ಸಂಖ್ಯೆ ಕಡಿಮೆ ಮಾಡಲು ಆದಿಚುಂಚನಗಿರಿ ಮಹಾಸ್ವಾಮಿಗಳ ಸಹಕಾರದೊಂದಿಗೆ ಕಳೆದ ಹತ್ತು ವರ್ಷದಿಂದ ಕೆಲಸ ಮಾಡುತ್ತಿದೆ ಎಂದರು. ೩ ತಿಗಳಿನಿಂದ ೧೨ ವರ್ಷದವರೆಗೆ ಇರುವ ಮಕ್ಕಳಿಗೆ ಸೀಳು ತುಟಿ, ಸೀಳು

ಆಂಗುಳ ಹಾಗೂ ಸುಟ್ಟ ಗಾಯಗಳಿಂದ ಉಂಟಾದ ವಿರೂಪಗಳ ನಿವಾರಣೆ ಸಾಧ್ಯವಾಗುತ್ತದೆ. ಈ ನಿಟ್ಟಿನಲ್ಲಿ ಸಂಸ್ಥೆ ಕೆಲಸ ಮಾಡುತ್ತಿದೆ. ಈಗಾಗಲೇ ನೋಂದಣಿ ಆರಂಭಾವಾಗಿದ್ದು, ಚಿಕಿತ್ಸೆ ಅಗತ್ಯ ಇದ್ದವರು ಕೂಡಲೇ ನೋಂದಾವಣಿ ಮಾಡಿಕೊಳ್ಳುವಂತೆ ಮನವಿ ಮಾಡಿದರು. ಸೀಳು ತುಟಿ, ಹಾಗೂ ಸುಟ್ಟ ಗಾಯಗಳಿಂದ ಆಗಿರುವ ವಿರೂಪಗಳಿಂದ ಬಳಲುತ್ತಿರುವ ಫಲಾನುಭವಿಗಳಿಗೆ ಉಚಿತವಾಗಿ ಚಿಕಿತ್ಸೆ ನೀಡಲು ಮುಂದಾಗಿದೆ ಇದನ್ನು ಅರ್ಹ ಫಲಾನುಭವಿಗಳು ಇದರ ಸದುಪಯೋಗ ಪಡೆದುಕೊಳ್ಳಬೇಕು. ಶಿಬಿರದಲ್ಲಿ ರೋಗಿಗಳು ಹಾಗೂ ಅವರ ಕುಟುಂಬದವರಿಗೂ ಊಟ ವಸತಿ ವ್ಯವಸ್ಥೆ ಕಲ್ಪಿಸಲಾಗುವುದು. ಹೆಚ್ಚಿನ ಮಾಹಿತಿ ಹಾಗೂ ನೊಂದಾವಣೆ ಮಾಡಿಕೊಳ್ಳಲು ಮೊ.೯೯೪೫೫೫೮೫೭೯, ೯೯೦೦೭೫೮೯೪೬ ಹಾಗೂ ೭೯೭೫೧೦೨೯೮೨ ಗೆ ಸಂಪರ್ಕಿಸಬಹುದು. ಸಾರ್ವಜನಿಕರು ಈ ಶಿಬಿರದ ಉಪಯೋಗವನ್ನು ಪಡೆದುಕೊಳ್ಳುವಂತೆ ಇದೆ ವೇಳೆ ಕೋರಿದರು.

ಪತ್ರಿಕಾಗೋಷ್ಠಿಯಲ್ಲಿ ಸಾರ್ವಜನಿಕ ಸಂಪರ್ಕಾಧಿಕಾರಿ ವೈ.ಎಸ್. ಶಿವಕುಮಾರ್ ಇತರರು ಉಪಸ್ಥಿತರಿದ್ದರು.